النصيب
بارت9
نزل ضابط الشرطه لگاني ابچي وماعرف شنو اجاوبه من سألني ليش اسوق سرعه وبوقت متاخر وليش ابچي جاوبته اريد اكتل نفسي تراجع الشرطي اتصور عندي سلاح او اريد اسوي شي خطا بدا يحچي وياي من بعيد وبهدوء سألني عندچ سلاح بالسياره جاوبته لا رادني اطلع من السيارة فتشني وفتش السياره سألني شنو سبب البچي مريضه متعرضه لعنف ظليت اخيط واخربط عرف بنتي مريضه ونفسيتي تعبانه راد يتصل بزوجي گتله لا راح اتصل بصديقتي تاخذني مانطاني غرامه بس ماسمحلي اسوق بهيچ حاله جتي صديقتي اخذتني وليد ورا ساعه حس اني مو بالبيت اتصل عليه صديقتي جاوبته وحچتله الي صار گال راح يجي ياخذني وصلنا للبيت سمعني المحاضرة
تريدين تنتحرين روحي للعراق وانتحري اني ماناقص مصايب
متكيف ترتاح مني وتتزوج لوري وتجيبلك اطفال مو معوقين
لچ هو اني لو اريد اتزوج اخاف منچ دمرتي حياتي بقرار غبي وشنو هالجواب السخيف الي گايلته للشرطه
موسخيف وليد تعبت أدوية ومستشفيات وطفله مريضه وانوب خيانتك
اي سويها خيانه وطلبي طلاگ انتي شاطرة بهجمان البيوت
يابيت هجمته
بيتنا وحياتنا بس گوليلي شنو الي استفاديتي من جبتي رفقه
مادري مرات احس اني عذبتها بالانابيب وصوندات وادويه واگول لو ماجايبتها احسن بس والله احبها شايف من اصابعها تجي على ايدي بشرتها ناعمه وشعرها بدا يطول ومرات نعسانه من تشوفني تفتح عيونها لاتتصور حياتي سهله اني متت من تركتني واندفنت من جبت رفقه حچيت ويه الشرطي لان ماعندي احد اشكيله
خلص لاتبچين روحي نامي واني ابقى يم رفقه ارتاحي شويه
رحت بس ماگدرت انام دخلت الغرفة بعد ساعتين وليد گاعد بس ميعرف يتصرف ويه رفقة
روح نام وليد باچر عندك دوام
طلع الصبح واني مانايمه غير ساعتين گعدت لگيت وليد بالمطبخ
ليش گاعده روحي نامي
عندي موعد دكتور ساعه تسعه لازم يحللون الرفقه
اذا تريدين اني اخذها وانتي ارتاحي
الأطباء يعرفوني وانت لوحدك متگدر عليها
لعد أخذ إجازة اروح وياچ
من شوكت تروح وياي
غير الشغل لعد مصاريف المستشفيات منو يدفعها
بيش الساعه ترجعين للبيت
شمدريني من تخلص الحفله الي رايحتلها
بعده دمچ خفيف حبيبتي
حبيبتك شنو مصخن اليوم تراني مو لوري
يالوري ليش متصدگين احلفلچ من يوم الي عرفتچ ماعرفت غيرچ
چذاب
والله العظيم ماعندي غيرچ
وليش تاركني لوما مستغني تريد تقنعني صار سنتين عايش على الذكريات
مامجبور احلف چذب
اگلك گوم روح لشغلك ست لوري تنتظرك وخلي العطر الي تحبه وشعرها الرصاصي تنثره عليك هم چذاب وهم لوگي
رحت على الموعد وعرفت التأمين رافض ينقل رفقه لولايه ثانيه لان تكاليف والتحليل نسبه كريات الدم قليله رجعت على البيت نعسانه ومحبطه واريد انهزم من حياتي بعد مااگدر وصلت سيارة وليد موجود مووكت جيته هسه
