ندبة الروح .

البارت الثاني عشر . ندبة الروح .

.rose_____ali.
كون ادري عني تمشي بلاوداع
جان ودعتك غفل سكتاوي
وجان ملك الموت حاجيتة وبجيت
وكتلة أخذ روحي  كبل لا تاخذ الغالي. .
.

البارت الثاني عشر ..

ياسمين .
تعبت كلش من القهر والفراك والالم دموعي تصب على خدي وساره كاعده يمي تهدي بيه . كتلهه . ساره تكدرين تعوفيني اريد ارتاح تعبانه كلش ...
.
ساره .صار حبيبتي نامي وارتاحي . واذا تريدين شي صيحي ماشي  .
.
ياسمين . اوك . .
.
وره منزلت ساره بقيت وحدي اخذت التلفون ودكيت ع رقم محمد بقه يدك اخر دكه نفتح الخط . من انفتح الخط  بقيت ساكته بس ابجي .لكن  متحملت حجيت . .ردت اطلع  الي بقلبي   ....

اني اعرف انت ميت عقلي مستوعب هذا الشي ومقتنع بي واعرف انت مراح ترجعلي بعد اعرف ماكو امل بس كلي شسوي القلبي وشلون اقنعه انت رحت وما الك رجعه . تدري من يوم الرحت انت واني كل لحظه اموت بيهه الف مره . فراكك نار ومشعوله بصدري شلون اطفيهه . انطيني حل . شلون اوكف دموعي عليك . انت وعدتني متعوفني بس موفيت بوعدك . زين كلي . هيج مفكرت بيه ولا اجيت على بالك . مكلت شلون اعوف ياسه . شوف كلت ياسه . ياريت لو ترجع وتكولهه والله ما احجي عليك . اذا كلتهه .وما امنعك منهه .  حبيبي مشتاقتلك . كلش ومشتاقه الصوتك والعطرك . مشتاقه الضحكاتك . مشتاقه الكل شي بيك . ياريتني هسه انام ع صدرك وارتاح من هالوجع . تدري من يوم المتت مكمت احس بشي  اني من بعدك مثل الجثه لا اكل ولاشرب وبس دموعي تنزل محمد انت بروحتك كسرت روحي . ياريت لو تاخذني وياك .. اخلص من هالالم .
انت متصور شكد دا اتعذب بفراكك .. احجي كول كلمه جاوبني رد عليه لا تخليني بوجعي . تدري ياروحي  وين ما اروح اشوف صورتك  كدامي . بموتك خسرت كل شي . حلمي وحلم بابا . اصدقائي احلامي الي بنيتهه وياك خسرت حتى نفسي . مراح اسامحك ابد . ابد . صرررررررت اكرهك اكررررررهك (بصايح) .. ليش عفتني ورحت ..لكن ولا يهمك اني ما اعوفك اني لازم اجيك . اني اوفي بوعدي الك وما اعوفك . ..مو مثلك مو وفيت وعدك ويايه . 
.
سديت الخط . وقفلت الجهاز كمت من الجربايه وبقيت ادور بالمجرات رحت للحمام لكيت مكينه حلاقه وياها موس وكفت كدام المرايه . وحجيت .

كتله حبيبي من حركتي وناري كتلك اكرهك تعرف اني كلش احبك . محمد ما اكدر اعيش بدونك اني راح اجيك لان ادري انت متجيني مترجعلي اني اجيك ..
.
جرحت ايدي بالموس وبقيت كاعده بالحمام الى ان وكعت بهاوية ظلام مكمت اشوف ....بس اسمع اصوات بعيدة يمي
.
.
وسام ..
جنت كاعد يم رانيه   ودك تلفون محمد قريت الاسم مكتوب ياسمين الروح ..
.
رانيه ..منو هاي . ..rose_____ali.
.
وسام . هذا مو تلفوني تلفون محمد وثانيا هاي حبيبته راح افتح خط بس لتحجين  ولاكلمه .
.
فتحت خط اول شي بقت بس تبجي بعدين كامت تحجي نقهرت من تصيح اكرهك ومراح اسامحك . انت عفتني مراح اعوفك اني  لازم اجيك .
مادري شلون انتبهت على كلامهه فكرت هاي راح تسوي بنفسهه شي ثواني ونسد الخط ياربي شسوي بقيت لايب ما اكدر اسوي لا اعرف احد من اهلهه لا اعرف اوصل الهه .