االصبح طلع .واني اسمع منها لحد ماتعبت....عفتها ...وطلعت ...
صح كلامها اثر بيه ...وانقهرت عليها ...
بس صعب اسامحها ..صعب ..ولا اكدر استمر وياها ..وتكون ام اطفالي ...
بعدني احبها ..بعدني اشتاق الها ..بعدني اريد اسمع صوتها ..
بس ماعادت ..ملاكي وطفلتي ..وقمري ...
نزلت من عيني ..مهما كانت ضروفها ...
جان تكدر ..بطريقة توضح الي عاشته..
يعني فوك النصب .والاحتيال ..الها ماضي اسود ...
يمكن بيومها نمت ساعه او اكثر ...
بعدها امي كعدتتي ...
وتسالني شصار ...
كتلها مصار شي ...
وشقررت ...
ماعرف يامي ماعرف ...
يمه خوما تضل يمنه لا الله ولا محمد يقبلها هنا تبقى ...
صعب يامي قراري ..احبها بس ماكدر اسامحها ..
تقربت عليه يمه عمار ..كيد النسا غلب كيد ابليس ..
وهاي مو راعيه بيت ورجال. ..لا تسرع مثل الاول وتتندم ..
ليش تلبس ثوب مو ثوبنه ..لو دور ع الذهب بسوك..المخضر ..
يمه نرجس تسوة راسها وراس الخلفها ..
بس اذا هل طفله صدك بنتك اخذها يمك ..
يايمه ..حرام هذا لحمنه منريدة يربه هيج بشارع..
كتلها سهله يمه لا تفكرين ...
لا كدرت اطلع للشغل ولا اتصل بنرجس ..
عفت كلشي وكأنما الدنيا لهنا ووكفت يمي ...
اما سهر ماكو قرار براسي يخصها ...
بقيت حاير ..لا اكدر ارجع فلوسي منها ولا شي ..
تبقى قمر لازم اعرف بنتي او لا ..
بيومها العصر ..اجاني ابو نرجس ..
طلعت اله استغربت ...
اهلا عمي شونك ..
تمام ..وانت شو ماكو صار يومين لا مطعم ولا ندك عليك واجاوب ..
والله ابو نرجس ضرف عندي جبرني ..
خيرك خوما محتاج شي بهركبه ..
لا عمي ..خيرك سابق ..بس شويه تعبان ..
تعال تفضل تفضل ..
خوما احراج ..
ع بختك البيت بيتك ..
طببته للاستقبل ..ورحت كلت لامي ..
طبت امي سلمت عليه وكامت ..حضرت شي نشربه ..
خيرك شبيك ..
فقرات ظهري ..شويه لازمني بيها دمار ومخيطني ..كوة اتحرك ..
سلامتك ..يراد مساج هسة يفك
..اي ان شاء الله ..
طبت امي جايبه صينيه ..جاي وكيك ..
طلعت امي ..
تفضل عمي ابو نرجس
اني مجاي اكل ...جاي اريد منك شي ..
كال عمار ..يمكن كلامي صعب عليك
بس اتمنى تفهمة ..
كول عمي لا تقلقني ..
ابني انت تعرف نرجس بس هلوحدة واريد راحتها.
واني السكر يوم صاعد ويوم نازل والحيل تعبت ..مو مثل الاول ..ع ساعه .ربك ياخذ امانته ..
اسم الله عمرك طويل ..
هم هيج عمر بلمرض ميراد..
اني عندي طلب يمك ..اكو مثل يكول اخطب لابنتك قبل لا تخطب لابنك .
.فهمت الي يريدة
اريد امن ع نرجس .ومالكه انسان احسن منك ..
هووف تعبت يابن العالم ..اريدك تزوج بنتي ..
هههههههه ضحكت
ياعمي مالكه احسن منك والله ..بس انطيني شويه صبر اريد اصفي ..كم حاجه واحتمال انتو ترفضوني بسببها ..
لاعمي ماارفض تعال اخذها وفضني ..مكابلتني مثل البومه ..
عمار وعمار..
..كولي احبه وفضيها ..
ههههههههههه.. والله يابو نرجس اشرف بيكم اني ..
ضلينه نسولف وراها طلع ...
هنا راسي كام ميستوعب شي ولا اكدر افتهم شي ..
طبت امي ها يمه خيرة شيريد ..
كتها السالفه ...
كيفت ..وكالت شكو بيها ..
كتلها مو كتها ..
اذا على دهر عوفها يايمه شتريد منها خليها تروح ..
يمه مالج دخل بهلسالفه اروحلج فدوة ...
