رجفه عاشق

البارت الخامس

البارت الخامس

محمد:اني وابو عشق بطريق لبيت سهر ووصلت الي صورة من ايات فتحتها جانت صورة لعشق وسهر كاعدين بحديقه ومبتسمين ولازم جتفها الصورة مأخوذة من ورة شباك ابتسمت وراويتها لعمي

محمد:شوف عمي وياريت يبتعدون مستمرين هذا هسة ولد دزها الي يعيرني

الاب:الله كريم احنه رايحين الهم وخل نشوف شنو الحل

وصلنه لبيت سهر استقبلني ابوه واخوه
شرحت الهم المشكله وشنو الصار والصور

ابو عشق:ياريت تشوف حل لهالموضوع
اذا ابنك رايد بنتي وضال وراها ليش مايجي يطلبها بالحلال وهو استاذ عيب يسوي تصرفات مراهقين

محمد:عمي شكاعد تكول

ابو عشق:محمد لا تدخل اريد حل اني مااريد اكبر السالفه

ابو سهر:اني بودي ابني يزوج وعمرة عده الزواج والي بعمرة خلفتهم بطولهم بس هو رافض

ابو عشق:اذا رافض ليش يلحك ببنتي

ابو سهر:اني متأكد اكو سوء تفاهم
حجت ام سهر من ورة الباب...ابو سهر اريدك بموضوع

ابو سهر:من رخصتكم

ام سهر:شكو شعدهم ويه سهر

ابو سهر:ابنج شايفينه ويه بتهم شوفي الصور واكثر من مرة

ام سهر:حلوة هالبنيه والله عجبتني

ابو سهر:طلابه عالم جايه وانتي عاجبتج

ام سهر:اي امنيتي ازوج ابني واشوف اطفاله قبل لا اموت الي بعمرة ولده بطوله وهاي فرصه اجت لا تردها ابو البنيه يكول اذا يريدها يزوجها

وافق قبل لا يجي سهر ومن بعد كلمتك مايكدر يحجي

ابو سهر:بس اذا ابنج ماقابلها شلون اجبرة

ام سهر:شوف شلون قريب منها ويضحك وياها اكيد يعرفها مواي بنيه وعدت
انت بس كللهم موافقين

ابو سهر:ماشي الله كريم خل اطلع للزلم

ابو عشق:بشر شقررت ابو سهر

ابو سهر:عمي احنه شارين بتكم وموافقين حدد الزواج

ابو عشق:هذا احسن حل مااريد مشاكل ولا اكبر المشكله

ابو سهر:والنعم منك شيخ

ابو عشق:بس الخطوبه والزواج اريده هالاسبوع مااريده يطول ومااقبل بخطوبه طويله الصار كافي

ابو سهر:ادلل واذا تريد اسأل عن ابنه

ابو عشق:سألت قبل لا اوصل بيتكم وتحمدو بيه

محمد:عمي واني

ابو عشق:ابني انت مااكدر اجبرك تزوج بنتي وانت تشك بيها راح اخرب حياتها هيج وحياتك هم