حكايات من بيت جدي

٢٤

#حكايات_من_بيت_جدي
الجزء الرابع والعشرين
اماسي الليل
ياسر: طبعا ان شاء الله يجيها رجال يقدرهاانطيتك فرصه وما كنت كدها .
وليد: بقلبي لطش بيه حجي براحتك خلگي وياك طويل ،اني لا سلوان ولا سنان تدري عليمن طالع عنودي والي براسي هو الي يمشي )
براحتك يابه انت بعد عندك علم اني رايدها واذا متصير الي متصير لغيري تكعدها يمك .
ياسر: انت دتتحداني .
وليد: لا العفو بس القصد البنيه رايدتني مثل ما اني رايدها   يعني قابل راح تجبرها وتنطيها لغير واحد ،معناها تجني عليها .
ياسر: هذا مو شغلك ساعة الي يجيها رجال من صدك وانطي كلمه عود خلي يوگف بوجهي احد .
وليد: لزمت بريك لان ملامحه بينت فاض صبره ويايه وابويه اشرلي بعينه اسكت واطلع ،
ماشي حجي ماعاش الي يكسر حجايتك ترخصت، من سديت الباب ورايه ابتسمت احجي بقلبي 
(حجي شكلنا تخاربنا انت البديت والبادي اظلم اعرف المن اسلط عليك يفر راسك ).
مريم : من دخل يم عني وجدي سمعناهم يحجون وكان صوت جدي بي نبره العصبيه لكن ما افتهمنا عن شنو لا اراديا تملكني الخوف  اسمع دكات قلبي خايفه نفترق مره ثانيه واني  ما صدكت نرجع تمام
دخل للهول مبتسم لان عرف سمعنا صوت جدي ، شاف ملامح القلق على وجهي غمزلي وهو ديتمدد على القنفه  التفتت لعمه  سعاد،
يومبيبيتي  شوكت ترجع.
سعاد: المفروض هسه على جيه تعال للغرفه رايدتك .
وليد : بقلبي شوكت تفض هالسالفه مكافيني جدي، امي هم گالبه وجهها دخلت وراها للغرفه كعدت بصفها نعم
سعاد: ماما انت مناوي تعقل كلشي تاخذه بالعصبيه يعني شنو تفسخ بدون ما تبلغنا وتفهمنا  شنو المشكله بينكم .
وليد: حبيبتي انت ريحي بالج وانهي  السالفه اليوم انت  مو اهم شي عندج ارتاح .
سعاد: طبعا ،بس ذولي مو ولد عمك اثنينهم ارتبطوا ومقتنعين بأختيارهم ليش  انت يوميه بحال مره مريم وتالي گلبت عليها ومره لارا وهم قلبت عليها فهمني سالفتك .
وليد:  ضحكت ،انت ِ مو تريدين چنه چنتچ جانت گاعده گبالج  وما اخذ غيرها
سعاد: يعني جدك جان يرزلك علمود مريم ،شنو  گلك
وليد: هي ماكو غيرها، رفض  ينطينياها
سعاد: مينلام اذا شافك يومه تكمز وتفسخ ميأمن بيك
وليد: الله كريم هسه أجلت الموضوع الى ان اتخرج وهو هم يهدء ويغير موقفه مني .
سعاد: والله جدك اذا قفل ميغير رآيه لا تتأمل  تاخذها .
وليد: اذا الله كاتبلي اخذها لا جدي ولا العشيره توگف بوجهي .
سعاد: اي خوش فوتنا بمشاكل وعناد ويا جدك خلي يقفل عليك فد مره لحد ما تكرهه بيك
وليد: ابتسمت ،يعني انت رايدتها لچنتج .
سعاد: لعد ليش ما اريدها شفايتلك تاخذها بت عمك وحلوه والبنيه مثقفه ومؤدبه ومطيعه على الاقل ادري بيها تتحملك لان والله  يا ماما انت طالع على جدك وابوك ما تنجرع  عاد هالبنيه تعرف طبعك وعايشه وياك ما تنصدم بيك 
وليد: اها هيج صارت سعوده هاي اني وحيدج لعد لو عندج غيري شحجيتي
الله هم يجبر من انطاني بيبيتي قلبها عليه .
