rose_____ali.
.
.عـِٰادي تروَح بـٰس بگلبُي مـْوَ عـِٰادي
امـّوت وداعتَك ليغـُِرك إعنـِٰادي ..
.
.بارت العشرون
.
وصلت البغداد . تحديداً بيت عمو . نزلت من السيارة وكفت كدام الباب . بقيت صافنه كلت راح ارجع للهم وللقهر . دكيت الباب مره ومرتين و3 . كلت معقوله ماكو احد . شويه وفتحتلي الباب مرت عمي بس الي شفته مرت عمي عبالك مو هي كبرانه بهالفتره وكاعده ع كرسي متحرك . طبيت للبيت . سلمت هي مردتلي ولا اهتمتلي .بس كلش نقهرت عليهه . لكيت البيت وصخ فد مره عذرتهه لان شفت حالتهه . ذبيت الجنط وغيرت ملابسي ولزمت البيت من فوك مسح وتنظيف مبقيت شي يعتب عليه بلشت من اول موصلت ساعه 4 . لل 10 باليل ياله خلصت . سويت عشا فنكر وزلاطه عشا بسيط . خليته ع الميز ورحت عليهه . خالة لعد عمي وين . . .
.
سولاف . مسافر عنده شغل ...
.
ياسمين .زين شلون يسافر ويعوفج هيج .
.من كتلهه هيج كامت تبجي . كسرت قلبي .
خالة شسواج هيج كليلي . .
.
سولاف . عمج متزوج وحده من الخارج . من اجاني الخبر صرت عصبيه ومتحملته وصرت هيج رحت هواي اطباء ودكاتره . كلهه نفس الحجي علاجي بس بس بالخارج . . .
.
ياسمين . زين امير او اهلج خواتج معقوله محد خابرج شي .سولاف . من زمان هن كطوعيات مو هسه . .
ياسمين. تعاي خالة ولا يهمج تعاي نتعشى .
اخذتهه ورحت للمطبخ خليت الاكل كدامهه انتهبت عليهه شفتهه ميته من الجوع كملنه اكل ودفعتهه بالكرسي ودتيهه تغسل . غسلت اديهه . وكتلهه
خالة تحبين تغسلين . اني اساعدج حتى تنامين مرتاحه .
.
سولاف . والله بكيفج تسوين فضل .
.
ياسمين .
اخذتهه للحمام غسلتلهه وكملتهه ومشطت الهه شعرهه وردت اساعدهه حتى تنام بفراشهه . .
.
سولاف .. اوكفي ياسمين . .
.ليش دتساعديني رغم الي سويته بيج .
.
ياسمين . خالة انسي الراح راح هو احنه شباقي من عمرنه على ساعه الواحد يموت وميدري بنفسه انسي الماضي كله . .
.
ياله تعاي اساعدج حتى تنامين . .
.
سولاف . وانتي وين حتنامين . .
.
ياسمين : كالعاده بغرفتي وهاي التلفون يمج . اي شي تريدين دكي عليه انزلج . .
.
طلعت من غرفة سولاف رحت للحمام غسلت جنت ميته من التعب غسلت وصعدت الغرفتي . بقيت افكر وين جانت سولاف وين صارت .. صدك كل قوي للزمان يلينُ . بقيت اتكلب بفراشي مكدرت انام هواي افكار اجت بعقلي حتى وسام . .. صارت ساعه 4 نمت وره متعبت من التفكير .. .
.
.وسام ..
اتصل بيه ابو حمزه كال وصلتهه البيت عمهه . ارتاحيت . وراها دفنت نفسي بالشغل . من غير الاتصالات الي تجيني من رانيه بس كلهه ما ارد عليهه . خلص لازم ينتهي كل شي بيني وبينهه . .. باوعت ع الساعه . صارت 2 طلعت من الشركه . فارغه بس وحدي والحرس . طبيت للبيت لكيت بس امي كاعده بالمطبخ عرفت دتنتظرني . .
.
السلام عليكم . ها يمه شو لساج كاعدة .ام وسام . عليكم السلام . تعال يمه اكعد . يمه صدك جذب راح تتطلكون والله قلبي مكسور عليكم من الصبح لحد هسه . .
.
وسام . يمه حاولت وياها هواي بس شسوي . ثانيا اني صح احبهه بس ما اكدر اجبرهه علمود تحبني هي متقبلتني . افضل حل تشوف حياتهه وتعيش مثل متريد قابل اسجنهه يمي يا امي . .
.
ام وسام اويلي عليك وليدي شوكت ترتاح مادري . . .
.
وسام . لا يضل بالج يمه لتخافين مابيه شي وعيونج . ياله اني صاعد انام . تصبحين على خير
.
ام وسام .وانت من اهل الخير يمه
. اوووف يوليدي الله يريح قلبك .
..
وسام
صعدت للغرفه اول مفتحت الباب اجتي ريحة عطرهه غمضت عيوني وتخايلت صورتهه واكفه كدامي ومنتظرتني . اخذت نفس عميق وطبيت للغرفه غسلت وبدلت . مكدرت انام من التفكير .
.
اااه ياسمين ااااه شسويتي بيه حتى ليلي سلبتي مني . صارت ساعه 6 كلت خل انام ساعه ع الاقل . . .
.rose_____ali
.________
.
بيت ابو وسام
الساعه التاسعه صباحاً .
.
ابو وسام . شو اليوم ابنج لحد هسه مكاعد هم رجع تالي وكت البارحه .
.
