بارت 13
#رجفه_عاشق
ايام رمضان جانت عبارة عن هدوء رغم التعب بس اكو راحه وسهر جان طول شهر رمضان مايخلي احد يشتغل من عدنه لان نتعب وبرمضان ماتقرب مني بعد الصار وانما بس يأكلني بنظراته❤
ومرة ورة الفطور جنت دايخه فصبيت الي جاي حتى ارتاح لان ادوخ اذا مااشربه سهر جان يباوع عليه من اصب بالجاي خلصت وردت اكعد صاحتني عمتي
عفت الجاي وركضت الها وسمعت سهر طلب من اروى جاي
رحت لعمتي طلبت مني اجيبلها مي رحت جبت الها مي ووراها رحت للجاي مالتي ادور عليه ماكو متأكده حطيته هنا باوعت سهر يشرب جاي الي صبته اروى
المهم رحت صبيت كلاص ثاني لان جنت مشتهيه الجاي انوب تخدير جديد هم صبيت كعدت يم اروى شربت شوي من الجاي وصخرني سهر
_عشق كومي جيبي ملابس اريد اطلع
_شنو احضرلك
_بدي اسود وسترة سوده وبنطرون اسود
_ماشي عفت الجاي وهم سمعت سهر صخر اروى وكاللها اريد بعد جاي
اروى:مو هسة شربت كايمه اصبلك
صعدت اجيبله الهدوم واخذت عطر والحذاء هم وياي
سهر:اروى ارجعي مااريد جاي
اروى:شنو القصه ثاني مرة تكومني وتكول مااريد
سهر:غيرت رأي
نزلت وسهر يشرب بالجاي السوته اروى رحت انطيته الملابس رجعت لمكاني الجاي ماكو يا وينه سألت اروى ماتعرف
اباوع على سهر يضحك بدون صوت وكوة يشرب الجاي شبيه هذا
_شو مارحت
_مااريد بطلت
حجت اروى
اروى:لج قبل شوي صخرني مرتين على جاي ويرجعني يكول لا مااريد باوعت عليه ...يا منيلك الجاي وهو طكها ضحكه
عشق:يا جايي ليش اني محتارة عبالي اثر الصيام
سهر:بويه كلبي هههههه
عشق:ههههه قهرني بس ضحكت لضحكته شكد حلوة وغمازته تجنن
خلص شهر رمضان وقبل العيد سوينه حمله تنظيف للبيت وكليجه العيد وطبعا نجحت ورحت للمرحله الرابعه
.......
صباح العيد نمت من وكت ونبهت الموبايل حتى اكعد قبل سهر واكون اول شخص عايده بس للاسف صار العكس😒
سهر:كعدت على صوت منبه بسرعه قفلته وضليت اباوع لعشق انتظرها تكعد
عشق:كعدت فتحت عيوني باوعت سهر كاعد
سهر:كل عام وانتي بالف خير بزونتي يارب.....قاطعتني
عشق:صرخت لاااااا
YOU ARE READING
رجفه عاشق
Romanceحالة حب أم إعجاب؟ وهم ام حب حقيقي ...حرمان عاطفي أم مراهقة بنات ....تبحث عن فارس احلامها ولا تجدهة الا في استاذها على الرغم من فارق العمر بينهم 17سنه الا انه لا يمنعهم من الوقوع بالحب ........طالبه صغيرة تقع في حب استاذها ضغوطات واجبار الاهل يؤدي ال...
