Unicode
**************
''ဟိုကလေးလေး ဘယ်ရောက်သွားလဲ မာရာ..''
သြဂတ်စ် တစ်ယောက် မျက်ရည်တွေကျကာ ပြေးထွက်သွားသော ဂျူလီယန်ကြောင့် မနေနိုင်တော့ဘဲ ခြံထဲကို ပြန်ဝင်လာရလေသည်။ ထို့နောက် အလောင်းတွေကို ငုံ့ကြည့်နေသော မာရာကို မေးခွန်းထုတ်လိုက်မိသည်။ ခြံထဲတွင် ဆံနီလေးကို မတွေ့ရတော့ သဖြင့် စိတ်ဆိုးကာ ပြန်သွားပြီးလားဟု စိုးရိမ်သွားမိသဖြင့် ဖြစ်သည်။
သြဂတ်စ်သည် ဂျူလီယန်ရဲ့ ထိုပုံစံလေးကို တစ်ခါမှ မမြင်ဖူးခဲ့ပေ။ သူ့ကို ထိုသို့ ငေါက်ငမ်းမိသလိုဖြစ်ခဲ့ခြင်းအပေါ် စိတ်မကောင်းဖြစ်သွားမိသည်။
Alpha နှင့် Luna သည် ခံစားချက်ချင်း ဆက်သွယ်နေသည်။
ထို့ကြောင့် သြဂတ်စ် ခံစားရသမျှကို ဂျူလီယန် ခံစားနိုင်သလို ဂျူလီယန် ခံစားနေရသမျှကိုလည်း သြဂတ်စ်က ခံစားနေရသည်။
ထို့ကြောင့် စောစောက ဂျူလီယန် အရမ်းဝမ်းနည်းသွားခဲ့တာကို သြဂတ်စ် သိနေသည်။ ကိုယ်တိုင်လည်း ခံစားနေရသည်။ ထို့သို့ ဝမ်းနည်းသွားရခြင်းသည် သြဂတ်စ်ပြောလိုက်သော စကားများကြောင့်ဆိုတာလည်း သိနေသဖြင့် ကိုယ့်ကိုယ်ကို အပြစ်ရှိသလို ခံစားနေရသည်။
ခြံနောက်ဘက်က ကပျာကယာထွက်လာပြီး မေးလေသော သြဂတ်စ်ကို မာရာက ခါးထောက်ပြီး အပြစ်တင်သော မျက်လုံးများဖြင့် ကြည့်သည်။
''ခရီးပန်းလို့ နားချင်တယ်ဆိုလို့ အပေါ်ကို ပို့ပေးလိုက်တယ်.. ဘယ်ရောက်သွားလဲ မင်းက သိချင်ပြီး ဘာလုပ်မလို့လဲ.. ကလေးကို ငိုအောင် ထပ်ပြီးတော့ လုပ်ဦးမလို့လား.''
သြဂတ် ကျစ်ခနဲဆုပ်သပ်ကာ မကျေမနပ် ပြန်ဖြေလိုက်သည်။
''သူ့ဘာသာသူ ငိုတာလေဗျာ.. ကျွန်တော်သူ့ကို မဟုတ်တဲ့ စကား တစ်ခွန်းမှတောင် မပြောရသေးဘူး''
''သူ့ဘာသာသူ ငိုတယ်ဆိုတာ မင်း ရင်ထဲက ဝမ်းနည်းနာကျင်နေတာတွေကို ထပ်တူထပ်မျှ ခံစားလိုက်ရလို့ ငိုတာလေ.. အဲ့ဒါ မင်းကြောင့် ငိုတာပေါ့ ငတုံးကောင်ရဲ့.. ''
YOU ARE READING
Star Love (II)
FantasyTitle - Star Love : The Unchanged Love A true love that comes from the heart can't be destroyed. You may not remember me but your heart does . Believe in your heart and find your love . I will be with you until you remember. Because you are the on...
