حياتي ...تغيرت ..ونضافت الها تفاصيل هوايه ...
منها نرجس ...صارت بيناتنه مكالمات ....
وبدت تحجيلي عن نفسها ....
وسبب انفصالها عن زوجها ...
الي عرفته منها ...
علاقه حب 4سنوات بلجامعه ..وراها زواج ...
بعد الزواج اكتشفت ..هذا الانسان مادي ..وهدفه الاول والاخير ..الفلوس....من راتب ابوها والبيت ..
وشون جانت ..تسحب فلوس من ابوها ...
حتى ترضي ...بس مافاد وياه شي..وبسببه .وبسبب المشاكل ..تمرض ابوها ...بلسكر ..واخر شي ..طلكها ...
وعافها ...مرت ايام واسمعها ..واواسي بيها ..بس ماكدر احجي عن الصار بيه ..اذا هيه زوجت ..وعافها اني ماكو شي ..يثبت وجود سهر ...بقيت اسمعها واصبر ..بيها ..مرات تبجي من تحجي ..عن الصار بيها ..اني ..اختنك ..واذكر ذيج الايام المخدوع بيها ...
اني سهر من اول يوم حبيتها ..ونشديت الها ..ونجذبت لكل شي بيها ..ضحكتها تفاصيلها جرئتها ..انسانه موسهل الشخص يقاومها ..وكعت ..وتسرعت بحبها ..وزواجي بيها ...رغم اشياء صارت بس بقيت ..متمسك بيها..لان حبيتها ..بقلبي وروحي ..وماسمعت كلام عقلي ابد ...ولا اهلي ...تقريبا اني ونرجس نفس الوجع ...بس كل واحد قصه تختلف ...ابو نرجس حبيته هوايه وصار اعز صديق الي انسان فكاهي ..وراقي ..ومثقف بكلشي ..
بقت علاقتي بي حلوة ....
وعلاقتي بنرجس ..مجرد صداقه واسمع منها ..
مرات اكول ..شكو بيها خلي انطي فرصه لروحي ...
وافتح قلبي لنرجس ...
بس اشوف صعوبه ..وماكدر اتقبلها ..بس لازم تمضي الايام بحلوها وبمرها ...
كلما ..افكر برنجس ..والصار بيها اكرهه سهر اكثر ..كلما اسمع شي من نرجس ..حقدي يزيد ع سهر ..وزينه هم اثنيناتهم نفس العمله ..سهر ..شيطانه .....
.وزينه مادية .ستغلت فقري وطيبتي وياها ..
فبعدت نرجس ...مجرد اسمع منها ..
دائما تسال عن سبب انفصالي اختصر الكلام ماكو تفاهم ..
وبس ..وماكدر احجي بموضوع سهر ابد ..ايام طويلة واني اشك بروحي هيه مموجودة واني مريض ...
مرت الايام ..وامي تلح عليه ازوج ازوج ...
ومهند يوميه يأجل جيته يمنه ...
استقر بحياته وحدة ...ماتوقع يرجع ..بعد ..
علاقتي بنرجس الكل يدري بيها ...
وامي دائما تلمح الي ...عليها ..
واني ارفض ..لو اسكت ..
بهلفترة شغلي زين وحبيته ..صح بديت من الصفر ..
بس كدرت ارجع ...
من جديد ..صح مو هاي الحياة الي جنت اتمناها ...
بس عايش الحمدلله ...
احسن من قبل ...وصلت لمرحله الجنون ...
فديوم ...
اتصلت نرجس بيه واني بشغل ...
سلمت عليه ..
وكالت عمار عندي موضوع مهم وياك واريدك تسمعني ...راح احجي واروح ..
كتلها نرجس صاير شي احجي ..
الحجي خوما بي شي ..
لا لا بعيد عن ابوية ..
كولي يمعودة ..
كالت عمار ..اني احبك ..
اني سكتت ..ماعرفت اجاوبها ..راح فكري ..باول مرة سهر كالت احبك ...وشون حسيت نفسي ملكت الكون بيها ..
هناك ورجعت ..لوعيي وسمعت ..نرجس ...
كملي اسمعج ...
اسمع مني واخذ القرار ..لا اني صغيرة ولا انت صغير ...
نعرف زين الحياه ..صح اني مريت بتجربة صعبه بحياتي وايام مرة ..بس انت طلعتني ..من هذا تعبي ...
واحتمال انت متحبني ..او متفكر بيه ..
اي كملي ..
بس ماكدر اضل اكتم مشاعري اتجاهك ..عرفتك وعرفت اهلك وعرفت انت انسان نظيف ..وطاهر ..وانسان ..بمعنى الكلمه ..
نرجس ...
نعم ...
انتي شتعرفين عني ..وحبيتيني ...
عمار ميهم الي راح ..عليه بيك انت هسة ..
عرفتك انت شنو ..ماتوقع الكه مثلك ابد...
انت حر بقرارك ..ومانجرح منك ابد ..
اذا رفضتني ..كحبيبه ..
اتمنى ابقه وياك صديقه ..
