النصيب
بارت1
السلام عليكم اليوم القصه عن اخت عراقيه حبت تحچي قصتها بسم الله الرحمن الرحيم اني زينب من محافظة الناصريه والدي الله يرحمه كان قماش واموره الماديه زينه الحمد لله ومعروف ابوي كان متزوج قبل امي هم مره بت اوادم وناس معروفين خلفتله أربع ولد مصطفى ويوسف ويعقوب اسماعيل كلهم طلعوا اصحاب محلات وخير ابوي حجي كاظم اخر ايام عمره راد يتزوج على مرته لان زوجته كبرته والتهت عنه بالعباده والعمرة والزيارة والحجي يشوف البنات بالسوگ ولبسهن والمكياج وصى جماعته يشوفوله مرة بس مارادها زغيرة كلش وسط اكو رجال يشتغل بالسوگ عنده بنيه عمرها بالتلاثينات متزوجه ومطلقة وحلوة بس عيبها طرمه ماادري تعرفون معنى الكلمه طرمه يعني متسمع زين الا صياح البنيه من العشاير يعني مو بنت مدينه
الحجيه عرفت والاولاد عرفوا قاطعوا الحجي وحاولوا يثنوه ويبطل مفاد وتزوج ابوي امي الطرمه ايمان كانت فرحانه بيت ومي بالحنفيات وكهرباء والحجي هم مكيف بنيه شابه حلوة وهم خدامه اله وزوجته ابوي شرط على امي ميريد اطفال خاطر ولده والورث وهي ظل ينطيها فلوس وذهب لحد فد يوم ايمان صخنت ونامت بالفراش متگدر تگوم اخذتها الحجيه للدكتورة عرفوا حامل جتي الحجيه دگ وتلطم والولد عرفوا اول خوف عدهم كان بس لا ولد توسلوا بابوهم يخليها تذب الطفل ماقبل لان يخاف الله والحجيه هم ماقبلت ومرت الاشهر ولدت ايمان بنيه الي هي اني زينب سنة ٨٨كل النسوان تخلف وتگوم ورا يوم يومين اسبوع خاصة نسوان العشاير يصيرن قويات لكن ايمان لا بقت مريضه وكل شويه جدة والعارفة وبالا خير اطباء وزينب بتها ظلت عند الحجيه وبس تصرخ ظلت ايمان تضعف وتصيح من الم معدتها والنسوان يگولن عادي نفاس وتابعة وغيرها شهرين بعد ماگدرت تتحمل اخذوها على المستشفى وماتت والتقرير كانت مسمومه بجرعات متكرره وبدا التحقيق ويه اولاد الحجي وزوجاتهم والحجي والحجيه لان كلهم عايشين بنفس البيت خافوا من الفضيحه اذا طلعت وحدة من نسوانهم وتعرفون ذاك الوكت الشرطه واهل ايمان والفصول والثارات راحوا على الأمن بالمنطقة صاحبهم وصديقهم وانطوا كم فلس وامر الشرطه ينسد التحقيق والجده شهدت ايمان ماخذه دوا عرب خربانه هو سبب الوفاة ظليت عند الحجيه هي الي ربتني وابوي مدللني بس من يطلع كلها تصيحني بت الطرمه...يتبع
