النصيب
بارت3
كبرت واني على نفس الوضع بين بيت عمي جبار وبيت عمتي ام ستار متونسه بنات عمتي المتزوجات بجون يمنا واني واسراء نخلصها بالعطله فوگ السطح عرفت اسراء تحب ولد بالكليه وياها بس بغير محافظه بالكوت ودائما تحچي الي عنه وبالعطله تظل تبچي عليه لان متگدر تشوفه بس هي عدها موبايل وتخابره وتواعدت هي وياه بالكليه
لچ زوز شراح اگول لاهلي دبريني
والله لاتگولين ولا تورطين نفسچ يريدچ خلي يودي أهله وبعد سنتين تتخرجين انتي وياه وتزوجوا
أهله ماعدهم هسه ظروفهم شويه صعبه
هذا چذاب يگدر هسه يخطب الدنيا خير مو مثل قبل بميتين الف حلقه ويجي يخطبون
لاتگولين عليه جذاب احسن من مصطفى مالتچ
لچ يامصطفى هذا وشعندي وياه
مصطفى ثابرنا بيچ وكل متطلع وحده بالتلفزيون گال تشبه زوز
شداتحچين ترا والله مصطفى مثل اخوي واصلا كل ميشوفني يصيح عليه
اي عيني يصيح لان يحبچ نسيتي ذبح روحها علمود تتحجبين صدوگ انتي ماحاسه بالموضوع
لچ ياموضوع الله لاينطيچ هسه بعد حتى مااگدر اباوع بوجه
ليش زوز انتي تحبين غيره
والله انتوا عائله غريبه ماعدكم غير الحب والغرام
سمعنا مصطفى من جوا ديصيح علينا
نزلنا ركض احنا نخاف منه بشكل وهوعصبي وميتفاهم ابد والسنه يتخرج من القانون سالنا
شكم مرة گايل لاتصعدن السطح
كهرباء ماكو وحارة
والسطح بيه مصيف خلي اشوف وحده بعد تصعد
ردت اطلع اروح لبيت عمتي
تعاي انتي جايه هيچ بتشيرت وتنورة
اي ليش
بعد متطلعين بدون صايه لو عبايه
وليش الا صايه اسراء متلبس
اسراء ضعيفة انتي بغل تلبسين صايه لو متطلعين من البيت يله روحي
من ذاك اليوم مدخلت بيت عمي ومصطفى موجود ماعنده احترام وشايف نفسه اني بذاك الوكت چان عمري ١٧سنه مرت سنه ومصطفى تخرج من الكليه واشتغل بالمحكمة بدون تعيين ياخذ قضايا واني خلصت سادس اعدادي اهم ماصار اسراء انخطبت من اخو هيفاء واهلها وافقوا راحت على الولد الي تحبه مقبل يتقدم الها ويوم الي زفيناها صارت بالغرفه مناحه وبچي
كافي اسراء موتيني ميستاهلچ خلي يولي صدوگ تبچين على واحد ميريدچ
ابچي لان صدگته والف مرة تصورت هذا اليوم وياه
شيليه من بالچ والحمد لله عرفتيه على حقيقته وابدي حياة جديده ويه محمد خوش رجال واموره زينه وراح يخلچ تكملين وتبقين قريبه من بيت اهلچ لچ كافي تبچين المكياج راح وهسه الولد يشوفچ يغير رائيه وتظلين عانس يله حبيبتي گومي ننزل البيت مليان نسوان ولاتنسين ادفعيني حتى اتزوج وراچ
انشالله انتي ومصطفى يارب
بيش طالبتني اخذ مصطفى كل ميشوف خلقتي يصيح عليه هاچ حبيبتي هي هديه عرسچ محبس موديله قديم مال امي اذا ماعجبج غيريه على ذوقچ
شلون اغيره وهو منچ انتي اعز انسانه عندي بعد امي
لچ راح تبچيني يله ننزل
تزوجت اسراء وظليت اروح لبيت عمي اكثر لان عطله هيفاء حامل بطفلها الثاني والاء حالتها يوميه تسوء ومصطفى بالدوام من يجي اطلع من البيت...يتبع
