أنتِ أنثى (باللهجة الجزائرية)

الحلقة 16

ناض أسيف بكل نشاط وجد روحوا دار روتينو اليومي لي يبدى بالسبور بعدها يعمل دوش ؛ يفطر فطوروا ؛ ويروح للجامعة .

غيث وضعو مكانش مخالف على أسيف تقريبا روتينهم كيف كيف 

أما دينيز ناضت تحس في راسها ثقيل تفكرت لي صرا معاها البارح كبست راسها بيديها تحاول تخفف لوجع ناضت وجدت روحها وكي لعادة شعرها طماطيشة جبدت من قجر لكوافاز أنتاعها تصويرة تأملتها لحظات طبعت بوسات عليها وخباتها في جيبها.

دينيز: من اليوم منخليكمش تفارقوني .

حبطت كي عادتها يدها في جيبها تصوطي في هذوك الدروج وتصفر لقاتهم ملمومين على طابلة لفطور مستغربوش حالتها بسك موالفة مور كل نوبة تتصرف كأنو مصار شي.

دينيز: صباح لخير عليكم .

مرهف: صباح النور الجان انتاعي راني نشوف فيك صبحت زاهي.

دينيز: عاودنا ولينا لحكاية الجان عمي .

مرهف: وعلاه كاين في دنيا هذي وحد عندوا زهر كيفي عندي طفل وطفلة في عبد واحد.

روانا: أقعدي اقعدي بنتي مي هذا من تحت راسك كاين طفلة تصبح تصفر.

دينيز: أنا هكا حبوا ولا كرهوا تاليا مديلي الجو تشوفي من قدامك

تاليا: هاكي.....وصبحتي مليحة؟

دينيز: لاباس برك راسي راه ثقيل عليا دوك نفطر نولي لاباس.

روانا: تاليا خفي روحك شوية ماشي ليوم عند إڨزامة 

مرهف: أفطري بعقلك أنا نوصلك

دينيز: نروحوا ليوم لليسي .

مرهف: وي نروح نجيب دوسي انتاعك بسك راح نبدلك لليسي .

بقاو كامل يخزروا فيها يستنا ردت الفعل انتاعها 

دينيز: وي هكا خير 

كي كملوا فطورهم وصل مرهف تاليا للجامعة وراح بعدها لليسي تاع دينيز قعد يستنا فيها تجي حتى لحقت .

                          #أريولة
_________________________
بارت خفيف كيف ما وعدتكم وأكيد طلقتلكم حاجة غامضة باش تبقاو تخمو شنوها المثل حقيقي تاع "صغير و محاينو كبار 😂"

بلاااااا منوصيكم عارفين واش لازم عليكم أقل تقدير 10 فوت 😊 ينزل البارت لي بعدو ...

هذ ليام ولا السمانة الجاية مش عارفة بالضبط راح نغيب فترة نلتى بقرايتي شوي ني هاملة 😑
المهم توقعاااتكم وكومونتيو بين الفقرات
تشاو في لامان 👋