نهار زين الشمس دافية ،الارض مبسوطة فراش أخضر من الحشيش والورد من كل الالوان زادو رونق خاص ريحة الشوا معبية الجو نهار ربيعي هايل الأب قاعد يقلب في شوا على لجمر ولام توجد في الطابي لي رايحين يقعدو عليه مع شوية مقبلات صوت ضحكات اولادهم يتعالى الطفلة تجري وخوها يحاول يحكمها الام تتفرج فيهم وتتبسم محلاهم ولادها قدامها كانت تجري بنتها معندهاش بزاف ملي ولات تمشي خطواتها صغار مشيتها كيف صغير البطريق ومظهرها حلو ياسر مع هي مكعبرة زلقت رجلها وجات طايحة صوت صياحها يصدع الراس تالمو قاسح راح خوها يجري ليها يتفقدها يمسح في دموعها ويكورجها بكلمات حتى بتاسمت راحت الام رفدتها بين يديها تهدي فيها وهي طبطب على ظهرها جا باباها شدها بعدما تهدنت يرميها لسما ويلقفها رجعت ضحكتها تعلى وتعلى فرحانة للي يعمل فيه......
فتحت عينيها تحسهم ثقال تشوف في صقف بيتها رمشت جفونها باه توضحلها الصورة شافتهم دايرين بيها زفرت هوا سخون لأنو العايلة لي شافتها كان مجرد حلم من أحلامها لي كانت تتمنى تعيشهم مع عايلتها لي متشفاش عليهم طمنو على حالتها و خرجو خلاوها ترتاح
مي هي مهدالهاش البال و النوم مجاهاش بقات تخمم وين تكون راحت الفوطو تكمست في فراشها تكتم شهقاتها...
قعدوا افراد العايلة يحوسو عليها وحكي ألاء يدور في راسهم مور ما عاينتها
"راح تتعرض لنوبات صرع كثيرة اذا بقات بهاذي الحالة حاولو احكو معاها عرفو واش حابة لازملنا نبداو بالعلاجات النفسية بأسرع وقت وهي لازم تجاوب معايا"...
"نوبات هذو قادرين يطورو ويولو خطر عليها قادر يكون صرع مع بلع ليسان وقادر يكون صرع مع شلل على هاذي قدما بدينا العلاج بكري قد ما كان أحسن ليها"
لكن لي كانت مأثرة بزاف هي تاليا لأنها هي الوحيدة لي تقدر تعاونها..لكنها متقدرش تخون صحبتها الليلة هذيك جازت صعيبة عليهم ...
لحق الوقت لي تنوض دينيز باه توجد روحها وتروح تقرا ... عينيها كانو منفخين من البكا وحمورا من قلة النوم لأنها ليل كامل مغفاتش عينها لبست حوايجها خرجت من الدار بلا متقابل حتى واحد فيهم ركبت vيلوها راحت للبحر وقعدت في الكرسي البلاصة الوحيدة لي تحس روحها ترتاح فيها ...
نـروحـو عنــد ريـمـان
لحقت لليسي بكري على غير عادتها طلعت لسطح وهي تمشي لفتت انتباها صورة في الارض لقفتها في يدها بيها ظاهر فيها صورة لعايلة متكونة من أم و أب وزوج صغار طفل و طفلة ...
ريمان خزرت فيهم وهي تتبسم قالت بين شواربها :محلاهم ..يادرا انتاعمن الفوطو هذي ..مي كأنو الطفلة هذي تشبه لدينيز ..ايه تكون انتاعها غير انا وهي لي انجو لسطح هذا قلبتها لقات مكتوب فيها (دينيز) هنا تيقنت بلي ليها ..
#أريولة
____________________
واش رايكم في الأحداث 😍 عجبوكم ولا نن !!
الله الله كومونتيو كيما الناس مدولي ارائكم واش عجبكم واش لالا متبخلوش عليا وواش رايكم في أسلوبي 😊
بنات بليييز أقراو رواية غابة كالفودرين 💋😍
في الآخير متنساوش الفوت أقل من 10 منتفاهموش 😈 واذا زيادة منقولش لالا 😂
أيا تشاو في لامان 👋
YOU ARE READING
أنتِ أنثى (باللهجة الجزائرية)
Poetryعنوان القصة غير جاذب لكن نقدر نأكدلكم أنو محتواها يهبل 😍 🔥 نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