ضلت تفر باديها وعافتني ..
شفت الفون نرجس متصلة ..
ماكدرت احاجيها ..
بس دزيت الها مسج ..شرحت ضرفي وتعذرت ..
اجه مهند وهم سوالف وحجي ..
وامي بلبوكه موصيه مهند ع هدوم من جهاله لبنت سهر ...
وطببتها الها ..
كتله لمهند اريد اتاكد قمر بنتي ..
كال عوفها عليه ...
صديقي يشتغل بمختر ..
اساله وارد الك خبر ..
ضل يسولف ويسال ..واني
تعبان بس اريد انام ..عفتهم ورحت للفراش..كلما اغمض اتخايل سهر ..كدامي. .وارد انكلب ..
مراحت من بالي الاان اخذت منوم ونمت ...
كمت من النوم مكسر ...كوة صحصحت ..
بالي راسا راح يم سهر بس لا طلعت هاي امي كلبها رهيف ..
طلعت بسرعه رحت ..للغرفه ماكو سهر ..
طبيت ..لغرفه امي ..ماكو ..
صحت يمه ..يووم ..
جاوبت بلمطبخ ..
طبيت شفت سهر كاعدة ..
تاكل ..هيه...وقمر ...
بدون وعي ..رحت جريت سهر من شعرهااا ..وطببتها للغرفه ..
كتلة ولج قذرة لا توصخين بيتنه ..
مكانج هنا ..
لا عبالج ..بجيج وكلامج غير شي ..
لا بلعكس ..الكرهه زاد ..وصار بي قرف ..
انجبي وكعدي هناا.
واريد امجد ..اطلعه من عينج ..
اروح واجي اريد عنوان رقم امجد..
طلعت وقفلت الباب ..شفت قمر تبجي كعدت يمها بوستها ..حاجيتها ابد تبجي
قمر من امها نسخه نفس الجمال ...
حاولت وياها ...ضجت ..
تبجي ..ولازم ابعدها عن امها واكسبها ..امي اخذتها مني وسكتتها .. ..
طبيت ع سهر ..
كالت قمر وين ..
كتلها مالج دخل بيها ..
وصليني لامجد..
وارجع قمر الج ..
والله ماعرف عنه شي ..
ماعرف وصليني ..
عمار اني سافرت لبنان وهوة ماعرف وين سافر ..
شسوين بلبنان توسعين نشاطج .
انتي عشتي حياه طايح حظها هلطفله شنو ذنبها تعيش وياج هلقذارة ..
لا مسويت شي ..
اي عشتي بفلوسي ..
انت ليش متربد تصدكني ..
شصدك مثلا ..
احبك ..
لا بربج ..تحبيني ..هذني مثليهن ع غيري ترة حفظتج زين ..
وحتى نفسي تلعب منج ..
مع الاسف اني فكرت بيج بيوم ..ولو حتى زواجنه باطل رغد مدري سهر..
المهم اريد امجد..
ماعرف ماعرف ..كامت تبجي ..
شوفي اني كونت حياة جديدة ..واكو انسانه بحياتي ..
مو تجين انتي تخربيها هسة باحبك وهلسوالف ..مالتج ..
جري عدل ..
اريد امجد ..وولي انتي ماريد شي منج ابد ..
وقمر ..
قمر اذا طلعت بنتي ..
هنا موضوع ثاني ..
عمار لا تحرمني منها ..
احرمج ..
حرمتيني سنين النوم والراحه ..حرمتيني من كلشي ..
لا ماحرمج بس احاسبج بيها والله ..
حرام عليك حرام عليك ..
والله لو مامرة لا اشوفج شنو الحرام صدك ..
طبكت الباب ..
وطلعت شفت الطفله ساكته وتكول ماما اريد اماما ..
اخذتها ..
اشتريت الها حلويات ..
وشافت لعابه و اخذتها الها ..حاولت اتقرب منها ..والعبها ..بس الطفله ..تخاف مني ...وتريد امها ...
ورجعت للبيت كتلها يمه سهر متطلع من الغرفه ابد ..وهلطفله بقيها يمج ..
اذا واحد منهم اجي اشوفه ماكو ..
احرك الدنيا ..
اعصابك يايمه وشسوت اني خليتهم يسبحون ويبدلون هدومهم وياكلون لكمه ...
خوما اسرى يمنه ..ترة ربك مايقبلها..
عساه سبحت بنار جهنم ..
سوي بس الي اريدة ..
راح اطلع بشغله واجي ..
اخذت المفتاح ويايه وطلعت ...
