ادك ع سهر ..ماكو ..تخبلت سهر نلكفت ونسجنت لازم اروح ...اشوف شصار ...الف فكرة جتي براسي ..
اكيد ع حس الطلق ..جتي العالم ...
لا...كالت كلشي تمام ..
سحبت الفلوس ..ولزموها هذا جاسم ..كايل لاحد اذا اختفي معناها نكتلت ...
ي اكيد ...ضليت مثل المخبل بلغرفه ..ماعرف شسوي ..
طبت زينه عمار شبيك ..مهند خبلني كل شوية يدك..
زينة عوفيني ..وحدي ..
شكو عمار ..
عوفيني داكلج ...
غير اعرف صار عطت بيها ...وكمت كسرت شكو شي ع ميز ..
دخيلك ربي شجاك ..
عوفوني وحدي ..وطلعي ..
طلعت ..عليمن ادك ..ويامن احجي..
اروح لبغداد ..اريد اشوف شصار ...
لا خاف انلزم ...وصلت مرحله حسيت دماغي ..فصل ماعاد اكدر افكر بشي ...
طلعت من الغرفه ..اسمع زينة ..تكول لحكوني الرجال تخبل مدري شصار ..طلعت.الها
هاي ويامن تحجين ..
مهند ..
يردك حاجي ...
مديت ايدي ..جاوبته ..
عمار شصار ..
ماعرف ..
الفلوس..وين راحت ..
خرب بلفوس .. ..ماعرف ماعرف ..
انت موكل احد يصرف بفلوسك ...
لا لا روووح ..
ماروح فهمني ..ولك ملايين وين وديتها ..
سديته بوجها ..وكعدت احسب مسافه ..من بغداد لهنا اكيد ..سهر بلطريق ..جايه ..انتظر. ..كالت باجر يمك ..
ماعرف شون خلص الوكت وصار الليل وسهر ..ماكو
فكري كله ..انلزمت ...
ماكدر اتحمل بعد ..باجر الصبح احجز ..وارجع لبغداد..
وابرءها. واكول .اني كتلته هيه مالها دخل ..انيي..اي اي مالها ذنب
...............
زينة الوكت كله ..بس تقرهه ايات ..وتحجي ويايه ...
من كثر القلق .والقهر..ع سهر ماعرف وين راحت ..عدله ميته .....صخنت ..صخونه موت ...
ووكعت بلفراش ...
حلكي ماكدر ..افتحه ...
مي ماكدر اشرب ..
ولا اكل ..
كوة ودوني للطبيب ...
وانطاني علاج ..
ماعرف شنو الي بيه ..3 ايام صخونه مراحت ابد ...
كوة اكل واشرب ..اريد اكوم اروح لبغداد مااكدر ..امشي ..يادوب اغسل وارجع ..
مهند حرك الدنيا عليه ..
وزينه تكوله والله مريض ..راح يموت صخونه متنزل ..
الي فهمته مهند حاجز راح يجي ..بعد يومين ..
بس كل شويه انام من الحرارة ...
ثاني يوم كمت ماكو صخونه ...
كدرت اكوم ...مشيت غسلت ..
خابرت ولد صديق كتله تعال اريدك بشغله ....مقصر الولد كال جاي ..
كعدت زينة ...
شونك اليوم
هزيت براسي زين ..
عمار تكدر تحجي ..
كتلها لا ..
بس اريد اعرف شصار ..
كتلها ماعرف ..
طالع لبغداد اريد اعرف شنو الي صااار ..
عمار مريض ..كاافي بغداد ..جيبها هنا وخلصني ..
ضربت ع حلكها ماحجي ماحجي شي ..كافي ..شوف شصار بيك ..
جيبها هنا ..ولا ضل هيج شوف نفسك وحالك ..راح تموت ..
زينه ..كافي ..
احبها والله احبها ..
جيت قريب عليها ..
لزمتها من اديها ...وكعدت بلكاع
خنكتني العبرة ..وكمت ابجي
احبها ..رحموني ..ماكدر ..اموت بدونها ...
كامت تبجي ..وتلطم ..شبيدي عليك ابو..ادهم ..سودة علية ..كوم ...لا سوي هيج ..كوم عمت عيني عليك ..
دليني عليها هسة اروح اجيبها الك ...ومابقيك هيج ...
ربي شسوينه جوة ايدك ..وهيج تعابينه .....
ندكت الباب ...كمت ..هااي سهر ..
فتحت الباب صديقي ...
