رجفه عاشق

البارت العاشر

#رجفه_عاشق

سهر:فزيت وعشق بحضني نايمه جنها طفله وشعرها الي بطولها ضليت صافن عليها ومتندم لان قسيت عليها معقوله اذيتها وهي صغيرة قربت ايدي وتلمست خدها ناعم مثلها وبعدت خصلات شعرها عن وجها لان يزعجوها وهي نايمه

..تحركت شوي وحطت ايدها على وجهي من قريبه مني شي غريب معقوله عندي مشاعر الها واحبها ضليت متأمل بوجها وجمالها حظنتها ورجعت نمت ارتاح من احظنها

عشق:كعدت الصبح مااكدر احرك ايدي احس متقيده باوعت سهر حاضني ضليت اباوع عليه واني بحظنه فدوة جماله معقوله قريبه منه وماحس بحبي اله مو بيدي احبه بس اكابر واخاف مااكول اله وبلحظه صافنه عليه هو كعد وباوع عليه طفرت من الفراش

_هييي شبيج

_ها مابيه

_ايدج بعدها تأذيج

_لا زينه مو مثل البارحه

سهر:الحمد لله....شبيج هبطتيني الناس الصبح تكول صباح الخير مو تكمزيني واطفرين هالطفرة

_اسفه ...صباح الخير

_صباح النور....نتريك

_ابدل وننزل نتريك

_ماشي ..انتظرج

نزلنه وحظرت الريوك للكل واجتمعنه وعلى نفس الروتين .....دوامنه ماشي تمام وبدت الامتحانات الشهريه وكله اقرة وسهر محتار هم بالمحاظرات وامتحانات.....

مرتضى ونور استقروا ببيتهم لان جن يبني بيه من اشهر ورحنه نساعدهم ونرتب وياهم....

وملابسي كلها تراب ووصخ ومبلله لان غسلنه البيت اني ونور واروى هذا حالنه كلنه وصخ😂واجت اخت نور تساعدها ....عمتي ماخليناها تشتغل لان جبيرة وسهر ومرتضى شغلهم يسوون الكلوبات والبنكات والتلفزيون يعني على الكهرباء ومن صار شكلي مبهذل اشرد من سهر حتى لا يشوفني😶كلي وصخ مبهذله

سهر:عشق جيبي مي

عشق:اروى روحي انتي

اروى:ولج خامس مرة يصيحج ويريد منج شي ولو اني اروح اله لو نور

عشق:لج شكلي مبهذل وتراب ومي وشوفي شعري ورموشي

اروى:لج والله تجننين مابيج شي

عشق:انجبي ترة اكو مرايه وشفت خلقتي وانرعبت شحال لو هو يشوفني ينلبس انوب من الخوفه

اروى:وبعدين سهر مامقصر من ورة الكهرباء لابس بدله مال عمل زركه وهم وجها بيه صخام وشعرة مبهذل

عشق:😂😂عابتلج لا هو حلو باوعت عليه من الشباك

اروى:حتى وهو مبهذل تدافعيله

عشق:اي غير حبيبي شعندي غيرة

سهر:هييي عشق وين المي

عشق:لج هاج وديه اله