مو على اساس عندك شغل شنو ست لوري عافتك
جيت اشوفچ ميصير
وين چنت صارسنتين
يمكن خطأت وتندمت ميصير تسامحين
زين عيني مدام تندمت اگدر اعوف رفقه يمك ونام شويه نعسانه
روحي نامي بس اصعدي لغرفتنا القديمه نامي بيها مشتاقيتي الها
اني غرفتي يم بنتي
دصعدي بالغرفة شي اريدچ تشوفيه
شنو مرتگ الجديده بالغرفة
دصعدي ماعندي مرة غيرچ
اگص ايدي اذا ماوراك مصيبه سوده
صعدت الغرفه مغير الفرشه القديمه بوحده جديده وليد ديتصرف تصرفات عبالك هو رجلي
گعدت تغدينا سألني
حلوة الفرشه عجبتچ
حلوة عندك ذوق
غير تساليني شنو المناسبه
وليد گول شبيك ترى تعبانه فوگ متتصور واتمنى عمتي يمي وابچي بحظنها لحد ما اموت واخلص
واذا متي اني ورفقه منو النا
شبيك فدوه گول صارسنتين عايفني وعندك صديقه ماادري زوجه ليس تلف وتدور احچي
اني ماعندي صديقه ولازوجه العطر هي جابته هديه خليت منه مرة وحده وماتحملت ريحته وحتى الستره شمرتها صح لولا لگيتيها مشموره
يمكن ماتذكر والشعر
هي مرة چبيره شعرها يوگع
زين المرة الچبيره ليش تجيبلك هديه
ماادري هم الامريكان هيچ يجيبون هدايا
الله يرزقني بواحد امريكي يجيبلي هدايا بدون سبب
حتى اذبحچ واذبحه
وبعدين ليش تريدين حضن عمتچ واني شنو حايط
ماادري انت ناوي تخبلني وليد صار سنتين عايفني غرفة بنتك متدخلها ياحضن بعد
زي اني مااكره بنتي ردت اوفر علينا العذاب والألم والتعب وارحمها من هاي الحياة شوفيها كم فتحه بجسمها كم كيس وانبوب وصونده ابتعدت عنچ وعنها حتى مااشوف كل هاي الصور وحتى مااتعلق بيها ويصير وداعهاصعب گولي عليه مو گد المسؤوليه بس لگيت نفسي بوضع مااريده مااتحمله والبارحه لما عرفت گايله لشخص غريب اريد اموت الكلمه هزتني حسيت لازم اشيل وياچ وكافي عناد وياچ وي نفسي
وليد اني هم مااعرف شنو اسوي رفقه كل يوم اتعس من يوم مرات اتمنى مجايبتها ومتعلقة بيها بس اني چنت زغيره واول حمل الي فرحانه بيه وعندي امل يطلع مرضها بسيط اگدر عليه والله مقصدت اتحداك
ماكو داعي للبچي هسه وگليلي شنو رائيچ نسوي طفل ثاني الأطباء فهموني نگدر نأخذ ابر ولقاحات ويمكن الله يعوضنا
اخاف يصيرون اثنين واني وقتي كله لرفقه
اني اساعدچ بيهم
وشغلك انوب يطردوك وتظل تگدي انت وجهالك
لچ شنو هاالفاظ والصور المشرقه گلچ تفاؤل
شبيك المگدي هنا مو مثل العراق تشيل لافته مكتوب عليها ممكن مساعده وتگعد على كرسي يعني مثل الموظف وجهالك يمك اصلا متلحگ على الفلوس
والله مشتاق لسوالفچ
لعد وين چنت حمد لله على السلامه
داحچي جديات زي خلي نسوي طفل ثاني
اوكي اخذ موعد من دكتور واگلك
الأطباء انطونه لقاحات وابر وفهمونا ممكن يصير عدنا طفل سليم اذا تابعوا الحمل من البدايه رجعت علاقتنا اني وليد وبدا يتحمل وياي مسؤولية رفقه ويصيحلها بابا رفقه....يتبع