سعاد: بيبيته هو منو طلع عينك غيرها  خليك وراها على الصح والغلط اتصفگلك .
وليد: ليش تحجين عليها مو المره غايبه وتحبج وتريد مريومه تصير چنتج
سعاد: ولك اني وين حجيت عليها  اثاريك صدك يربوني واني وليد هلي ما غزر بيك الربابه والتعب .
وليد: هههه يعني احجي على بيبيتي يله مغزر بيه الربايه والتعب مو هي هم تعبت ويايه سعوده نسيتي سهرها ويايه من اتمرض مو حتى الاكل تتنغصه الي مو يوم القيامه نتحاسب .
سعاد: لعد انت مخبلها ومخليها تحبك اكثر الكل  من لاشئ غير من  هاللواگه وهاللسان .
وليد: ههههههه حضنتها يمه ترى اشاقى وياج انت الروح والريه والكل
يجون بعدج هو اني حاليا ما محتاج بعد بس زعلج حتى اتوفق .
سعاد: امشي ولك اني ما اتقشمر روح لامك اني مرت ابوك .
وليد: يمه ترى لا تشوفيني اضحك والله ضايج. وصدري مهموم
وهسه جدي زيدها عليه اذا منطاني مريم يأذيني
سعاد: لا اسم الله حبيبي لا تنغث  بس انت اعرف شلون تتعامل ويا جدك  حتى تخلي  يوافق لازم تقنعه مو هذا سنان هم شلع قلبه يله وافق على شهد لان الولد لا وگف بوجهه ولا عاند بي انطاه وقت يفكر ويرتاح بقى بعيد عنه ومسايسه يله رجع فاتحه بالموضوع مره لخ انت  صير زين ويا البنيه هي اذا هم رايدتك محد يكدر يجبرها .
وليد: مريم سالفتها هينه بس جدي صعب راح اعوفه هالكم شهر منا لحد ما اتخرج بلكت وراها يتراجع .
سعاد: دكوم خلي اصبلك تتغده انت مامتريگ
وليد: لا ما اريد من يجون نتغدا سوى راح اصعد انام ومن يصير الغده كعدوني طلعت وصلت لنص الدرج سمعت صوت بيبيتي رجعت نزلت لگيتها بالهول، هسه داخلين  ،ها اخبار العرسان ؟
محاسن : الحمد لله زينين .
وليد: كعدت بصفها همستلها بصوت ناصي حسونه اني مو زين
محاسن : ليش بيبي اسم الله شبيك .
وليد: القاضي ظالم رفض  ينطيني مريم
محاسن: اوف منك شلون عجول مو گتلك لا تفتح  ويا الموضوع خلي نخلص من سالفة الخطبه
وليد: بالحجي گتله وقفل عليه .
محاسن: وهاي شراح يفكه بعد عوفه بيبي بعد لا تجيب هالسيره  ويا
انتظر تتخرج واني ساعتها افتح ويا الموضوع .
وليد: انت هم گلت هيج ،بله الكليه هينه اكعدلها ركبه ونص محد يتقرب منها ، بس الكرايب يخوفون لا يطلعلي واحد صفح ، والقاضي يغدرني وينطيها
محاسن: لا تخاف  مينطيها هاي عاند بيك حتى يلقنك درس عوفها عليه
وليد: هو اني هم كلت اسلط عليه الاقوى منه .
محاسن: والله بيبي طالمني اني وين اكدرله بالاخص اذا قفل لو تطلع روحك ميبدل قراره .
وليد: ماطول هيج لعد ماكو داعي انتظر يطلع روحي اني اطلع روحه لحد ما ابزعه واخلي ينطينياها .
محاسن: ولك والله اذا يخليك بعقله لو تموت متشوف اظفرها .