ام وسام . ياحجي دعوفه شتريد منه تره الولد تعبان . واني تعبانه من ورا شوكت اشوفه مرتاح . ولد اختي الي بكده عدهم 3 جهال و 4 وهو لحد هسه هيج ... لا هو للسما ولا هو للكاع . . .ابو وسام . الله كريم حجيه صبري . نشوف تاليهه . ساره راحت للدوام .
.
ام وسام . اي راحت . .
.
ابو وسام . اني هم رايح للديوان دزو علية اليوم اكو فصل . .محتاجه شي
.
ام وسام . سلامتك حجي . .
.
شحسوي غدا .. خل اسوي تشريب وتمن . شكو غيرهن . . .
.
_.
.rose_____ali
بغداد .ياسمين
كعدت ساعه 10 . غسلت وبدلت ونزلت . لكيت مرت عمو كاعده . سويت ريوك وكعدنه نتريك اني وياها . .
.
خالة لعد امير ليش سافر . وعافج وحدج هنا . زين ريم متسأل عنج . .
.
سولاف . امير تعرفي من البدايه جان يريد يسافر اجته فرصه طلع خارج العراق وريم من وره مسافرت لحد هسه هي مكالمه مرفعت وسألت وعمج يوم هنا وعشرة يم ذيج مرته . .
.
ياسمين . لا يظل بالج اني باقيه هنا . .
.
سولاف .ليش ورجلج . .
.
ياسمين . راح ننفصل . اجيت هنا بين ميكمل الاجرائات . وبده الدوام هم لازم ابلش من باجر . لتشغلين بالج بأي شي اني اهتم بكل شي . .
.
سولاف . ما استاهل سوايتج هاي .
.
ياسمين . شتفقنه البارحه مو كلنه ننسه الماضي كله .
. .ياله خل اكوم اكمل شغلي لان اليوم اريد اطلع اني وياج نروح نشتري ملابس اليه علمود الدوام واكيد ما اروح وحدي . .
.
بديت اشتغل تنظيف وطبخ خلصت ساعه 1 رجع البيت مثل الاول نظيف ومعطر وكله معقمات كعدنه نتغده اني ومرت عمو كملت غداهه وراحت كالت اصلي وانام . كتلهه اني هم راح اغسل المواعين واصعد اصلي وانام حتى العصر نطلع . كملت كلشي وصعدت الغرفتي صليت وقريت قران هديت ثوابه الاهلي والمحمد هاي يوميه لازم اقرالهم 10 صفحات. . خلصت واتصلت على عبير .. . .📞 .
.
عبير . هلا والله شعجب عيني اني كلت نستني .
.
ياسمين .لج والله من وحده الوحده . شسوي حظي ..عبورة حزري اني وين . .عبير . وين ترة عقلي واكف ما اكدر افكر لان جوعانه . .
.
ياسمين . بيت عمو بغداد . .
.
عبير . صدك تحجين جايتج هسه مسافة الطريق . .
.
ياسمين . تعالي ياله انتظرج حتى نطلع نشتري ملابس للدوام .عبير: ولج اني هم دا انتظرج والله . .
ياسمين : اروح انام تعبانه بين متجين
.
عبير . اوك حبي نوم العافيه اني ساعه 4 اجيج ماشي . .
.
ياسمين . انتظرج قلبي .
.
وره مكالمة عبير بقيت اكلب بالفون وذكرياتي بالجامعه وصوري ويه وسام وساره قربت الصوره ع وجه وسام جان يضحك وعيونه تلمع ابتسمت على ضحكته سديت الفون ونمت ...
.rose_____ali
.____
ام وسام . يمه وسام اكعد يبعد روحي ساعه 2 . اكعد اكل لكمه . . .
.
وسام . صار يمه شويه وانزل . .
.
ام وسام . لعد اني نازله اصب غدا اليوم حتى ابوك تأخر بالديوان انزل حتى نتغدا سوا . .
.
وسام . تدللين نبع الحنان .
كمت طبيت للحمام غسلت وطلعت لبست قميص وبنطرون اسود ونزلت . لكيت امي وابويه كاعدين .
.
السلام عليكم ..
.
ابو وسام . ام وسام . عليكم السلام ...
.
وسام . سارة مجتي من الدوام .. .
.
سارة . هياتني كدامك . .السلام عليكم .
.
الكل . عليكم السلام .
سارة . اويلي ميته ميته جوع عمتي المستقبليه تحبني . خلتني اجي بالبدايه . .
.
ام وسام . غيري ملابسج وتعاي اكلي .
.
سارة . يمه عوفج من الملابس . خل اهجم . .
.
وسام ..
كعدنه نتغدا اني والعائله . ونسولف دك تلفوني .📞📞📞📞غيث .
وسام . اهلا غيث . .
.
غيث . اكلك وسام . اكو نقص بالبضاعه الي مستلميهه اني راح اسافر اشوف شنو القصه . .
.
وسام . اسمع غيث خليني على علم بكل شي يصير . .
.
غيث . ماشي ياله اني رايح كملت شغلي بس رانيه صارلهه يومين مجايه شنو القصه . .
.
وسام . خلص بعد متجي . دبر سكرتيره ثانيه ..rose_____ali
YOU ARE READING
ندبة الروح .
Romanceوما هي الحياة سوى مزيج من كؤوس نشرب منها تارة جرعة الم وتارة أخرى رشفة امل وتارة أخرى نغُص بمرارة الحزن وتارة أخرى نتذوق طعم الفرح.. لكن يبقى كل شي بيد الله . فالحمد لله دائما و ابداً. القصه . باللهجه العراقيه . . قصه حلوة تابعوهه .. مو تنسون...