رجفه عاشق

البارت الاول (تعريف للابطال)

هل تعرف ما هو الحب؟ إنّه شعور غريب تجاه شخص مُحدّد يجعل قلبك يدقّ لمجرّد التّفكير به، وتشعر أنك بحاجة له، فتسامحه على أخطائه التي لم ترها من الأصل. وهذا الحبّ يضمّ مزيجاً غريباً من الأحاسيس؛ فهو اشتياقٌ ولوعة، وغرام وعشق وهيام. فالعاشق حين يحبّ يسامح ويعطي ويفكّر بعمق❤

اول جانب بالقصه حياه عشق
هلو اني عشق عمري١٨ سنه اصغر اخواني الجبيرة

نرجس عمرها٢٦ سنه والوسط مصطفى عمرة ٢٤سنه

واني اصغر وحده وامي اجهضت اخواني اثنين واحد

اكبر من نرجس وواحد اصغر من مصطفى مامقسومه

الهم حياه ... اخواني متخرجين ومكملين تعليمهم امي

وابوي الحمد لله عايشين وابوي شيخ عشيرة جان

بالبصرة بس من ازوج امي انتقل لبغداد لان اخذها عن حب تصير اخت صديقه وحتى يخلص من اخواته

لان يأذنها وبعد ماتوفى جدي انتقلت المشيخه لابوي وضل

يتنقل بين بغداد والبصرة ومرات يضل ايام هناك حتى

يخلص امورة عندي اثنين عمات وحده مامزوجه

وضلت كاعده بيت اهلها والثانيه مزوجه وعدها ولد

اسمه ابراهيم اكبر مني ب٥ سنوات بعدين تعرفون تفاصيل

مواصفات عشق بيضه عيون كبار لون عسلي مائل للاخضر وشعر طويل وجه طفولي قصيرة😐 طبع هادئه وماتختلط ويه احد الا نادرا والي يعجبها☻
حاليا اني بعمر ١٨ تخرجت من السادس ونجحت وقدمت على الكليات وانتظرها تطلع.......نحجي عن عمري قبل كم سنه

بعمر ١٦ جان ماعدنه خلاف ويه عمتي سهام وجانت ساكنه ببغداد بعد ماابوي انتقل لبغداد ورة سنه هي ازوجت واحد ببغداد وضلت تجينه ابراهيم ابنها الوحيد جان اصغر من نرجس بسنه كبر وياها وويه مصطفى

حتى من انولدت كبر وياي جان الوحيد الي من كرايبنه مقرب النه لان ماعدنه هواي اقارب وعمام ابوي الوحيد وعنده اخوات اثنين المهم.....

جنت احسة شي حلو بحياتي كبرنه سوة وصلني لعمر ١٦ واني اراقب نظراته الي وجنت من افوت من يمه يتغزل بيه وينطيني شعر وكلام حلو حتى يتغزل بعيوني وشعري وجسمي وجنت اخجل

حتى امي منعتني اشوفه وتكلي البسي حجاب ولا تلبسين قصير واني اطبق كلامها بس ابراهيم مابطل تصرفاته لحد مااجه يوم وانطاني ورقه بدون مااحد يشوفها وكال اقريها وردي جواب قبل لا اطلع واني رحت اركض لغرفتي فتحت الورقه
المكتوب ⤵️

حبيبتي عشق اني من زمان انتظر هاللحظه الي اعترفلج بيها بمشاعري اني احبج واريدج الي وبس واتزوجج هاي امنيتي واتمنى اكون الرجال الوحيد الي يملك قلبج واخذج الي ولحظني بس اريد اعرف انتي تحبيني لو لا اتمنى تجاوبيني