رجفه عاشق

البارت 20

بارت 20
#رجفه_عاشق

البارت عشرين

عشق:سكتت...انوب اريد ارفع ايدي الوح الملابس ماكو بيدي منشفه جبيرة لفيتها على جسمي حتى اطلع وبعدين ابدل فتحت الباب ومااحس الا وكعت

سهر:فتحت الباب واكف انتظرها شفتها مغمضه ووكعت عليه بسرعه لزمتها وشلتها ....طفيت السبلت شعرها مبلل وخليتها على الجربايه غطيتها وسحبت المنشفه من جوة البطانيه لان مبلله نشفت شعرها وخليته مفتوح ...عفتها وخابرت الدكتورة حجيت الها الحاله

الدكتورة:عادي هاي من العلاج لان قوي وهي ماتتحمل مرة ثانيه قلل العلاج على ماتتعود عليه

سهر:شكرا

عشق:كعدت تقريبا الفجر بردانه من تحركت سهر كعد على حركتي لان جان نايم بصف الجربايه باوعت لجتفي مالابسه شي تغطيت وباوعت لسهر

سهر:لا تخافين مامتقرب منج ولا طاخ جسمج بس شلتج وسحبت المنشفه من جوة البطانيه لهلدرجه عبالج اسوي الج شي لو يغريني شي اني مااتقرب من شخص مايريدني ولا افرض روحي عليه ....شوي وسمع الاذان ..ياالله اكوم اصلي عفتها وطلعت

عشق:يا هذا شبيه حتى ماحجيت شي اكوم ابدل واصلي احسن

.....
بعد اسبوعين تقريبا رحنه للدكتورة وهم تنطيني تعليمات ومن هالحجي رجعنه من طبينه سمعنه صوت عمي بالاستقبال ....طب سهر لابوه واني طبيت وراه

طبيت وشفت سهر واكف يم واحد وبصفه عمي واني نسيت نفسي وهذا رجال غريب ومالازم اضل واباوع بس ركزت على الرجال وين شايفته سهر يأشر بعيونه وبأيديه يرفع بيهن حتى انتبه ويسوي حركات واحم ويكح شوي واجه يتقيئ واني ولا يمي مركزه على الرجال وين شايفته

عشق:اني وين شايفتك متأكده شايفتك بمكان ...ها اذكرت بالجامعه صح انت نفسك الي ضربتني بجتفك ومشيت ...انوب جفصت هيج كدام سهر وهو مايعرف بالسالفه بسرعه ركض وجر ايدي وطلعني

سهر:شبيج انتي ثوله غبيه عقلج وين من طبيتي على رجال غريب واني صرت طرزان من الحركات وانتي ولا يمج همزين لابسه حجاب لو جان كصيته لراسج

عشق:شكو نسيت ماادري

سهر:وبعدين منو الي ضاربج بجتفه مااعرف شنو واني ماادري

عشق:قبل فترة نسيت احجي

سهر:نسيتي ومن طبيتي على الرجال نسيتي نفسج روحي اصعدي فوك وخل اشوف هذا شنو قصته ....عفتها وطبيت يم ابوي

_يابه منو هالضيف

_ابني هذا ليث ابن صديقي اجه هنا علمود شغل اله وماكو مكان يضل بيه لان بيتهم بالمحافظات وابوه وصاني عليه يضل يمي

_شنو وصاك قابل صغير ...اهلا شرفتنه

_وبيك اكثر الله يحفظك سهر