رجفه عاشق

البارت22 والاخير

بارت22 الاخير

#رجفه_عاشق

مر شهر كامل ورة اربعين بابا واحتاريت بعشق الصغيرة لا اهتميت لحفله التخرج ولا لاي شي ماالي نفس بشي الامتحانات قربت ماردت امتحن بس سهر ضل يقنع بيه ويحاول حتى لا تضيع سنه كامله بتعبها

وفعلا بديت اقرة ولو ماالي واهس اقرة بس اتحمل

وسهر هو الي يحتار بعشق او مرات عمتي تضل يمها والامتحانات جانت تعب وهلكت وسهر يراجع الي ويسألني وبأول امتحان غششني لان جان واكف على المراقبه ويتقرب ويهمس وينطيني راس السطر واني اكمل بس بعدين ضليت اني اجاوب وخلصت من تعب الامتحانات وهمها

ورة 10ايام طلعت النتائج وجانت نتيجتي ناجحه الحمد لله ارتاحيت

ماما جانت جايه زيارة يمنه هي واروى

ماما:بنتي انتي صغيرة وهالاسود يكبرج وطلع الاربعين وعده شهرين ماتكليلي شوكت تنزعيه

امي تحجي واني ساكته ماارد

_ولج انتي مزوجه وبعدج صغيرة اذا اضلين هيج راح تخرب حياتج

وبعدين لو واحد غير سهر وبهذا عمرة جان مااهتملج بس هو لان يحبج ويعرفج متأذيه ساكت وراضي وابوج مايريد هيج حياتج بالعكس رادج تهتمين برجلج وبيتج اسمعي كلامي

عمتي(ام سهر):اي بنيتي امج كلامها صحيح وسهر من يشوفج متأذيه يتأذة بالزايد ويتعب شعشتي من عمرج اذا اضلين هيج

ماما:مو هاي اروى لان مزوجه وبعدهي صغيرة ماقبلت تضل لابسه الاسود حتى موزين عليها وهي مزوجه مايصلح على رجلها

عشق:هنا من حجت امي رفعت راسي خفت على سهر ....همست ان شاء الله

ماما:لا كومي هسة اسبحي وضلي رددي ايات وصلي على محمد والبسي الوان

عمتي:اي بنيتي كومي

اروى:اي فدوة

كمت سبحت وبدلت وسويت مثل ماكالن ولبست الوان وفعلا جان شكلي تعبان شسورت شعري وفتحته وخليت مكياج خفيف بس يعدل وجهي وعطر شوي وصعد سهر جان طالع هو وعشق يفتر بيها درت وجهي اله

هو ضل صافن ويباوع عليه اخذت عشق من يمه وشلتها ضليت شايلتها والاعب بيها واباوع على سهر بالمرايه ....يباوع عليه وكل شوي يفرك بأيديه لو يحك لحيته لو شعرة لو ركبته

باوعت عليه

_تاكل شي

_ها لا خليني كاعد

_تقربت وكعدت يمه وخليت عشق بحظنه وحظنت ايده وخليت راسي على جتفه ...تنهد وحجه

_اووف هنا صدك الراحه

مارديت عليه ....ضلينه على هذا وضعنه وساكتين لشوي بجت عنونه وهو ضحك وضل يشيل بيها

_ههههه حبيبتي فدوة منو هاي الفصمه هاي عشقي هوب هووب