النصيب
بارت8
مرت سنه على ولادة رفقه اني عمري ٢٢غريبه وحيده تعبانه مهجوره صار سنه مخالة قطرة مكياج بوجهي شعري مفاتحته اگعد من الصبح البس الجينز ومرات انام بيه اوقت المنبه كل ساعتين حتى اغذيها واغير انابيب وغيره ومرات صوت الأجهزة يگعدني وليد دوم عصبي واذا اشكيله يگلي انتي الي جبتيه لنفسچ اشوف الي اتزوجن وياي الي خلفت وبدت تاخذ طفلها تدفعه بالعربانه لو يمشي والناس تطلع حدائق وسفرات وتدرس وتتوظف واني حياتي أن وقفت اتمنى البسها بدله واسمع ضحكتها واخذ وياها صور اتمنى اصيح لوليد ابو رفقه بدون غصه والم سويت كيكه وجبت الشموع وخليت براسها فيونكه اخذتلها صور
ياناس هاي بنتي محد يفهم الكل يلوموني احتاجيت وليد رجلي بذيچ الليله لو بس يبتسم بوجهي لو بس يگلي الله يساعدچ بدلت وانتظرته رجع من شغله شافني مبدله ومنتظرته دار وجه وراح لغرفته رحت وراه
وليد لشوكت تظل تاركني ومالك علاقة بنتك
وينها بنتي انطينياها اريد احضنها اشيلها انطيها ممه مثل باقي الاباء
الله رادها هيچ ..
انتي ردتي هذا الوضع بدون متفتهمين الحياة والصعوبه ردتي يگولون عنچ بطله وماكو مثلچ من سمحلچ تگلبين حياتي وتلغين احلامي ردت زوجه واطفال وبيت مليان لعاب وضحك واطفال يتعاركون الله ماراد هالشي والطب انطانا حل مشيتي ارادتچ وتركتيني نسيتي عندچ زوج ركضتي ورا وهم
انت الي تركتني ومحملني ذنب الي صار
زي لاتسووين نفسچ متفتهمين اني اكبر منچ مخلص عمري بهالبلد اعرف شركات التأمين وتفكيرها واحنا عدنا وراثة وهملنا الحمل بدون قصد شرحتلچ كل هذا وعاندتي ومشيتي ارادتچ
مو قصة عناد بس چان عندي امل تتعالج
روحي باوعي عليها زين وضحكي على روحچ بحلم تصير زينه وتتعالج
هسه الصار صار ماكو داعي للي دتسويه لا اكو داعي وراح تشوفين بعد سنه الشركات من تسحب التامين منچ شيصير تتوقف الأجهزة وتموت گدام عينچ ومتگدرين تسوين شي الها ردت ارحمچ من هذا الموقف مفاد وياچ عبالچ هاي الادويه تفيدها هاي حتى يبقوها عايشه ويسحبون فلوس من التأمين ورا سنه شركة التأمين تعيد حساباتها وتشوف هاي المريضه دتكلفهم شگد وراها ياخذون القرار
ليش هيچي يائس الله موجود
الله موجود وگالنا فكروا استخدموا عقلكم لايكلف الله نفسا إلا وسعها وسعها بس انتي ميفيد وياچ گوليلي اخر مرة ضحكنا يمتى طلعنا سوا اخر مرة دخلتي غرفة النوم وريحتها مو ادويه وحليب هاي الحياة الي تريديها
زين انت ليش غيرت غرفتك متريدني للدوم
انتي اختاريتي حياتچ واني اختاريت حياتي تريدين اسوي طفل مريض ثاني وهم تبيعين براسي قيم ومبادئ وتجيبيه
وليد ترا مو اني الي عندي المرض انتم عدكم وراثه .
