رجفه عاشق

البارت الرابع عشر

بارت 14

#رجفه_عاشق

نزلنه من السيارة دكيت الباب طلع ابوي عايدته وسلمت عليه وشاف سهر اول مرة يلتقون من بعد ماازوجت

بابا:منو هالضيفه الحلوة

عشق:بابا هاي اروى اخت سهر اجت ويانه

اروى:سلام عليكم كل عام وانت بخير عمو

بابا:اهلا وسهلا بنتي وعليكم السلام وانتي بخير ربي يحفظج.....تفضلوا

عشق:دخلنه جوة للهول اني واروى وجانت اختي نرجس موجوده وبطنها ليكدام😂حامل بشهر السابع وامي موجوده عايدناهم

عشق:لعد وين مصطفى الخبل

ماما:طلع يعايد اصدقائه ويرجع

عشق:يدري بيه اجي اليوم

ماما:اي طبعا حتى كال ارجع من وكت علمود يشوفجن

كعدنه بالهول يصير امامي بالبدايه وبصفه المطبخ اما الاستقبال كعد بيها ابوي وسهر واحمد زوج نرجس وتصير بعد المطبخ ليورة

كمت اساعد امي نحضر للغدة ونرجس واروى كعدن نرجس ماتكدر تتحرك لان حامل واروى ضيفه اول مرة تجينه مايصير نشغلها

اروى:اندك الباب واني جنت كاعده يم نرجس ماتكدر تكوم لان حامل خطيه تتعب ومااكدر اصيح لعشق استحي افتر بالبيت

نرجس:ولو ضيفه انتي بس فدوة شوفي منو بالباب لان مااكدر اكوم وعشق وامي مو هنا والزلم جوة مايسمعون

اروى:لا عادي اني اشوف.....طلعت للباب صحت منووو

مصطفى:اني

اروى:اي ادري انت قابل اني بس منو حضرتك تريد منو

مصطفى:استغربت صوت غريب وانوب مايعرفني منو

رجعت خطوتين باوعت على بيتنه كلت اي هو بيتنه ماغلطت بالعنوان معقوله اهلي باعوا البيت بهالساعه الطلعت بيها

اروى:منو يمعود

مصطفى:يمعود....يمعوده افتحي الباب هذا بيتنه

اروى:ياربي شورطني بس لا كرايبهم خل افتحه شوي شوي

....فتحت الباب شوي شوي وصدمه يالله منو هذا ضليت صافنه عليه وعلى طوله وجماله لو اللبس الكارثه منو هالكائن الجميل

مصطفى:وين صرتي المن احاجي اني الووو يبنيه

اروى:شنو

مصطفى:شنو شنو وخري خل افوت

اروى:منو انت

مصطفى:مصطفى

اروى:يامصطفى

مصطفى:تحقيق شنو انتي منو

اروى:اروى

مصطفى:اروى منو