عنوان القصة غير جاذب لكن نقدر نأكدلكم أنو محتواها يهبل 😍 🔥
نتحدثلكم شوية عليها ، البطلة بشخصية ذكورية و لباس ذكوري😎 راسها خشين ، متسمعش الكلمة...الخ وحيدة وعندها عالمها الخاص... كيفاش راه يقدر بطلنا يرجعها لطريق ؟!، كيفاه راح يدير باش يرجعها بنت...
جاز تقريبا شهر جوزوا الباك وتهناولو لحقت العطلة وفرغ جدول نهارهم تاليا كرهت من الدار مرة مرة تخرج مع غيث أسيف قربت البطولة كثر مزال غارق مع تدريباتو و بطلتنا بدات علاجها النفسي كلما راها تتحسن وتحوس تبدل من روحها هذا شيئ فرح مرهف وروانا وأخيرا ستسلمت للعلاج مام ريمان تخرج معاها يتفرهدوا شوية ...... جا نهار جديد ناضت تاليا على صوت تيليفونها لي صونا لقاتو غيث..
تاليا :ألو ..
غيث: مزلتي راقدة ؟
تاليا: لالا نضت ..
غيث: ياك تفاهمنا نخرجو ..
تاليا: نسيت والله ..دوك نوص ساعة تلقاني واجدة .
غيث:راني نستنا فيك كيما لعادة ..
تاليا:أوكي .
لبست سروال جين سليم مع بودي نواغ يبين مفاتنها طلقت شعرها مع مكياج خفيف لبست باسكات دارت ساكها وخرجت ...
نــروحـو عــند دينــيــز ناضت كارهة تحس في نهارها يعاود نفسو مكاين حتى جديد خاصة كي صحاب الجيدو عن قريب يبداو البطولة وهي لالا بحكم البلاصة بعيدة ..وجدت روحها... حقا صرا تغيير بسيط في لبسها مبقاش النوع الذكوري لأنو ريمان كانت كلما تخرج تديها للمول يشروا حوايج هي بقات في ستيل الباسكات والسروال والبوديات سبور لكن تاع لبنات ..لبست بودي رمادي سروال جين سليم مقطع مع بابي وشعرها كي عادتو طوماطيشة ..خرجت وهي مقررة تلقى صال تدرب فيها وتشارك في كاش بطولة قادمة ....
Ουπς! Αυτή η εικόνα δεν ακολουθεί τους κανόνες περιεχομένου. Για να συνεχίσεις με την δημοσίευση, παρακαλώ αφαίρεσε την ή ανέβασε διαφορετική εικόνα.
للبسة دينيز ☝
وصلت تاليا لعند غيث كان متكي على الطنوبيل ومربع يديه يكيل فيها وهي جاية حست قلبها باه يخرج من نظراتو لي باش تختارقها ...
تاليا: بونجور
غيث: صباح الورد يا وردة راكي تهبلي اليوم ..
تاليا حبطت عينيها حاشمة وقالت: مرسي...
تكات قدامو على الطونوبيل دورت راسها من اليمين لقات مجموعة تاع vيلوات راحت ليهم تبعها غيث ...
مسافة الطريق وصلو لبلاصة طير لعقل من الراس تاليا عينيها ولاو قلوبة المكان هذا كانت تشوفو كان في التيليفيزيو كان لمكان لي يديرو فيه سباقات تاع الموطوات و السيارات الرياضية طول حياتها تحلم تكون هنا تعشق السرعة لدرجة جنونية هذا لي زاد خلى غيث يزيد إعجابو بيها ....
غيث وهو يتبسم من ردت فعلها :عجباتك المفجأة ؟
تاليا من فرحتها عنقاتو : تهبل تهبل ..
غيث لي حس روحو يحلم مافاق حتى بعدت عليه وحمحمت حاشمة محبش يحرجها كتر من لي راها ...
غيث:ادخلي لذيك الباب تلقاي مكان يلبسو فيه كوبينيزو خاص نروح انا تاني نلبس نتلاقاو هنا ..
تاليا:اوكي...
وجدو روحهم ركبو الطنوبيل غيث يسوق وتاليا من قدامو تستفو سيارات لي راح تتسابق صوت رعيد المحركات يعلى يستنا في اشارة الانطلاق وكل متسابق غايتو يربح تاليا باه طير من الفرحة عمرها ماحلمت تعيش تجربة كيف هاذي خزر فيها غيث يسألها بعينيه إذا مستعدة ميلت راسها تعطيلو إجابة إستعدادها تمدت إشارة البدأ متشوف غير الغبار مخلي وراهم........
#أريولة
Ουπς! Αυτή η εικόνα δεν ακολουθεί τους κανόνες περιεχομένου. Για να συνεχίσεις με την δημοσίευση, παρακαλώ αφαίρεσε την ή ανέβασε διαφορετική εικόνα.
تاليا😍❤
Ουπς! Αυτή η εικόνα δεν ακολουθεί τους κανόνες περιεχομένου. Για να συνεχίσεις με την δημοσίευση, παρακαλώ αφαίρεσε την ή ανέβασε διαφορετική εικόνα.
