rose_____ali
وتثگل الدنيا وتچي اَبالـي السوالف
وأخَ من #گلبي
شكثر حطني بـ مواقفَ . .
.البارت الرابع .. .
.
ياسمين .
كعدت ساعه 6 نزلت رکض مابيه حيل للمشاكل . بديت احضر الريوك ..كملت وهم تريكو وطلعو . .واني بديت اغسل المواعين .
.
سولاف.. اني طالعه انتي كملي شغلج وروحي ع ملابس عمج اكويهن كلهن موخوش كوي مكويات . ونظفي وره البيت هم . .ياسمين . ماشي . .😞بس تتأمر . عرك .
.طبعا اني ميهمني الشغل لان اعرف الشغل ميموت احد بالعكس حركه للجسم . بس الي يقهرني ويأذيني طريقه تعاملهه . ويايه واهانتهه الي . ياله مبقالي شي سنتين اتحملهن . تحملت كل هالسنين . هسه مراح اتحمل . . كملت طبخ وبديت اكوي الملابس دك الجرص . عفتهن ورحت افتح الباب . .
.
ياسمين . منو . .
.
عبير . افتحي خبله . .ياسمين . عبير . هلو قلبي شلونج الله جابج ماكو احد وطاكه روحي . .
.
عبير . شدسوين هم دتكربين . .خل اساعدج .حتى نكعد نسولف شويه قبل متجي مرت عمج البومه . .
.
ياسمين . ياله تعاي دا اكوي ملابس . شتشربين . .
.
عبير . ماريد . احجيلي شسويتو انتي ومحمد مو كال يجي يخطبج . .
.
ياسمين . اي ومفاتح ابو بالموضوع . بس ابو بعده مناطي القرار النهائي . .
.
عبير . زين انتي شبيج هيج احسج مفرحانه .
.
ياسمين . عبير انتي تعرفين محمد بالنسبه الي شنو . محمد روحي وقلبي اعتبرته ابويه واخويه وحبيبي وصديقي . السبب الوحيد الي مصبرني ع كل هذا . بس رغم حبي اله خايفه . .
.
عبير .خايفه من شنو . .ياسمين . عبير اذا عرفت مرت عمي اني احب محمد تأكدي 100 % تخبث عليه وتحاول تمنع الخطوبه فقط لانه اني احبه .والا هي بس تريد تخلص مني . .
.
عبير . خلص لعد وصي محمد انه متجيبون طاري الحب . شافج وعجبتي وهاهيه . .ولتنسين محمد حالتهم الماديه كلش زينه فأكيد ..من تسمع هيج توافق خصوصاً مرت عمج تحب الفلوس . . ياسمين حبيبتي فرحي وتونسي وعيشي حياتج . ليش بكل شي يصير الج تخافين ومتفرحين من قلبج . .
.
ياسمين . وهو شوكت اني فرحت من قلبي اخر مره فرحت بيهه من اخذت شهادة الثالث متوسط . بفرحه بابا وماما ويارا وبعدهه ولا شي فرحني من قلبي . شكد اشتاق الهم واحن الهم ياريتني رايحه وياهم ولج والله الحياة بعد الاهل والاخت متنراد ابد . .
.
عبير . الله يرحمهم حبيبتي اراده الله هاي شنو البيدج . انتي . صدكيني اذا فرحتي همه هم راح يفرحون . .
.
ياسمين . تدرين لساني اتذكر ضحكاتنه ونستنه من دنرجع من اربيل . وضحكات بابا وماما. لحد هسه اسمعهه .وسوالف يارا . بلمح البصر كل شي تغير . مين اجت هاي الشاحنه وشوكت طلعت وصارت كدامنه . زين اني ليش بقيت .عبير مرتين بالمستشفى اوصل للموت وارجع تدرين هسه افكر اكول هم مرادوني يمهم ومأخذوني وياهم . ولايوم يمر اذا ما اعاتبهم . تدرين شكد مشتاقه الهم ومحتاجه اروح ازورهم . ..
.
عبير .. اوف ياسمين . من تنخطبين ان شاء الله خلي محمد ياخذج . .rose_____ali
.
ياسمين . ياريت . مره وحده رحت القبرهم بالاربعين .وبعد محد قبل اروح لاعمو ولا مرته . اني اعرف كلش زين همه ميريدوني ابقه هنا ولو بيدهم يطردوني ويطلعوني من البيت بس يخافون من حجي الناس . .
.
عبير .. اوف يا صديقتي .لتشيلين هم كافي حياتج كلهه كضيتيهه حزن بحزن . .
.
ياسمين . عبير ليش الي صار بيه قليل . موت اهلي وموت اختي بنفس اليوم وعذابي و اهانتي من مرت عمي وسكوت عمي . كل هذا قليل ؟؟
بالنسبه الي . كل شي يهون واكدر اتحمله . بس موت اهلي كسر ضهري . مابقه بيه حيل . .
.
عبير .. حبيبتي . كومي خل نطلع نغير جو . .
.
ياسمين . وين اطلع حتى اذا جتي واني ماكو تكص ركبتي .
..
عبير . ياله لعد اني اروح . باي حب اجيج غير مره . .
.
ياسمين . ماشي ياروحي الله وياج
.
رجعت اكمل شغلي واحضر للعشا . اني واحضر اتصل بيه محمد . .
..
.
محمد .
كعدت ساعه 10 الصبح ردت اتصل على ياسمين . ترددت كلت خاف دتشتغل خل اعوفهه هسه . كمت غسلت وبدلت ونزلت لكيت ساره كاعده هسه تتريك .
YOU ARE READING
ندبة الروح .
Romanceوما هي الحياة سوى مزيج من كؤوس نشرب منها تارة جرعة الم وتارة أخرى رشفة امل وتارة أخرى نغُص بمرارة الحزن وتارة أخرى نتذوق طعم الفرح.. لكن يبقى كل شي بيد الله . فالحمد لله دائما و ابداً. القصه . باللهجه العراقيه . . قصه حلوة تابعوهه .. مو تنسون...