ندبة الروح .

البارت الثامن والعشرون . ندبة الروح . .

rose_____ali
.عبالي من تمر سنين .
يهزك نسيم الذاكرة وتشتاكلي .

البارت الثامن والعشرون .. .
.
وسام . 
رجعنه للبيت تقريب ساعه . 10 . طبينه تلكتنه ساره بالباب . سلمت ع ياسمين . ورحبت بيهه . وسلمت عليه .  واخذت ياسمين . وصعدتهه بالغرفه.  .
.
سارة .  ياسوو  وعلي مشتاقتلج . .
.
ياسمين . حبيبتي اني الاشوق والله شخبارج شخبار الدوام . .
.
سارة : كلش تمام .   . ماكو شي جديد .   . ياله اني نازله تريدين شي .  اروح اساعد ماما شويه .. .
.
ياسمين . سلامتج يروحي اني هم راح انام شوية لان تعبت .  . .
.
سارة . باي قلب 😘  .
.
ياسمين .  باي . 😊 .
.
سارة .
كلش نقهرت ع وضع ياسمين .  مبينه هواي تعبانه . وذبلانه ..هالبنيه هواي تأذت خطيه .. الله يشافيهه ويوفقهه و يسعدهه .  
صحت
ياااارب . .
.
ام وسام . يارب يحقق الي بالج . شو تصيحين يارب . .
.
سارة . ماكو هيج يمه مقهورة ع ياسمين . وسام وين .  .
.
ام وسام . طلع خابرة غيث عدهم شغل . و محاكمين هذا الي خطف ياسمين . 7 سنوات سجن .
.
سارة .  يستاهل طبه مرض .  .
.اي نبع الحنان نبع الحب كولي اوامرج .  .
.
ام وسام . ماعندي اوامر . بس روحي اكوي دشاديش ابوج خوش ..  .
.
ياسمين .  نمت وجريتهه نومه حسيت واحد يطكطك بالاخشاب .صحت
منووو .
..
وسام . اني لتخافين دا اطلع ملابس .  .
.
ياسمين . مجاوبت وسام بس للحظه نعادت الافكار بالي ورجعت تخيلت نفسي اني بالبيت  وحدي وظلمه خصوصا الضلام بعيوني  وافكار تخوف تجيبني وتوديني حظنت نفسي وشبكت رجلي ويه صدري وكمت ابجي  بهدوء . ماريد وسام يسمعني  . كنت فعلا خايفه  . لان صارت كلهه بالنسبه الي ظلمه نهاري اظلم وليلي اظلم . حسيت هو حظني محجيت شي لان كنت محتاجه حظنه . .   .
.
وسام . 
شفت ياسمين مو طبيعيه وتبجي بهدوء عرفتهه خايفه من ظمت نفسهه رحت عليهه حظنتهه وبقيت اقرا بأذنهه . ايات قرانيه ووامسح ع شعرهه .  هدئت شويه .. ورجعت نامت ..كانت لازمه قميصي من يم الياخه بأيدهه الثنين .  شفتهه نامت .. وخرت ايدهه وكمت من يمهه بدون متحس . 
._____
مرت الايام . ونفس الوضع .  مر اسبوعين وديتهه للدكتور فتح الخياط الي براسهه وطمنه عنهه بقت بس عيونهه  حاول يطمنه عنهه هو .

كال ان شاء الله يرجع كل شي طبيعي لان مابيهه شي .  الموضوع يم نفسيتهه    
______
بمرو الوقت ياسمين بدت تتغير  صارت تعصب اكثر .  متقبل احد يساعدهه مثل الاول . اي شخص يحب يقدم الهه مساعده .ترفض وتصيح بي . حتى من الغرفه صارت متنزل اله اني اجي من شغلي بالتواسيل ياله تاكل شويه . اليوم قررت لازم اخليهه تنزل جوه تاكل  ..كعدت هي بدت تتلمس الى ان وصلت للحمام غسلت وطلعت ..ساعدتهه طلعتلهه ملابس رجعت هي لبست ردت انزلهه مقبلت نزلت هي بهدوء واني وراها  . سوتلهه امي ريوك وجاي خلته كدامهه اني سويت الهه لفه وخليتهه بأيده  ..
.
ياسمين .. مرت هاي الايام اصعب ايام عليه اني ما انكر هم يحبوني ويحبون يساعدوني بس اني ما اكدر  احس نفسي ثكيله وخصوصا همه بكل شي يساعدوني وعدت روحي اني اعتمد على نفسي   .. كلش نقهرت من وسام خله لفه بأيدي ماريد شفقته وعطفه عليه ما احتاجهن منه  ذبيت اللفه من ايدي  .  وحجيت بعصبيه   
.
ميحتاج تسويلي اني اسوي 😠 .