الكاتبه
سوزان المندلاوي
رجعت الحياه حلوة ..بعيني ...
بس بعد الي مريت بي صعب ..اعيش ..سعيد ..
بس مشت ..ماوكفت ...
جنت يوميه قبل لا انام ادعي ربي ..ينطيني الصبر والنسيان ...
حتى اكدر اعيش ...اصعب شي ..الانسان يخسر كلشي ...بضربة وحدة..والكل مصدك بي ..والكل توجهه اله اصبع الاتهام ..
كلما اذكر الي مر عليه ...من سهر ..الى زينه ..
اكرهه نفسي واكرهه ضعفي ..وياهم ...
وارجع اقوي نفسي ..واعيش لامي ..واخويه واطفالي ..
المطعم بدهه يشتغل الحمدلله ..وهواية ناس كامت تجي مرات منلحك ع الطلبات ..لان الطباخين الي عدنه ..اكلهم طيب ...ومعروفين. الحمدلله ..الخسارة المادية بدت تتعوض ........
..واني ..بديت التهي بشغلي بلمطعم ..لكيت المتعه ....
وانسى بي كلشي ...
ا
فديوم..بليل ..مشيت العمال ..وعزلت المطعم ...ورحت للكراج ..صعدت بسيارة ..
مشيت ..جان اكو قطع بشارع ..اضطريت ..ارجع وادخل ..بلافرع ...
دامشي ..اشوف مرة ..طلعت من بيت ..تصرخ ..وتوكف بسيارة ..
اني نصدمت ..وخفت ...مشيت شفتها ..دك بلبوب ....الجيران يمهم ...وكفت السيارة ..ورجعت بك ...
اريد افتح الجامه ماكدر ايدي ترجف ...
طلعت كلشي من راسي ..
فتحت الباب ..
فدوة ابويه راح يموت ..
ماعرف شبي ..ماكدر ..اطلعه ..ساعدني ..
طبت تركض ...
طبيت وراها واني خايف ..
صدك اشوف رجال جبير بلعمر نايم ..وجهه صاير اصفر ...
بلاثناء جوي الجيران ...
حجو وياها ..
اطمئنيت ...مو فلم ...
شلنا واخذته بسيارة ..ليورة ..وصعدت البنية ويانه ...والعالم بقو بلبيت مالتهم ..
كعدت بنته .يمه .. ..وخلت راس ابوها بحضنها ..وتحاجي ..بابا ..افتح عينك فدوة بابا ..وتباع ع الطريق ..
فدوة اسرع ...
الله يخليك ..
سألتها بي نبض ..
كالت اي ...
كتلها وصلنه ان شاء الله ...
تبجي وتدعي ..
وصلنه ..طبيت بسيارة جوة ..
جوي اخذو بسديه ...
اجه عليه الحارس كلي خويه طلع السيارة ميصير ..كتله رايح ..
كلي والمريض ...اني سكتت ..
اشر ع كراج مقابيل المستشفى ...
رجعت السيارة وطلعت ..للكراج وكفتها ..
وضليت كاعد بسيارة ..ارجع ..لو اروح ..
عمار شبيك خوما كل الناس ..موزينين ..
انزل وشوف شصار ...حاله انسانيه
نزلت مشيت ..طبيت سالت ..دلوني
اشوفها واكفه بلممر
رحت يمها ..كتلها اختي خير شبي الوالد ..
ماعرف ..
هوة مريض شي ..
اي بي سكر ..واكل بقلاوة ..
اني ضحكت ..
باوعت عليه ..مستغربه ..
اسف بس ميصير ..ياكل بقلاوة بهلعمر ..
كتلها ليش مطبين يمه ..
كالت طلعوني ..
ليش ..
ماعرف الردهه بس رياجيل ..وكالو انتظري برة ..
دقيقه ..اشوف
طبيت ..شفته معلكين مغذي ..وسستر يمه ..
سالتها ها شونه الحجي ...
هوة رفع ايدة ..سوة علامه اوكي ..
شبي سالت السستر كالت هبوط بسكر قوي ..وهسة يتحسن ...
كتلها بنته برة تنتظرة وتريد اطب ..