سلمت عليه ..كتله دقيقه ..هسة ..جايك ..
انداريت ..زينه تبجي ..عينها عليه ..رحت عليها ..كتلها ام ادهم اروح اشوف شصار ..وارجع ..ديري بالج ع الولد ..اجيب سهر واجي ..ونرتاح ..
وين ..رايح تعال .ولك ياسهر ..ياولد ..نهجم بيتي. بيدي هجمته ..امداني .امداني ...
عفتها ..رحت للغرفه بدلت هدومي ..
واخذت محفظتي شفت فلوسي تكفي حجز ..
طلعت بدون جنطه ولا شي ..
زينة تركض ورايه ..عمار كافي تعال ..تخبلت ..انت ..
سديت الباب ..كتلها اريد...احجز واقرب ..رحلة ....انت مو اخوك يشتغل بمكتب ..خدمه مانساها الك ..
تدلل وين استاذ ...
لبغداد ..
تدلل ...
صعدنه بسيارة ...
ووكفنه بمكان .اخذ جوازي .ونزل ..شويه واجه ويا تكت ..
كال اقرب شي حجزت الك ..بعد ساعتين ..
اشكرك هوايه ..
شكد ..فلوسها
لا ماخذها
احجي ..
مقبل كال من ترجع نتفاهم ..
استاذ شصاير ..
انداريت عليه ..
كتله مشكله جبيرة ...
كال ..استاذ شكلك تعبان ....وضعفان معرفتك ...لل تعب روحك ماكو شي يستاهل ويسوهه ..
تأذي روحك ..علمودة
طبطبت ع ظهره كتله ميهم ..رحم الله والديك ..اخ وصديق ..
وارجع اسرح ...بسهر شصار منها ..هنوب ..حامل ..
ياربي الطف بيهم ..لخاطر بنتي ..
ضليت ادعي..كون ماكو شي ...هناك واكول ليش ماصبرت اني يجوز تتاخر بلجيه ...لا صار 3 ايام ماكو وهذا الرابع ..
صار شي اكيد ..صافن وسارح ..اباع من الجامه كال وصللنه ...
سلمت عليه وشكرت منه ..
ونزلت ..وانتظرت الطيارة تجي ..
ع كعدتي غفيت ..اغفى واتخايل جاسم ..وافز ...
ورجعت احس جسمي بي نار ..كمت غسلت ..
وكعدت ..شويه وشفت الناس تكوم موعد الرحله ...كمت ...
كملت الاجراءات ..وصعدنه ..واني فكري وبالي بس اريد اعرف شصار منها ..وين راحت ...
وصلت..بغدا ..كملت ...الاجراءات
..واخذت تكسي لبيتي ...
وصلت .البيت ..نزلت فتحت الباب ...
فتت من يم الحديقه ..ختنكت ..وكمت ارجف ...
اباع الحديقه...التراب مكلوب ...عرفت ندفن ..جاسم هنا ..
صارت عندي مثل الرهبه ..مشيت بسرعه وصلت للباب الخشب ..فتحت الباب و
فتحت الاضويه ..البيت فارغ ...
ضليت افتر بي ...عبالك موهوة لوما المفتاح فتح اكول هذا مو بيتي ..تخبلت ..وين الغراض ..وين الاثاث ..البيت فارغ بس اضويه بي..حتى البنكات مشلعه ...ضليت افتر مثل المخبل اطلع من غرفه ادخل بغرفه . عقلي مدايستوعب ...
شي ..وين راحت ...وين ....طلعت ...ركض ...مشيت ...
اجرت تكسي ..لبيت اهلها ...
وصلت ...ادك ادك بلباب ماكو احد والبيت اظلم ..ضليت اصيح ..عبدلله ..ام سهر ..سهر..وادك ...طلع من البيت الي بصفهم ...
رجال ..جبير ...
كلي خيرك عمي ...
كتله هذا مو بيت ام سهر ..
اهله ويين ...
صفن بوجهي ...
كلي عمي صارلي 20 سنه هنا ...هذا البيت مهجور ومحد ساكنه اهله مسافرين ..ومحد يسأل عليه ...
كتله ..شنو..اني نسيبهم ..هذا بيت اهل سهر ..عبدلله ...ام سهر ..الي هيه امل ..
استغفر الله .سلاما قولا من رب رحيم
.داكولك مهجور شوفه ..حتى الباب مزنجر ..
والطرمه بس ورق ...شجر ..واظلم ..والجام مكسر
محد سكن بي .............مهجوور