ادري مدا اگلچ انتي السبب بس ماخليچ تلعبين بحياتي بكيفچ مشيتي رائيچ مرة وبعد متتكرر
شنو يعني والله مداافتهم
يعني اني مننتظرچ ترجعين زوجه وكت الي يعجبچ روحي عني
راح اروح وليد بس تذكر هذا اليوم زين لان مراح يتكرر لو اموت ماجيتك حتى تنام وياي يمكن لو بس لازم ايدي ومبتسم كافي رفقة بنتك قبلت لو ماقبلت وعمري مراح انسى اليله مشكور ابو رفقه
طلعت من غرفته وخنگت نفسي بالمخده حتى ميسمع صوت عياطي وبچي اعرف هو هم عنده حق شاب ناجح راد يستقر ويكون عائله بس اني هم مچنت متصورة بنتي راح تكون مريضة لهاي الدرجه تصورتها مثل الاء تمشي تحچي تكبر ولاتخيلت تعقيدات العلاج والتأمين بامريكا
بدت حالة رفقة تتدهور والنخاع ميولد كريات دم صار كل وقتي مستشفيات وكل شويه دكتور مقترح علاج واني اسمع وابچي دكتور اقترح اسافر لبوسطن بيها مركز تخصصي لهاي الحالات انطوني رقم تلفونهم حتى اشوف اذا يقبلون تامين وشركه التامين تدفع لولا
رجعت للبيت عندي صديقه احسن مني
بالانگليزي اتصلت بيهم وفهمتهم قبلوا بس بقت شركة التأمين توافق لازم انتظر
مرت ايام واني انتظر ردهم وعندي امل يصير لبنتي حل اشتغل وافكر داارتب بملابس وليد سترة مالته عطرها قوي وليد عنده حساسيه من العطور القويه ودائما ينبهني من العطور نفس العطر موجود على ميزه ماعنده هيچ عطر هو ميشتري عطور قويه واني اصلا ممشتريتله صار سنه اخذت السترة من جديد اشتميت وتاكدت طلع جاكيت ثاني اله نيلي علي شعر رصاصي لوري زوجته السابقة شعرها رصاصي هذا اللون الي يتحول بيه الشعر الاشقر بتقدم العمر لرصاصي واعرفه نوعية شعرها فكرت يمكن صديقته وحاضنته لان الامريكان عادي عندهم بس ماكو رجال يهجر مرته اكثر من سنه ويتحمل
وليش فجاءة صار دوامه من سته لثمانيه وليش لوري بطلت تزورنا وتسأل علينا
هو اني ناقصه تفكير مااگدر احچي اذا مااتاكد وماعندي وقت اراقب ظليت اغلي يمتى يجي وافتهم
رجع من الدوام سالته وليد ليش صار دوامك لثمانيه
صار ست اشهر من تحول هسه يله سالتي
والعطور القويه شنو قصتها مو انت عندك حساسيه.
شنو اليوم صحيتي من نومچ وتذكرتي عندچ زوج وتريدين تحاسبيه
اني مامشغوله عنك بالنت لو طلعات لو اسواق افتر بيها عندي طفلة مريضه اخاف متدري واخاف انتي متدرين الطفله المريضه علاجها يدفعه التأمين مالتي يعني مصاريف اكثر يعني لازم اشتغل اكثر
والعطور مجاوبتني عليها ماليه ملابسك
اني تعبان ومالي خلگ اتعارك خليها الصبح
وليد شعر لوري على جاگيتك النيلي تلگاه بغرفتك المرة الجايه خليها تنظف الجاكيت قبل لاترجع للبيت اني ماعندي وكت انظف قذارتكم
مجاوبني بقيت احلل وافسر ويه نفسي شلون اتصرف لوري اكبر من وليد بالعمر لو قصده الخيانه ليش مختار وحده اصغر احلى عنده الجامعه مليانه بنات وليش ميرتبط بوحده حتى يصير عنده اطفال ويحقق حلمه بيت مليان اطفال ليش ميطلگني ويبدي حياة جديده واهم سؤال ليش مجاوبني ظليت بهل التفكير واحس جدران البيت راح تنطبگ عليه طلعت من البيت وعفت كلشي حتى بنتي اخذت السيارة واسوق سرعه بجنون لحگتني سيارة الشرطه وگفوني . النصيب ٩نزل ضابط الشرطه لگاني ابچي وماعرف شنو اجاوبه من سألني ليش اسوق سرعه وبوقت متاخر وليش ابچي جاوبته اريد اكتل نفسي تراجع الشرطي اتصور عندي سلاح ا....يتبع