وليد: اتفرجي حسونه انت مو تريديها تبقى يمج اعتبريها بقت اذا ما ينطينياها فلا اخليها تزوج تگابلكم وتكعد عود خلي يفيده عناده .
محاسن : ولك بيبي انت ليش ما تسمع الكلمه  عوفه هالكم شهر وراها اذا ما انطاكياها اني وياك عليه .
وليد: هههههه ليش متسويلج زعله وتاخذين غرفتي وتشعوطين قلبه مثل ما شعوط قلبي اليوم
عضيت شفتي والله رزلني رزاله يايابه مسح بيه الگاع تقبليها طلعني مو رجال والله لا اشوفه الرياجيل شيسوون لا اخلي ينطينياها برضاته دخل يصبرلي .
محاسن: هههههه ولك كبرنا اني ماسويتها من صغيره اسويها من عجزت والله بيبي انت تكدرله لان مثله سوالفك اتذكرني بي بعمرك ، عود اذا ما انطاكياها ازعل وانام بغرفتك .
وليد: والله محد يبرد قلبي غيرج بس مع الاسف راحت ذيج القوه جنتي تحكمين هسه  سلمتي امرج بأيده
محاسن: ولك انت دتحركني عليه ادري بسوالفك.
وليد: والله الله يساعدج عليه شلون حملتي .
محاسن : والله يساعد هالمريومه عليك مو انت مثله بس الفرق اني گويه هاي فقيره .
وليد: يمه اني ماكو مره تمشي حجايتها عليه تمشي مثل ما اريد واذكرج ان شاء الله
محاسن: هسه دخلي ينطيكياها وبعدين مشيها مثل متريد خلي اروح اشوفه هو وين
وليد: بالصاله يم ابويه ويمكن عمي قيصر يمهم سمعت صوته.
محاسن: وسع صدرك بيبي وتحمل كلامه اصبر هو من يشوفك متحمل وما تعانده  قلبه ينكسر عليك
وليد: ان شاء الله، صدك  مو تنسين اليوم تتصلين على ام لارا ،عذوره ومريومه گوموا صبولنا الاكل .
محاسن: ان شاء الله
عذراء: ولودي شوكت  تاخذنا نروح انشوف هويده
وليد: ميخالف على السته
التمينا على الغدا الحجي عاگد حاجبه ويباوعلي صفح مركز ويايه نظراتهما تبشر  بخير سد شهيتي انوب الضحكه خانگتني معبر بيها عن ابتسامه هادئه لان مريومه من الارتباك والخجل متكدر ترفع  عينها ولا دتعرف تاكل
احجي ويا بداخلي (حجي استهدا اكو الاقوى منك اذا الله كاتبلياها
دتعب روحك بأسلوب الرعب والترهيب صار قديم خلي اگوم
من كدامك احسن الي لا اضحك وعبالك استهزء بيك انوب افتح على روحي باب جهنم )
الحمد لله والشكر عاشت ايدكم
سعاد: انت مو ممتريك متكعد تاكل شكلت .
وليد: شبعت الحمد لله راح اصعد انام من تريدون اوديكم كعدوني
مريم : بقينا اني وعذراء نريد نعرف شنو جدو گله شو وضعه ما يبشر بخير  بالاخص من انتبهنا عليه عاكد حاجبه وعصبي
من خلصنا الغده نظفنا بسرعه سويت جاي وديته للهول واخذت استكان صعدته لوليد اريد اعرف شنو صار بينه وبين جدي  ،دكيت الباب عرف اني گلي تعالي
خليت الچاي على الميز شنو گلك جدو
وليد: اني عليه انت شتگولين تقبلين بواحد غيري .
مريم : لا بس اذا جدي رفض  ما اكدر اوگف بوجهه
وليد: جدج يمي معليج انت ِبالباقي .
مريم : ولودي لا تعانده  ترى والله اذا بقى معترض ميغير حجايته لخاطري عوف موضوع الخطوبه منا لحد ما يلين
وليد: حبيبتي لا تقلقين  خلينا عايشين يومنا وعوفي كلشي على الله.