كعدت من النوم ..دوامي يبدي بسته العصر قبلها مهند يرووح ..لان بليل ميكدر ..بسبب البيت ومرتة ...واطفاله .
كمت شفت الحجيه .واكفه ع الطباخ دتسوي ريوك بوستها ..وساعدتها .بلريوك ..
وكعدنه نتريك اني وياها ..ونسولف ..
هنا راحتي ..يم امي ...صارت
كالت يمه اخوك دك عليك وكتله نايم ..
كتلها اكمل ريوك وادك ..
اكلت لكمتين ..اخذت كلاص الجاي ..
وجبت الفون ..ودكيت ع مهند ..
ورثت الجكارة وكعدت ..
جاوب ها حبي خير ..
لا كلبي ماكوشي بس جتي بنيه سآلت عليك. ..
كمت من مكاني ..
منو ....فكري راح بسهر ..وتوترت
ماعرف ياخويه ...
وي نفسي معقوله سهر ..
زين مهند مكالت شي ..
يججي ويايه دقيقه ويحجي وي العالم ..
مهند فهمني..
ها حب ..
احجي منو ..
ماعرف ولك اجت سالت عليك ..وسالت منو صاحب المحل كتلها اني واخويه عمار وصفت..شكلك ووصفت سيارتك ..وكالت كوله اني نرجس ..حبيت اشوفه وارد الجميل ..
ياجميل ذيب ....هاااااكمت تلعب بذيلك ..
اني نهد حيلي ..
كعدت ..كتله هاا..يمعود .حجيت اله الي صار ..
سديته منه لان حسيت بدوخه ..
خرب بسهر مجرد ماتجي ع بالي كلشي بيه يتغير ..
شوكت اخلص..منها ... شوكت ...
اوف..ياربي
..طلعت يم امي ..
كعدت يمها وضليت افكر ..الى متى ابقى هيج لشوكت ..
ساعه سودة عرفتها وشفتها ..
ها يمه شبيك ..
مابيه يووم ....ضايج ...
اريد اشوف الجهال مشتاق الهم ..
اي يمه خطيه ..الجهال ..دز عليهم ...
خابرت زينه ..
سلمت عليها وكتلها اريد اشوف الجهال ..ساعات وارجعهم ..
رحت جبتهم يمي وجبت غدة من برة ..وبقيت يمهم ..
اسولف واضحك واشاقه وياهم ..
ادهم كبر ..وكام يسالني ..بابا ليش عفت ماما ..
وبابا بيت جدو يكولون عليك مخبل واني اتعارك وياهم ..وابجي
.لو يذكرني بلايام الي جنه عايشين سوهه ..
احاول اجاوبه ع كد الي يفهمه هوة ..
بس يحرجني بلاسأله ..
كاعدين اني ويا وايهم ...
فكلي بابا ليش مانرجع نعيش سوه ..
ماعرفت اجاوبة ....
ايهم ..اجه يمي شاورني ..
كلي ماما كالت اذا رحتو يم بابا ..
كام ادهم سكته ..
كتله عوفه خلي نسمع ..ضل ايهم عين عليه وعين ع اخو يخاف يحجي ..
هدئته وكتله كمل شكالت ماما ..
رجع كال كالت اذا رحتو يم بابا ..كولو اله رجع ماما خطية ..بس لا تكولون اني كلت ..
ادهم كام يحجي ع اخو ..
كتلهم انت اخوان واريدكم قلب ع قلب ..
مالكم دخل بينه اني وامكم ..
لا تتعاركون ابد ..حبايبي وبوستهم وكمت ..افتر بلبيت ولازم الجكارة افكر ..
معقوله زينه تريد ترجع ..
شنو حنت الي ..لو من عرفت بلمطعم ..رجع يشتغل
زين شنو ذنب اطفالي عايشين بعيدين عليه ..
ارجعها لخاطر اطفالي ..
اوف شسوي ..لا ماكدر صعب ..ماعندي ثقه باي احد ..
شسوي ..
صار العصر ..ولازم اروح للشغل ..
وديت الجهال ومثل كل مرة ..
ادهم يبجي عليه ..
واقنع بي ع الجايات ..يبقى يمي ..
هنا زينه طلعت وسلمت عليه
شونك ابو ادهم ..الحمدلله ..
وانتي ..عايشة ..كتلها محتاجه شي ..
لا سلامتك ..
زينه ادهم الخميس اخذة يمي ويبات ..
كالت سهلة تدلل ..
بوست الجهال ..ورحت ..
استغربت ع اسلوبها ..شون تغير بيوم ولليله ..
وصلت للشغل ..
شفت مهند بعدة كتله لا تروح اريدك بشغله ..
كعدنه سولفت اله ع زينة ..
سكت كال عمار بكيفك ..شتكول انت ..
كتله الصدك..ماريدها ..وماريد اي انسانة بحياتي ..بس الاطفال كاسرين ظهري ..
كلي خويه جهالك بس يكبرون يجون يمك ..
ويعرفون..بيك انت حنين ..لا شيل همهم وشيل همك الك ...عايش.وحدك ..خوما العمر كله تكظي بلا زواج ..