اروح اني واترك الك ..اطول وقت تفكر بي ..
وراحت ..
اني بقيت مصدوم ..لا اعرف اجاوبها .لا اعرف ..اصدها ..
بقيت حاير ...وخايف ...ماريد المأساه تكرر اوتنعاد ..ويايه ..
لازم اكول لامهند وامي ..لازم ..ماريد اعيش وحدي واخذ قراراتي وحدي ...
بس ليش ...اكول اني صاحب القرار ..
وهناك وانبهه نفسي ها عمار نسيت ..مرض سهر ..
وارجع واكول اكولهم احسن ...
اي تركيز بشغل مبقى براسي ...
كمت مامن اعوف الشغل ع احد لا محاسب ولا شي ..كله من نعزل تدقيق ..ونصفي كلشي ..حته الفلوس تركت سالفة البنوك بعد الي صار ويايه وي سهر ...
وشون حته ..الي صرف ..الشيك ..اني ...
واني متاكد لا رحت ولا وصلت ..ميفيد الكلام البلد خربان ..وكلشي بلفلوس ينشري ...
وارجع واكول لا اني جنت مريض والي عشته وهم بوهم ..
وماعرف وين راحن الفلوس ...
خلص اليوم ...
ورجعت للبيت ...وخابرت مهند يجي يمي باجر ..ولو ساعه اريد احجي ...ويا ...
ثاني يوم ..اجه مهند ..وكعدت امي وححيت الهم عن نرجس ..
طبعا الكل يعرفها ويعرف ابوها ...
امي ..يالله يمه والله اكيف وافرح والعالم خوش عالم وين نلكه مثلها ..خوش بنيه وابوها ..هم ..
يمه ماريد اسرع ...
شتسرع يمعود صار كم شهر تروح وتجي عليك ..والله ياخوية خوش بنيه ..وكلنه نعرفها ..
وسألت عليها ..بنية مؤدبه ..وشريفه ..
ليش ..تردد ..
مهند ..اخاف ..لا سالفه سهر ..ترجع ..
اهووو رجعنه لسهر ..شبيك انت طلعها من بالك ان..جانت صدك او لا ...
يمه عمار..انسى وعيش خوما عمرك تكظي ع هاي المكموعه دهر ..من دهر صابها ولا ردها ..
..اوووف متعرفون شنو الي بيه هسة اخاف ارفض ..واتندم بعدين ..واخاف اقبل ...وهم انصدم ..والله هلمرة اموت ماتحمل بعد ..
عمار الي تريدة شنو اني حاضر ..ياخوية انت فتحت صفحه جديدة وعيش حياتك بيها ..لا توكف ابد ..
وامي نفس الكلام بس داخلي خايف ومتردد..بقو يحجون ويايه ...ويقنعون بيه....
كلت الهم اخذ مدة ...افكر بيها لا اسرع ولا استعجل ابد ..
واني مامستعجل ولا اني الي احبها ...
ماضغطو عليه ...ابد ..
وبقيت وحدي افكر ..من نرجس كطعت الاتصال بيه ...
حسيت بلوحدة وفراغ ..مو حب ..بس تعودت عليها ..
يوميه نسولف ..
بقيت يومين افكر بلموضوع وبلقرار الي لازم اخذهه ...
خابرت ..نرجس ..
شونج ..
تمام وانت ..
شو ماكو مختفيه ..
والله ياعمار ماحب اضغط عليك ..
لا بلعكس ..
نرجس .اطلب منج طلب بس لا تعتبري رفض مني ولا قبول ..
كول عمار اسمعك ..
خلينه بعد واحد يتعرف ع الثاني اكثر ..
يعني ..مقررت ..
مو كتلج خلينه اكثر منخسر شي ..احنه ..
لا بلعكس الي يعرفك ميعرف الخسارة ..
وبقيت اسولف وياها ....
صار موعد ..روحتي لشغل ...بدلت ..وطلعت ...
وصلت . ....
بلباب شفت مهند سلمت عليه وطلع راح لبيته ..
طبيت دامشي ..
اتلفت ع نظافه المطعم ..والعالم ..
لفت انتباهي ..
ع ميز فارغ وواحد من العمال دينظف بي ...
لفت انتباهي ..كلينس ..عليه ..أحمر شفاه ...
ركضت ع العامل كتله هاي المن ..ومنو ..
ضل صافن عليه ..
احجي ...
كلي استاذ عائله هسة ..طلعت مصار الها ثواني ..
اتلفت ماكو ..احد ..
وينها ..
كال ماعرف ..
طلعت بسرعه مشيت ..
وصلت للكراج شفت بنات اثنين ..وياهم طفله صغيرة ..
تمشي ركضت ..عليهم تقربت ..حتى اركز ..زين ..
وكفو يم سيارة ...وحدة صعدت تسوق ..والثانيه .. بس داشوف ظهرها....
من صعدت واخذت الطفله ..
شفت وجهها ..
سهر ..هاي سهر ..
والله سهر ...
صحت ..سهررر ..
اندارت عليه ..........
