أنتِ أنثى (باللهجة الجزائرية)

الحلقة 38

وصلو عند الباب راحت تمشي بخطوات ثقيلة مور ريمان مزيرة على قبضة يدها لأنها أول مرة تدخل دار غريبة أبار دار عمها مرهف وقفت ريمان تفتح الباب خزرت في دينيز وهي تتبسم :تفضلي 

حكت دينيز مؤخرة راسها بتوتر وقالت:يزيد فضلك 

قابلتهم وعد يمات ريمان 

وعد:مرحبا كاينة ضيفة عندنا 

دينيز بداها توتر جامي ضافت في كاش دار حارت كيفاه تتصرف قربت منهم ريمان سلمت على يماها ودينيز فعلت نفس الشي ..دخلو لصالون وعد قعدت تسقسي شكونها واسمها وين تسكن (هههه هاذي كامل عندنا يا كي يجو صحاباتنا لدار ولا حنا نروحو عندهم ) دخلت بقاء بسنيوة ضيافة زادت سلمت عليها وهنا دينيز تعرفت شوية عليهم رتاحتلهم و أول مرة تحس روحها طبيعية ومش ناقصة شئ جمعوهم أحاديث وضحك ....إلخ

ريمان: واش ادينيز ناوية تكمليهالنا ڨصرة والمشروع يخدم روحو وحدو 

دينيز :و الله القعدة حلوة يعطيكم الصحة مفقتش ايه امشي نبداوه 

بقاء:بسك أنت سكرة ..

ريمان:شوووف كي تعرف تهدر كشغل ماشي عارفين أنا لعسل تاع القعدة ..وهي طلع في كتافها بغرور .

وعد :و أنا النحلة لي نتجت هذا لعسل 

ضحكو كامل ونطالقت كل وحدة فيهم لخدمتها لي تستنا فيها ...غطسو في الاورق ولابحاث يجبدوا واش يحتاجو ويتناقشو على أهم العناوين و التفاصيل ومرة مرة تضرب لقاء طلة عليهم بسنيوة جو ينشطو بيها طاحت الظلمة وهوما مش حاسين تعبو لي بدات تثاوب ولي بدات تحك في عينيها وأخيرا كملو كل وحدة فيهم تكسلت تستعفى شوية ناضت دينيز طم في دوزانها باه تروح ريمان شدت فيها صحيح باه تبقى حتى يجي واحد من خاوتها يديها أما هي كانت رافضة وسبب عارفينو وهي تجادل في ريمان حست راسها ثقال عليها والدنيا دور بيها سندت روحها على الطابلة لكنها أأأووووب جات مفروشة في الأرض ريمان عيطت كي شافتها هاكاك دخلت بقاء ووعد يجاروا خبطوها كفوف خفاف لكن ماجابت حتى فايدة رشو فوقها الما كيف كيف عيطت وعد لمالك باه يزرب يجي ويجيب طبيب معاه وكي يلحق تفهمو واش صاري وهكذاك كان الحال في وقت قصير كان لحق عندهم 
رفدوها لبيت ريمان عاينها الطبيب قدملها الازم ..

قاللهم محتاجة راحة ميخافوش عليها صرالها هكا من قلة النوم و الارهاق نصحهم يبدلولها حوايجها بحاجة مريحة كثر ويخلو شعرها يتنفس على راحتو وفي صباح يغذوها مليح باه تسترجع قوتها راح طبيب وهذاك كان الحال بدلتها ريمان وبقاء البيجامة
وطلقولها شعرها غطاوها طفاو الضو وخلاوها ترتاح قصت عليهم ريمان واش صرالها ووضحتلهم السبب لي مخلاهاش ترقد رفدت تيليفون دينيز لقات بزاااف ليزابال كان فيبرور ومع الحالة لي صرات منتبهولوش عاودت لآخر وحدة كانت تاليا بلامتستنا بزاف اول رنة رفدت ...

تاليا:دينيز وين راكي ؟من الصباح مابنتي ؟؟ياك راكي مليحة مصرالك والو ؟...

تحكي بلهفة كبيرة ظاهر في صوتها راها تبكي أكيد راح يخافو عليها الوقت روطار بزاف جاوبتها ريمان وهي تسيي طمنها وتهديلها بالها ..

ريمان: أنا ريمان صحبتها دينيز مليحة برك دوك راها راقدة راها عندي جات باه نخدمو مشروع كيف كيف ...

تاليا:متأكدة مصرالها والو ؟؟ياك مراكيش تخبي عليا !

ريمان:متأكدة مكاين والو كوني هانية غدوة ترجع ..

تاليا:تهلاي فيها...واذا صرات اي حاجة عيطيلي ..

ريمان :ان شاء الله ميصرا والو وكوني هانية دينيز بين عينيا ..بونوي 

تاليا:بونوي 

        فــي دارهـــم ديــنيـــز 
قفلت تاليا الخط وهي تمسح في دموعها مزية ظنونها كانو غالطين دوك تهنات مرهف و روانا حالتهم مكانتش مخالفة عليها مي دوك كي طمنو عليها ريحو ..

تاليا: دار صامطة بلا دينيز ..

روانا: أول مرة تبات خارج الدار هاذي

مرهف: ان شاء الله تكون مليحة اول مرة تدخل دار ماشي دارهم تيقنت هنا صح دينيز حابة تغير من روحها ...

تاليا: تكون لقات الفوطو ..

روانا:وي سوغ لقاتها لوكان ملقاتهاش متروحش لديار الناس وهي في حالة مش مليحة ..

مرهف:بصح زعمة كيفاه حتى باتت تما زعمة عرضتها صحبتها وهي قبلت ولا كاين احتمال آخر ..

تاليا حلت عينيها على وسعهم وقالت : تكون نصرعت !!

روانا : ألاء قالتنا راح يبداوها النوبات صرع و أول وحدة صراتلها البارح و متنسايش البارح حالتها كيفاه كانت وصباح مشفناهاش ...تاليا يعيش بنتي ديري لي تقولك عليه ألاء هكا مراكيش تعاوني في دينيز ...

بقات تاليا ساكتة ناضو راحو لغرفهم وهي مزالت تخمم في القرار لي راح تاخذو ....

                    #أريـــولة

ببيجامة دينيز ❤

_________________
وينكم فرولااااتي ليكم وحشة سمحولي على الروطار مي راني ضيفة و مالقيتش الكونيكسيو وراني كي لقيت راني دخلت علابالي الليل و قليل لي فاطن هذا برتي خفيف لسهرة  المهم صحيتو على الفوت و على ليكومونتاغ 😍💙❤

هذا لي كاين اليوم تصبحو بخير منقظرش نطول المهم اذا زدت لقيت الكونيكسيو راني ندخل و نحط المهم متنساونيش في ليفوت 😍 أقل من 10 منقبلش 😒 ورايكم في الاحداث وتوقعاتكم للجاي وباه نقوللكم الباؤتي الجاي راح يتلاقاو واش تكون ردت فعل بعضاهم .! اععععع أصبحت شغيغة 😈 _تضحك بشر كالأفلام _

تشاو باي في لامان 👋