أنتِ أنثى (باللهجة الجزائرية)

الحلقة 39

بدات تململ حلت عينيها وهي تحس في روحها مخدرة حلقها ناشف لقات روحها في بيت متعرفهاش وعمرها لادخلتها عقدت حواجبها مستغربة بيت شكون رجعت ذاكرتها لنهار البارح قالت في قلبها :هه ماتكون غير بيت ريمان حتى بيتها طفولية كيفها ...

كانت البيت يطغى عليها الوردي والفراش تاع ميكي و ميمي ماوس ناضت من فراش وهي شادة في راسها تحسو ثقيل بدات تمشي غير بالشوية باه تحكم التوازن مليح رمشت عينيها باه تفيق مليح وتصحصح خرجت من البيت موش عارفة وين تروح ولا حتى وين راها ريمان باه تعطيها تشرب الما.

كان الهدوء يحتل الدار وهذا دليل على أنهم مزال راقدين أول بيت قابلتها تاجهت ليها ظننا منها لربما ريمان تكون رقدة تما دقدقت مكانش لي يجاوب حطت يدها على مقبض الباب فتحاتو قابلها لفراش بيض مع مخايد بيوضة البيت بسيطة على البساطة بحد ذاتها فيها سور من حجر كامل وبيه شريط تاع ضو وأثاثها قريب منعدم غير طابل دينوي وحدة وخزانة ومراية كبيرة جنب البونك وزاوية فيها بيرو دخلت بخطوات صغيرة مدت يدها للغيتار لي كان في الغرفة تتفحص فيه حست بحركة من وراها دارت وهنا كانت المفاجأة حلت عينيها على وسعهم
وفمها على آخرو قرب ليها وفي فمو شطر تبسيمة شعرو طايح على عينيه شاد سربيات ينشف فيه عضلاتو بارزة الكل وسربيات أخرى محاوطة خصروا ساترة لي لازم ينستر دينيز من شفتو بهذا المنظر حكمتها الدوخة (ياو شدوني أنا لانطيح😂)

ومع لي هو يقرب ليها حارت واش يدير حاولت تتكلم بصح التلفة هدرتلها مسكينة (ني حاسة بيها) قابلها جوست راسها مقابل صدرو وهي خلاص مبقاش فيها وتنصرع ههه شدها من ذقنها يغلقلها فمها وهي تبلع في واش بقى من ريقها الناشف أسيف كان حاسب حساب بلي كي تتلاقى بيه راح تتفاجأ مي متصورش ل هذي الدرجة ...

هو كان عارف بوجودها بسك كي لحق البارح في ليل سمعهم يحكو كي طاحت وهو عرف بلي دينيز كي قالو أسمها ظنها وحدة تحمل نفس اسمها وكي كملو ريمان وبقاء بدلولها كان جايز لغرفتو شافها من الباب ....

أسيف :ياخي قلتلك شعرك خليه هكا ...

نحالها الربطة من شعرها نفرد على راحتو طاح على طول خصرها ومن جيهت كتافها رفد خصلة منو وحطو ورا وذنها حكا بصوت مرخوف:خرجتي تهبلي هكا خاصة مع بيجامة ميمي ماوس وليتي طفلة بالحق ..

زاد قرب منها وهي لااراديا رجعت اللور خدودها باه يطرشقو من السخانة حكات بصعوبة كبيرة :ت..تقدر تستر روحك تلبس حاجة

أسيف خزر فيها نظرة خبيثة : واذا ملبستش مممم..مرر يدو على خدها لي ولا كيف البركان ..

ضحك ضحكة خلاتها تنسحر من صوتو ومن منظرو وحتى من السنانو لي بانو خلاوه جذاب بنكها جديدة ..حتى هو مكانش مخالف عليها منظرها كان طفولي لدرجة كبيرة كانت عندو رغبة كبيرة باه يبوسها شايد روحو بالسيف عليها خاصة خدودها كي حمارو للحظة فقد السيطرة على روحو أما هي كانت أفطن منو مع لي زاد قرب منها وهي شمتها بلي راح تتعقد الحالة عطات الريح لرجليها ﺣﻚ ﻣؤﺧﺮﺓ ﺭﺍﺳﻮ ﻭﻗﻌﺪ ﺗﺎﻳﻪ ﻓﻲ ﻣﻨﻈﺮﻫﺎ ﻭﻫﻲ ﺧﺎﺭﺟﺔ.....

                        #أريولة

بيت ريمان 😍

بيت أسيف 😘
______________
اسمحولي بارت قصير في ليل نحاول نزيدلكم بارت تهلاولي في الحالة برك 😍
تشاو باي في لامان 👋