رجفه عاشق

البارت الحادي عشر

بارت 11

#رجفه_عاشق

عشق:سهر مارجع العصر وعمتي ماتصلت عليه

عمتي:مااتصل عليه مااريد ازعجه ولحد تخابرة خلوه على راحته يجي

اروى:ماشي انتي ادرى بأبنج يايمه.....امشي عشق نكعد سوة

كعدنه اني واروى وضلينه نسولف

_اخوج ضايج

_اي عوفيه يرتاح يله يجي على راحته

_اشتاقيتله

_اوي عيني شوفي الج حل حتى تواجهيه من يجي

_يبوي لا اذكريني

_عوفيه نغير الموضوع

_اروى انتي حبيتي من قبل لو لا وشعجب لحد الان مامرتبطه

_واخيرا سألتي توقعت اول مااجيتينه تسأليني هالسؤال بس ماسألتي مثل باقي البنات

_ليش منزعجه من هالسؤال

_يووو صرت اضوج منه على كد ماانسألت

_وشنو سببه

_سببه ماكو شخص مميز بحياتي

_حتى من درستي بالمعهد

_اي ماعجبني اي احد وتخرجت وكعدت بالبيت واجوا الي خطابه من كرايب ومن العرف والجيران حتى الطلاب بالمعهد بس رفضت

_عزه خاف بيج شي

_عابتلج لا بس اني ماعجبني اي احد من الي اجوي يعني ماكو المواصفات الي اريدها

_ياعيني وشنو المواصفات

_اهم شي اخلاق ومرتب ويحبني وحلو ورومانسي وتافه مثلي ومااريد اهله يجبروه كون نعيش قصه حب بعدها نزوج

_جنج مصطفى هم يكول ازوج عن حب وهو تخرج وماصارح ولا وحده وتالي يريد عن حب

_يامواليد مصطفى

_مواليد 90

_اها ربي يحفظه

_ويحفظج ويحفظ فارس احلامج البعده ماجاي

_هههههه يجي بس كلشي بوكته حلو

_طبعا......اروى

_ها
عشق:زواج بدون حب واجباري واختيار اهله هالشي صار ويه اخوج يعني لو وحده غيري وتعرف بهالشي جان رفضت تتقبل هالشي وماتنجبر على احد بس قبلت اني

_يووو عابت والله شبيج بعدين اكو فرق انتي تحبيه

_حتى لو احبه مااصير انانيه وبعدين قبلت بيه وادري كلبه يم وحده ثانيه ولحد يوم الزواج ادري بيه ماقابل ويريد ليلى رغم كل هذا وقبلت

_اوووه هسة ليش تبجين بعدين هذا بالبدايه هسة سهر زين وياج ويهتم بيج حتى يخاف تتأذين ويغار عليج وماينقهر من يكول كدام الكل زوجتي بالعكس يفرح ويتمنى الكل يعرف حتى لا يتقرب منج