ندبة الروح .

البارت الثامن عشر . ندبة الروح .

وانه ياهو الماعرفني شكد احبك .

rose_____ali

بعيوني لمعةة دمع
ومنين ما التفت الكة العمر ذبلان

البارت الثامن عشر .
.

كضينه نص النهار بالمكياج وبالشعر واللبس  لبست فستان احمر قصير وردان

بعد عركه ونقاش طويل بيني وبين ساره لان ردت اسود .رفضت رفض قاطع   اول مره البس الوان من  موت اهلي لحد الان اني ملابسه الوان . عفت شعري مفتوح بس سويته كيرلي من النهايه .  . بقت اضيف اخر لمسات . وهسه ساعه 6  صار 5 ساعات ..احنه بالغرفه .
.
ساره . هاج خلي هاي الحمره المات . ..

ياسمين . ساره ماريد حمره غامه اريد لون فاتح .

.ساره . غبيه هاج تره الغمط وجهج ...
.
ام وسام . شدسون صارلجن 5 ساعات .

يمه صلوات على النبي شهالجمال بنيتي اول مره اشوفج لابسه الوان ..اي يمه هيج وين جنتي ظامه جمالج بالاسود . بعدج صغيره ييمه على الاسود .. بس تعاي كليلي وين رايحه .  .
.
ساره . انجبي ياسمين . اني احجي .ماما . ياسمين راح تروح تتعشا ويه وسام   . ..
.
ام وسام . اي يمه عفيه . اطلعو تونسو . رومانسيات . .
.
ياسمين . 😊.
.
ساره . عوبه لتخجلين ويمه انتي شمدريج بالرومانسيات ..
.
ام وسام . لايمه تعاي علميني .  .
.
ياسمين ..
اضحك على سوالف ساره . كملت كل شي وبقيت كاعده . وسام اتصل  .
.

📞📞📞📞وسام . 
.
ياسمين . الو .
.
وسام . كملتي . لو بعدج مجاهزه . .
.
ياسمين . اول شي يكولون مساء الخير .  .
.
وسام .   جاوبي . .
.
ياسمين . اي جاهزه .  .
.
وسام . اوك نزلي اني قريب . 😒
.
طبعا اني بكل وقت جاهز  كملت شغلي ورحت اخذ ياسمين . قبل ما اوصل اتصلت بيهه ..طبيت للبيت  هي بعدهه فوك .شويه ونزلت  اويلي الله تجنن واول مره اشوفهه بألوان انتهيت افكر بيني وبين نفسي
(اشيلهه واصعدهه للغرفه من يخلصهه مني هسه .) . حاولت امنع نفسي واسيطر عليهه ما اباوع عليهه . ما اريد ابين حبي واهتمامي بيهه . نزلت وكفت بالصاله . .
.
ياسمين . اني جاهزه . .
.
ام وسام . يمه صلوات ع النبي عين البارده عليكم . ..
.
ساره . فديت والله . ..rose_____ali
.
وسام . ياله امشي . .
.
ياسمين .
نزلت من الغرفه . شفت وسام كاعد ع القنفه بالصاله .صفن عليه . كنت احس نظراته مو طبيعيه  بيهه شي نزلت عيوني من عيونه ونزلت حتى نطلع .. .
.
وسام . ياله صعدي .
.
كتلهه صعدي برود .
اني اريد اتعامل وياها برود . اريد اعرف تاليهه وين حتوصل وياها . مشينه والطريق كله ساكتين . الى ان وصلنه الباب المطعم .  وكفت السياره  ومحجيت  شي بقيت شويه .. .
.
شمنتظره . 
.
ياسمين . خير وسام شبيك .. .
.
وسام . نزلي شمنتظره . .
.
ياسمين . نازله .. .
.
نزلت من السياره وطبكت الباب قوي .شفته هو ديحجي بس مسمعت شنو يكول . بقيت واكفه بمكاني الى ان نزل . .
.
وسام.  .
والله يا الله .  هاي شتحجي وياها .. .
.
نزلت من السياره   ..  دخلنه للمطعم وعفتهه هي تمشي ورايه اريد استفزهه . لكيت الي يريدون يشاركوني موجودين .  .
السلام عليكم  
.
الشريك 1 و2  وعليكم السلام  .. اهلا سيد وسام .. .
.
وسام . اهلا بيكم .. اعرفكم زوجتي . .
.
الشريك 1و2 اهلا وسهلا مدام تشرفنا .
.
ياسمين . الي الشرف .