.rose_____ali
.
البارت الثامن . ..
بس لا تشبعنــه وفه ومــاراح نشتاگــ
لو نــدري بغيابك جفه ماهمنــه الفراگــ
يالماخذ اول بالعشگ تنعاک الاشواگ
یالدمک احلى من العسل تنشاف تنظاگ ..
.
امير . ياسمين شبيج .ياسمين . ياسه . شبيج . احجي . لج شبيج ..
.
ياسمين .
بعد ما سمعت الخبر من عبير . مكنت مستوعبه شكالت ذبيت التلفون من ايدي حسيت اعصابي كلهه رخت ما عندي قوه اشيل او اسوي اي شي حسيت بحراره تنزل من عيني وتجري ع خدي ونار توج بقلبي تاكل روحي امير واكف كدامي ويصيح عليه دا اشوفه يحجي بس مدا اسمعه . اسمع بس صوت عبير من تصيح محمد مات . يعني مات حبيبي مات روحي وقلبي ماات هم راح مثل بابا وماما . مثل يارا . صعدت واني اجر بنفسي بالغرفه صعدت واني مو بوعي كعدت وصوتهه يردد بأذني . كمت احجي بيني وبين نفسي .
لا اكيد مو هو . اني ادري هو ميعوفني وعدني ميعوفني ..محمد ميعوفني حبيبي ميعوفني .
نزلت اركض ع الفون
لزمت الفون وبديت ادك . وكل مره ميجاوبني بيهه اني دموعي تزيد اكثر واتأكد اكثر بأنه كلام عبير صحيح . ..دكيت اكثر من 10 مرات . ومجاوبني . كنت مثل الطير المذبوح . مثل الام الي محروك قلبهه على ابنهه محمد كان كل شي بالنسبه الي رغم الي سوى اخر شي بس ييقى هو حبي الاول والاخير . رجعت صعدت الغرفتي وقفلت الباب . .
دموعي تصب وقلبي يبجي دم ..كعدت بالكاع وكمت اصرخ واشهك سمعت عبير تصيح من وره الباب هي ومروه . .
.
عبير ..
مجنت اريد اكون الشخص الي يوصل هيج خبر الياسمين وخصوصا اني اكثر وحده تعرف محمد شنو بالنسبه الياسمين . وره محاجيت ياسمين خابرت على مروه من اتصلت جانت تبجي ياسر جان مخبرهه . خابرتهه كتلهه لازم تجين نروح على ياسمين . ماكو نص ساعه وجتي ..رحنه اني وياها سوه . دكينه الباب طلعنه ولد بسرعه ركضنه الغرفه ياسمين . ادك الباب واصيح عليهه .
.
عبير .ياسمين . حبيبتي فتحي الباب . .مروه . ياسمين . خلينه نفوت حبابه . .
.
ياسمين . عبير اخذي مروه وروحي عوفووووني وحددددي الله يخليكم عووووفوووني .
.
مروة . ياسمين والله احنه خايفين عليج ..
.
ياسمين . مروه ابوس ايدج عوفيني وروحي عوفيني . .
.
من حجيت هيج ويه عبير ومروة بعد مسمعت صوتهن يمكن راحن كنت محتاجه ابقه وحدي طلعت البوم الصور . صوره بابا و ماما ويارا . واخذت صوره محمد من كتاب روايه هو هدا الي وخليت الصوره ويه الالبوم . وحظنت الالبوم وغمضت عيوني . رجعت ذاكرتي . .قبل سبع سنوات . .
يارا .شلون جانت ونسه اله بشده . بابا سنه الخ التركيا . ونكضي العطله كلهه هناك . .
.
ابو يارا . بكيف امكم شنو رأيهه . .ام يارا . والله اني صوتي اضمه الصوت البنات .
ياسمين .اروح فدوه النبع الحنان .
.
ابو يارا . يعني تطبكين ويه بناتج .
.
ام يارا .طبعاً شعندي غيرهن بنوتاتي الحلوات ربي ميحرمني منهم . .
.
ياسمين . اوووي ماما . ولا يحرمنه منج 😘 .
.
يارا. ماماتي ولا يحرمنه منج . .باباتي حبيبي طلعنه اغنيه خل نركص شويه . .
.
ابو يارا.. اي اميرتي كولي شتريدين . .
YOU ARE READING
ندبة الروح .
Romanceوما هي الحياة سوى مزيج من كؤوس نشرب منها تارة جرعة الم وتارة أخرى رشفة امل وتارة أخرى نغُص بمرارة الحزن وتارة أخرى نتذوق طعم الفرح.. لكن يبقى كل شي بيد الله . فالحمد لله دائما و ابداً. القصه . باللهجه العراقيه . . قصه حلوة تابعوهه .. مو تنسون...