بده الدوام
كعدت وبدلت وانتظرت الخط وقبلها بيوم اخذت اسم الولد محمد حتى اروح اشوفه واحجي وياه لان اكلوا راسي
اول مادخلت الكليه شفت سهر
_هلو استاذ شلونك
_الحمد لله
_مروة مااجت
_لا ماكو حتى حيدر ماكو
_راح اروح بشغله من رخصتك استاذ
_وين رايحه
_شغله
عفت سهر وهو يصيح تعاي خو ماكو شي بس ماردت اكله ويشغل باله ويحير بمشاكلي زحمه
طبيت للتربيه ودورت على قسمه
عشق:سلام عليكم
طالب:وعليكم السلام
عشق:بس اريد اسأل عن طالب اسمه محمد وانطيته اسمه بالكامل من هالقسم مرحله ثالثه
طالب:ذاك محمد
عشق:اشرلي على واحد كصير واكف بنص دائرة بنات ويضحك وياهن ويضرب بيهن ويلزمهن وهن صوت ضحكتهن زرف اذني لعبت نفسي من الوضع بس رحت سألت
عشق:سلام عليكم
محمد:وعليكم منو هالحلوة ماشايفج من قبل
عشق:حظرتك محمد
محمد:اي منو انتي
عشق:اني اسمي عشق جواينكم الشيخ ماهر تعرفه
محمد:اهاااا عشق انتي الي راح تكونين زوجتي والله وطلع عندي حظ
عشق:العفو غلطت مو زوجتك ولا راح اكون
محمد:شدعوة جربيني وماتندمين
عشق:شنو قله الادب هاي
محمد:قله الادب تشوفيها بيوم زواجنه صدكيني وتقرب
عشق:ماتحملت وضربته راجدي حقير اني جيت اتفاهم وياك طلعت نكس وعفته ومشيت طلعت ابجي
محمد:اني اضربيني ايات وينج
ايات:ها حمودي
محمد:روحي وراها وشوفيها ويامن توكف وتحجي راقبي كل خطوة الها وصوري اذا الزم الشي الا اخليها تندم لان مدت ايدها وضربتني
ايات:اوكي
عشق:رحت بسرعه للقاعه وابجي ماتحملت كلامه شلون حقير وضليت وحدي بالقاعه وابجي وصوتي عالي مدنكه وجهي ومخليه اديه على وجهي حسيت احد قريب عليه رفعت راسي
سهر:هييي شكو شبيج
عشق:مابيه شي
سهر:سحبت استول وكعدت مقابيلها خليت جهة ظهر الاستول ليكدام وكتفت اديه احجي
عشق:انفجرت بوجها وبجيت
سهر:لج شكو منو مأذيج شنو الشغله الي رحتي علمودها ورجعتي تبجين
YOU ARE READING
رجفه عاشق
Romanceحالة حب أم إعجاب؟ وهم ام حب حقيقي ...حرمان عاطفي أم مراهقة بنات ....تبحث عن فارس احلامها ولا تجدهة الا في استاذها على الرغم من فارق العمر بينهم 17سنه الا انه لا يمنعهم من الوقوع بالحب ........طالبه صغيرة تقع في حب استاذها ضغوطات واجبار الاهل يؤدي ال...
