أنتِ أنثى (باللهجة الجزائرية)

الحلقة 64 "الأخـيرة" 💖

بقى أسيف يخزر في ساعتو يستنا الخطبة هذي وقتاش باش تخلاص ويهدر معاها نظراتها قسمولو قلبو عرف مدى الألم لي سببولها أكيد راح يتعب باش تسامحو مي تسامحو بسك طول هذي لسنين مدارت حتى علاقة مام هو بقى وفي لحبها دليل على أنو واحد فيهم مقدر يتخلى على حب الثاني ...

بدات تفضى الصالة أسيف طلع لسطح تبعاتو دينيز عارضها زين

زين :خليني أنا نهدر أمعاه نعرف كيفاش ندمو على عملتو ..

دينيز : الحاجة هذي تخصني خليني انا نفريها تعرف ختك مينخافش عليها ....

زين : نحبك تفرشخيه ضرب

دينيز : متخممش ..

كملت طلعت لقاتو داير يديه في جيبو يتفرج في النجوم قربت قدامو 
دينيز : كيفاش جازو عليك هذو لسنين

أسيف : كيفاه حبيتيهم يجوزو ...و أنا جسد بلا روح عقلي وقلبي خليتهم هنا معاك أنت ...دار خزر فيها وكمل يحكي يتفحص تعابير وجها ...خفت عليك كشما يصرالك بعد ما نروح

دينيز ضحكت بستهزاء : خفت عليا ..باين عليك على هاذي رحت بلا متواجهني ..

أسيف قابلها : كان صعيب عليا نودعك ولا نكسرلك قلبك بيديا ..

دينيز : وبمرواحك بلا علمي في رايك قلبي منجرحش ...

أسيف بدا يشوف في عينيها يبرقو ودموعها قريب تبدى تطيح شدها من ذقنها ولى نسفهم واحد بحكم قربهم بزاف من بعض : محبيتش نشوف هذي النظرة المنكاسرة فيك من نهار عرفتك عرفتك قوية مكنتش حاب نشوفك تنهاري بين عينيا ..

دزاتو بكل قوتها بدات تبكي وتشهق بقهرة كبيرة وجرح أعمق : مش في بالك بلي أنت دمرت كل شعور حلو عشتو معاك أنت مور معلقتني بيك ورجعت طبيعية كيف الناس قلت مزية حياتي تسغمت بصح فرحة ومادامتلي جاي تضبني بكف تفيقني من أحلامي الوهمية ..

أسيف :دينيز عارف و الله عارف ..قرب باه يهديها مي رجعت دزاتو وولات تضرب فيه وتصيح خلاها تخرج غشها معارضهاش بكل الفنون القتالية لي تعلمتهم بكل حركة علمهالها طاح في الارض وهي طلعت فوقو تلكم فيه ...ولات تلهث العرق تعبى عليها
أسيف :ااي اااي ... لكماتك شحال قواو مي مش كيفي

بعدما عيات وهو لاحظ عليها الشي هذا دوك لحقت دالتو قلبها رجعت تحتو حلت عينيها على وسعهم حكم يديها بيد وحدة وبيدو لوخرة بعد شعراتها من وجها وبقى يحكي بصوت هادي .

أسيف : سمحيلي مي الله غالب كانت محتمة عليا ومش برضايتي ...

دينيز : ميهمنيش ..بعدني أسيف

أسيف : نعاودو من جديد نفتحو صفحة جديدة ..تعرفيني نحبك ونعشق فيك .

دينيز :خطيني ..منعرفش ومنحوسش نعرف ..

أسيف :همال قلبك علاش راح يخبط هكا ...لحمك علاش كلو يرعش كأنو فرحان بشوفتي ومستمع بلمساتي ..