رجفه عاشق

البارت الثاني

اجه يوم القبولات وجنت خايفه اي كليه تطلع الي
طلعناها وطلع قبولي اداب مستنصريه

فرحت لان اني مختارتها وهم بت خالي الي احبها وقريبه عليه بنفس الجامعه بس تربيه مستنصريه

مرت فترة الي جهزت بيها اوراق التسجيل وخلصت كلشي وسجلت بالكليه واهلي اشترولي موبايل وخط فرحت بيه وحسيت اني كبرت

اشتريت ملابس جهزت للدوام ومنتظرة الدوام

صار اليوم الي اداوم بيه رحت للدوام اهلي سجلوني بخط دخلت للجامعه ناس جديده عالم جديد بس مااعرف شنو راح اشوف بيه انوب ماندل ودايخه شلون امشي ضليت اسأل الطلاب ورحت للقسم وشفت اسمي عرفت قاعتي وين وقسمي جان انكليزي

خابرت بت خالتي مروة احجيلكم عنها شوي
مروة عمرها٢١سنه حنطاويه عيون كبار طول مثالي شخصيتها مرحه تحب تضحك واجتماعيه مخطوبه لابن عمها حيدر اكبر منها ب٥ سنين يدرس ماجستير وهم بالمستنصريه خطبها بعد حب ٣سنين وبعد ماتخلص جامعه يزوجون وهي مرحله ثالثه ...طبعا حيدر مايقرب الي لان خالتي مزوجه غريب مو من عدنه الي هو ابو مروة وعمام مروة مايقربون الي بشي

خابرت مروة وسألتني عن مكاني ثواني واجتني

_خبله عشقي

_حبيبتي شلونج

_تمام وانتي خالتي شلونها

_الحمد لله بخير

_شفتي اول يوم اكيد غريب شوي بس تتعودين يصير تتمنين حتى بأيام العطل اداومين

_اي نشوف

رحنه للنادي وجان جبير تعجبت من شفته وطابقين كعدنه ضلينه نسولف عن الاهل وعن حيدر

_شوكت يجي

_انتظري اخابرة

_هلو حبيبي شلونك منتظرتك بالنادي ...اي وياي عشق تعال شوفها

_واصل للجامعه شوي ويجينه

_اوكي

ولشوي اجه حيدر وسلم عليه وضل يسأل عني وعن اهلي ويشاقه وشوي يتغزلون هو ومروة

_لج حياتي فنج منو جاي اليوم

_منو حبيبي

_سهر

_تشاقه شيجيبه هو مو انقل لغير جامعه

_اي انقل بس هسة راح يرجع يكول طلبوني بالمستنصريه .....احسن يصير قريب علينه حتى نضحكه ونونسه بالسوالف

_اي اكيد شوي انسي حالته مسكين هالسهر

_احم ...منو سهر
بداخلي(صار عندي فضول اعرف منو الي يحجون عنه وانوب مسكين وصار يضحك انتابني فضول اعرف منو وسألت عنه)

_سهر يصير ابن خال حيدر وهو اكبر واحد بولد خاله وعمه

_انتي تعرفيه