أنتِ أنثى (باللهجة الجزائرية)

الحلقة 59

كانت نزال على نزال تزيد تقوى وتبين بلي هي تاع دومان هذا وكل ما تزيد تكشر على نيابها و تبرز مخالبها دافع على حريتها على شخصيتها على الكريزمة نتاعها وتبين لناس لي عرفوها أنها مش وحدة ضعيفة وهي إنسانة ناجحة النجاح قادر يطول مي كلش يجي في وقتو وبين ساعة وساعة قادر يتغير الحال ربي اذا حب ينجح الواحد بين ليلة ونهار يولي يسطع بين النجوم الكبار مهما كانت خبرتك ناقصة مي كي تحب ودير في راسك راح توصل وين حاب المهم تكون عند إرادة ومتستسلمش بسهولة وتتعلم تتغلب على مخاوف إنتاعك ...

هذي حالة دينيز بعد مبارياتها الاعلام كلو يحكي عليها كيفاش لمبتدئة تمكنت ووصلت تشارك مع ملاكمات شاركو مقبل وعندهم خبرة في الدومان ولي كان يعرفها دهش نساو بلي الحاجة لي توجعك تخليك تكبر و تحقد غير باش توريلهم أنت قادرة توصلي وكل مستحيل يولي بالنسبة ليك ممكن ....

أسيف معتز بيها كل تعليماتو تتقيد بيها متنسا والو فرح بيها بزاف ولاو ثنائي مشهور أسيف بطولة الملاكمة لجنس الذكر وهي لجنس الأنثى في هذي الفترة لي قضاها في بلاد غريبة وبعيدة على حبابهم قضاو بزاااف وقت مع بعض مور التدريبات زادو تعرفو على بعض زاد كبر حبهم لبعضهم .....

بعدما خذات دينيز البطولة رجعت مع أسيف للبلاد لقاو حبابهم في المطار 
البنات تعانقو وبداو ينقزو فرحانين بيها 
غيث : نقصو حسكم فضحتونا قدام لجناس
 
زين :لعشية" بطلة الملاكمة تلتقي بصديقاتها وتنقز فرحة "

أسيف :وتنقز فرحة ! منيتك 

زين قرب منو باش يسلم عليه يعني يتخامسو بعدها يتعانقو (نعشق في هذي الحركة لي بين الصحاب ) :آآآآححححح

دينيز :هذا وشبيك ..

أسيف :واش وجعتك كشما وين قستك ..نسيت بلي مزال مبريتش مليح
زين شد كرشو وجهو مزيرو :ايي اي اي 

غيث : أنطق يا الرب واشبيك
 
ريمان : هذا كشما كلى ودار عليه؟

زين : اااح مش يقولو أحترق شوقا لرؤيتك ...أنا أسيف حرقني محنة ..

تاليا :بفففف زين 

دينيز :تعطيك روينة خوفتني عليك

غيث : علابالك بلي صامطة 

أسيف : قولي مش العضمة راها مقلقاتك نكسرهالك .. راح يجري موراه 

زين :والله خلاص خلاص منعاودش

تفارقو غيث و ريمان راحو مع أسيف لدار و لوخرين راحو لدار مرهف ...

                      #أريـولة
____________________
مساااءووو حبيباتي 😘😍