rose_____ali.
.
البارت الثلاثون .ام عبير . ولجن كومن شوكت تريدن تروحن للصالون . تره ساعه 10 . .
.
ولج عبير مو دحجي وياجن . .
.
عبير .: ها ماما ها . خليني بس شويه انام . .
.
ياسمين . ولج حقيره كومي اليوم عرسج .
.
عبير . شنو لا عليج الله . لعد مو الاسبوع الجاي . .
.
ياسمين . 😒 البارحه حنة جدو جانت . .دكومي كومي من الصبح مطفيه هاهيه راح نبشر بخير . ..
نزلنه اني وعبير غسلنه وتغدينه لان كعدنه متأخرين فصار هو ريوك هو غدا . كمنه نتراكض لا ننسه شي من الغراض .وحده تصيح ع الثانيه . . . والهورن برة يدك . .و اخو سامر بالسياره يصيح . طلعت اركض كدام عبير وطلعت هي بتك الحذاء والتك الثاني بأيدهه وتغلط عليه . وتصيح . .صعدنه بالسياره وتوجهنه للصالون . .
.
عبير .: اكووول حمايه مشال عينه من عليج 😉 .
.
.
ياسمين . راح تلغين 😒 شسويله . .
.
عبير . يعني اذا مو وسام اكو بديل . 😂 .
.
ياسمين .عبير انجبي . 😒 . .
.
كنت ممنتبهه صدك خلتني انتبه . عينه طول الطريق عليه يباوع من المرايه . ردنه نندعم اله شويه . حجيت .
.
هاي نتيجه الي ميباوع ع طريقه 😒.وصلنه للصالون .
بلشت بينه . طبعا اني بكل حالاتي اجنن . سويتلي تسريحه بقيت شعري بيهه ع طوله عمود وسام . لان اعرف يحب الشعر الطويل .مكياج عيني مو غامق محبيته غامق خصوصا الحمره مالتي ردتهه غامقه مات . فحبيت مكياج العين يكون شي فواتح لاينر ورموش . . حبيت البساطه الي بمكياجي برزت جمالي اكثر . . خلصنه وكملنه رجعنه للبيت . ونفس الشي طول الطريق اخو سامر مشال عينه من عليه .وهذا الشي كلش ازعجني . صارت ساعه 6 . اجه سامر ياخذ عبير . حرت باي سياره اصعد وكلهه مقبطه ياسر يصيح تعاي ويايه وسامر يحجي ميقبل اله اكعد بالصدر والمشكله الي ديسوق اخو . تالي كعدت لان ملكيت مكان .. وسيارة ياسر كانو الشباب واكفين بصفهه فعرفت يريدون يصعدون ويا . خالتي سولاف اجت ويه ام عبير واخوهه . وصلنه للقاعه . قبل ما انزل اجه اخو سامر فتح الي الباب ونطاني ايده . كلش خجلت . ومعرفت شنو اسوي كالعادة بهيج مواقف اجمد خليت ايدي بايده ونزلت . بنزلتي شفت وسام . واكف كدام السياره مالتنه .. بس مبين من نظراته ومن شكله انه بعد شويه وينفجر احسه يريد ياكل الولد اكل . . تركت ايده طبينه للقاعه . جانت فد شي راقي بالنزاكه حبيت بساطتهه . .
.
وسام .
اجتني دعوة من سامر العرسه . اني هم كلت عيب ماروح .خصوصا اني ويا ع تواصل دائما . . بدلت لبست وكشخت كشخه توب يعني . فمباشرةً رحت للقاعه كلت انتظرهم هناك احسن . الى ان يجون ... نزلت من السيارة وكفت باب القاعه اجتي هم سياراتهم اول سياره . هي سياره العروس . واشوف ياسمين كاعده ليكدام . ونزل ولد فتح الهه الباب وخلت ايدهه بأيده . بهاي اللحظه . صار دمي يفور لو مو عيب اكله للولد اكل واكسر عضامه هي تتعزز عليه ومطيحه حظي وايدهه تخليهه بايد هذا . بقيت ع اعصابي طول الوقت الى ان اجت بنيه وياها نفس الولد يم طاولة ياسمين ... احس النار صارت تطلع من عيوني . اني عرفت هذا نيته مو خاليه . رحت عليهه .خليت ايدي بايدهه . وطلعتهه . صعدتهه بالسياره . هي متفاجئه من ردة فعلي . وبس فاتحه عيونهه عليه . واني احس راسي يريد ينفجر . صعدت كعدت واخذت نفس عميق احاول اهدئ بنفسي بأي طريقه . تجيت راسي ع الستيرن . وغمضت عيوني وبديت اتنفس بعمق . وكلما اتنفس اشم عطرهه الي بالسيارة حسيت اصابع شبكت اصابع ايدي .. رفعت راسي . شفت ايدهه بأيدي . باوعت بعيونهه . اول مره . اشوف نفسي بعينهه بقيت ساكت محجيت ولا هي حجت . تقربت عليه باستني من خدي بهدوء وبرقه . شكد كنت عصبي وكان عندي قوة انه احطم كل شي كدامي بلمسه منهه . هدوء صار بداخلي والاعصار اختفى والبراكين انطفت . بلمسه وحده . . حجيت .. ياسمين . .
.
ياسمين . لتحجي شي . ولا تعلق بكلمه . الله يخليك . 😢 ..
.
وسام . زين ليش تبجين .. متريدين تبقين ويايه . . .
.
ياسمين . لا مو هيج . .
.
وسام . لعد شنو الي يخليج تبجين . .
.
ياسمين . وسام . كلش اسفه . ع كل شي وع كل كلمه اذيتك بيهه او جرحتك بيهه . اسفه لان خليتك تتعب وتتأذه .وتنتظر كل هالوقت .
.
بعدني ممكلمه كلامي خله اصبعه ع شفتي ... .
.
وسام . لتحجين . هيج . ما اقبل تعتذرين ابد . .
.
لزمت راسهه بأيدي الثنين . وبستهه من راسهه ورجعت لزمت ايدهه وبستهه من بطنهه وشميتهه . .
YOU ARE READING
ندبة الروح .
Romantikusوما هي الحياة سوى مزيج من كؤوس نشرب منها تارة جرعة الم وتارة أخرى رشفة امل وتارة أخرى نغُص بمرارة الحزن وتارة أخرى نتذوق طعم الفرح.. لكن يبقى كل شي بيد الله . فالحمد لله دائما و ابداً. القصه . باللهجه العراقيه . . قصه حلوة تابعوهه .. مو تنسون...