كالت خلي طب ..جنه دنغير ضماد ..للمريض الي بصفه ..وطلعناها ...راحت عيني ع الي بصفه ..
شفته نايم ..ويمه رجال ..كاعد يم راسه ..حمدت الله ع نعمه العافيه ..رجعت ع السستر
طلعت فلوس وخليت بجيبها ..عينج على الحجي ..
رحت صحت البنيه ..
طبت ..
كتلها ..السكر نازل ...
انتي مو كلتي اكل حلو شنزله ..
كالت ضربته ابرة اونسولين الظاهر هوايه الجرعه ونزل رئسا ...
حاجت ابوها يابابا شون بيك اني ..وي الاكل ..كوة يحجي وياها جان ..اني عفتها ..وطلعت برة كلت ارجع ..للبيت ..
طلعت ورايه صاحتني ..
اني اشكر منك هوايه لوما انت جان ابويه مات ..
الشكر لله اختي ..لا هذا واجبي
اني اروح محتاجه شي بعد ..
لا اشكرك ...
اكو احد يوصلكم ..
هاا لا ..اي ناخذ تكسي ..
الساعه متاخرة مو مشكله ..اني ارجعكم ..
لا عيني مشكورة تعبتك ...
لا عادي ..
شكرا..تمشي وتكول شكرا شكرا ..
طبت يم ابوها ..مدة وطلعت ..
امي دكت عليه ..
هايمه وينك تاخرت ..
يمه هسة شويه واجي ..
عمار شكو شنو هلهوسه ..
حبي شويه ويمج ..
يمه لا تخوفني ..انت وين ..
امي ..ماكو شي ..
ختمته وياها ...كوة
.ولزمت الرجال ومشيت ..
اندار عليه يباوع ..كال لبنته هذا منو ...
كتله حجي اني جبتك لهنا ..
وكف..كلي منو الحجي ...
اني سكتت..
دمشي ..اني اقوة منك ..
بنته كالت اله
بابا مجوز من سوالفك ..
اني هم غلست ..وصلنه للباب ..كتلهم دقيقه اجيب السيارة ..
رحت طلعت السيارة ..وطبيت جوة صعدتهم ..
صعد الرجال يمي ..وبنته ليورة ..
كتله حمدلله ع سلامتك ..
بس لازم سوي حمية دام عدك سكر ..
شوف دربك مالك شغل بيه ...
حميه ..هه ياحميه هسة ارجع اكل طماطه وبيض ..وكون مالحه ومتروسه دهن ...
اني ضحكت ..
هذا شبي ..مخبل عاقل ..
رد كال غير هاي بنتي ..ضربتني ابرة ..موتتني بيها .تريد تموتني بت الحصان ..ويضحك ....
كلشي اكل بقلاوة زلابيه ..
بابا كافي ..الرجال سوه زين وممتعلم ع شقاك ..عوفه
لا اختي عادي مثل ابويه ..
ضل الطريق كله ينكت ..ويشاقه ويضحك ع روحه ..
وبنته تسكت بي ..
وصلنه ..للبيت ..
اتشكر مني وكلي انت مثل ابني ...لاتزعل مني ..
كتله لا حجي ..ولا يهمك المهم سلامتك ..
هم كال حجي ..ولك..كولي ابو نرجس .. ..قبل يومين ..زوجت ..
ههههه اني صافن ..شكوله ....
بنته هم شكرت مني ..وكالت اني شايفتك ..انت مو صاحب المطعم ....كتلها اي ..شرفت بيكم ..وسلمت عليهم ..ورجعت للبيت ..
امي مسويه عزة ..
بس وحدها ..لكيتها بلكراج ..
يمه شكو شبيج ..
هبطتني عبالي صار عليك شي ..
طببت السيارة ..
طببتها ..
جوة وحجيت الها الي صار ..
كالت ..زين سويت يايمه الدنيا بعدها بخير ..
تكوف لاحد باجر الله يوكفلك ..
من كالت هلكلمه عبالك سجينه وذبحتني بيها ..
شو من وكعت محد وكفلي ..كلها التمت عليه ...
عفتها ..ورحت للغرفه بدلت ..هدومي واخذت المنوم ونمت
والحكاية بقيه