كتله ممفكر ولا افكر ..
كال ي مبين من هاي نرجس عيني ...
كتله والله ماكو شي سولفت الك الي صار ..
هههه يلا حبي الله يوفقك ..
سلم عليه وطلع ..
التهيت ..وي الولد بشغل ..
هناك ..واجه واحد من العمال كلي استاذ يسألون عليك.
اباوع الحجي وبنته ..كاعدين ..
رحت يمهم وسلمت عليهم ..
وكعدت ..الاب شكر مني ..وقدم اليه علبه حلويات ..
وكال هذا اقل شي اقدمه الك ..بقلاوة حتى تتخربط ..واجي اني اوديك ..
بنته كاعدة وتضحك ع سوالف ابوهاا .
.انداريت عليها ..البارحه مشفتها ..زين
شفتها حلوة شعرها قصير اصفر ..وعيونها عسليه ..ملامحه حلوة ..ومتروسه ..ويطلع عمرها بثلاثين ..
ضليت اباع عليها حسيت ع روحي رجعت اسولف وي ابوها ...
طلبت الهم اكل. ...وكلما اريد اكوم يفتح سالفه ..
سوالفه تموت بس يشاقه يعني من كعدت لحد ماكمت بس اضحك ..اما بنته نرجس ..تسالني شي ..اجاوبها ع كد السؤال ..مالي دخل بيها ..
كملو وكامو وابو نرجس ..حلف الف يمين باجر اتغدة يمهم ..حاولت اتعذر بس ماقبل ابد ..تبادلت ويا بلارقام ...
...
وسلمت عليهم وطلعو ..رجعت وي روحي
شورطت نفسي لو مواكف هوايه احسن هنوب نرجس ..وابوها ...بس اني لا فكرت بيها ولا خليتها ابالي اصلا ...مجرد سؤال وجواب ..يعني مو شي مهم ..
كمت اجنب كل النساء ..مالي شغل ييهن ...
بس ابو نرجس حرجني الة تجي ..
كوة كمل الشغل ..وعزلنه ورجعت للبيت ..
كلت لامي باجر اخذج وياية معزوم وفهمتها هوة نفسه الي ساعدته ..
كالت شعدي جايه ..كتلها لا تعاي ماروح وحدي ..
كمت بهيج مواقف اخاف وحدي. اروح
لا هم داحلم لو اتخيال ....
هوايه امور مرت بحياتي اصورها ..واضم الصور واكتب الي صار ..بدفتر
..حتى لا اوكع بنفس الحفرة ..
كلت لامي ع زينه ..
بس نفس كلام مهند ..
واني هم بعد مالي اي نفس بيها ولا بغيرها ..
المهم راتب ويوصل يمها وجهالي ..
مرتاحين ممقصر بشي وياهم ..
مثل كل يوم كملت سوالف وي امي ..
طبيت للغرفه ..اخذت منوم ونمت ....
كعدت الصبح ...مثل كل يوم ...
يمر عليه ..خابرت اطفالي وحجيت وياهم ..والتهيت وي امي ..
صار الظهر ...ودك عليه ابو نرجس ...
سلمت عليه ..
وكلي وين صرت شو تاخرت ..متنه جوع ..
تفقت وياه ساعه واجي ..
كمت ع امي ..كتلها حضري روحج دنروح العالم تنتظرنه ...
حاولت متجي بس جبرتها ..واخذتها ويايه ..
الطريق كله حاير شورطت روحي اني ...
وصلنه للبيت استقبلنه الرجال ابو نرجس ..ونرجس هم ...
بيتهم حلو ...وجبير ..وكله لوحات وصور ..الظاهر الاب جان ضابط من الصور شفتها ...
عرفتهم ع امي ..وبدينه نسوالف ...
وابو نرجس يضحك ...وينكت يعني الكعدة ويا كلش حلوة ..
تغدينه وكملنه ...الي فهمته ماعندة بس نرجس ...
وبنته منفصله ...ومرته ميته ..صار الها هوايه ..
يعني بس هوة .ويا عايشين ..
سألني اليه ..كتله هم منفصل ..وعندي اطفال 2...
بس ماحجيت غير شي ..
ضلينه يمهم ..للمغرب وتعذرت منهم لان ..مهند خبلني ..كل شويه يدك ...يريد يرجع للبيت
طلعنه وشكرت منهم ..ع ضيافتهم ..
ورحت وصلت امي للبيت ...ورجعت لشغلي ...
مرت ايام هوايه ...نرجس تحاول تتقرب الي ..
بس ماكدر مو شي بيدي ...
يعني تتصل ..تسال عليه ..
او تطلب اكل ...واخلي العمال ..يوصلو للبيت ..
ابو نرجس دائما يجي يمي ...ويسولف ..هوة واصدقائه ..الي بعمرهه ..
تقريبا صارو اصدقائي هم ..
اكثر الوقت وياهم اكظي ...
بس نرجس ماكدرت ادخلها بحياتي ابد ..
صعب ...مو خلل منها ..الخلل مني ..
ونعدامي بلثقه بكل الناس ...صرت حذر من كل شي ...
واخاف ..واحسب ..بكلشي ....
