ندبة الروح .

البارت التاسع عشر . ندبة الروح .

rose_____ali.
.
مر بيه إعله گد الشوگ
موش أكثر

ـالبارت التاسع عشر ..
.
ياسمين .
الموقف الي صرت بي ما احسد عليه ابد . معرفت شسوي ارتبكت وخفت ونصدمت  حسيت نفسي نشليت بهاللحظه .  مشفت غير وسام جر قصي من ياخته وبده يضرب بي بوكسيات الى ان وكع  من أيده  وبقه يضرب اني خفت على وسام .. وكمت اصيح عليه . ..
.
عوفه وسام الله يخليك يروح يموت بأيدك .. (احجي ومجلبه بأيده ) . .
.
وسام .. شكد ضربت بي بس احس نار وتشب بيه  . اني واضرب بي جرتني من ايدي ياسمين . .عفت قصي ورحت لزمتهه من زندهه  .

سمعي وحق الله ابتلي بيج هسه امشي كدامي صوتج ماريد اسمعه .. .
.
ياسمين . اسمعني الله يخليك والله انت فهمت غلط ..مالي ذنب . .. .
.
مجاوبني وجرني من ايدي قوي للسياره والناس تباوع علينه شكد حسيت بأهانه بس كلت لازم يعرف اني مالي ذنب اكيد هسه عقله يتصور اشياء صعدت بالسياره وكمت اصيح .. .

.شبيك انت ليش متتفاهم دا اكلك انت فاهم غلط .
.
وسام .. لج شفهم  . هاي ثاني مره .اشوفج ..  عاجبج الوضع مو .  بايعه نفسج . انتي لو شنو لج بابا لو غيرج وحده تحير شتسوي مو تصفن تصيح تضرب تنهزم  بس حلتلج السالفه انعل ساعه السوده الي قلبي حبج بيهه مين طلعتيلي الخاطر الله ...  ..

ياسمين . 😨😨😨😨

وسام : هاا شو صفنتي اي ما انكر . احبج بس طلعتي متستاهلين هالحب .  .. . .
.
ياسمين .
بقيت مصدومه بكلام وسام طلع يحبني بس اني ما اكدر  .. اني احب محمد وما انسا للموت ..
.
صار صمت بالسياره .  باوعت على ايد وسام راخيه مضاغط بيهه ع الستيرن صرت حافظه كل افعاله  وردات فعله حتى تفاصيله . ادري بي من يصير عصبي يضغط ع اي شي بأيده .   . ..

ممكن اعرف هدئت لو لا . لان اريد احجي وياك
. .
وسام .. احجي شتريدين . (احجي بس مخنوك ومقهور ) .. .
.
ياسمين .. الي حجيته قبل شويه صحيح  .
.
وسام . شنو الي حجيت .. .rose_____ali
.
ياسمين .. انه انت تحبني .. .

وسام .
سالتني هذا السؤال واحس قلبي تكطع قطع وكفت السياره ع صفحه   .

احجي شعندج لتظلين تسألين  .. .

ياسمين .. اني اسفه بس اريدك تطلكني .. .

وسام ..
هذه ثاني مره احسهه تضربني بقلبي جنت اباوع عليهه من كالت هيج درت وجهي وضحكت . ضحكه قهر وكتلهه  ماشي الي تريدي يصير . 
.
كملنه طريقنه للبيت من وصلنه هي بسرعه نزلت من السياره .بقيت كاعد.شويه وسقتهه ورحت للشقه . دخلت وصلت للصاله سمعت رانيه تحجي .  ..

رانيه
(وره مطلعو وسام وياسمين من المطعم طبعا بعد ما اتكسر قصي . لكن عادي صحى كل شي مابي مثل قط بسبع ارواح .  عفته ورجعت للبيت . . عبالي افرقهم بس شو اخذهه وراح كلت اكيد بعد الي صار وسام مراح يكدر يسيطر على نفسه واكيد راح يعترف بحبه ... جنت كاعده خابرني . قصي .. .
.
قصي . شصار . معرفتي .
.
رانيه . لا .كل شي معرفت . واذا اعرف شي اكيد راح اكلك .. ..
.
قصي .لدكليلي بعد كل هالكتل  الاكلته ماكو نتيجه .
.
رانيه .. شوف قصي اني مكتلك متدافع على نفسك .اني خططتلك ..وكتلك راح اخذهه للحمام  وانت عليك الباقي   مكتلك تعوفه يضرب بيك .. ..
.
(بعدني دا احجي ويا شفت وسام سحب الموبايل من اي ))  .
.
وسام . اني اعلمك حقير ..مراح افوتهه الك . . .
(قبل ما اكمل كلامي سد الخط ) ..
.
.عاشت ايدج والله يعني انتي مخططه للموضوع . من هاللحظه بعد لا اعرفج ولا تعرفيني . وحتى من الشركه انتي مطروده عبالي ادميه  بس تبقين دومج ساقطه وبنت شوارع عبالي تعدلين  بس ابو طبع ميجوز من طبعه .  .. وعفتهه وطلعت تصيح ورايه . مهتميت رجعت للبيت . لكيت امي وحدهه كاعده بالصاله ...
.
ام وسام . ها يمه شبيك . شو مرتك من جتي لحد هسه قافله الباب على نفسهه وساره ملوبحه تريدهه تفتح الباب و ياسمين معانده شصار يمه . .
.
وسام . لتخافين يمه ماكو شي . ابويه وين ...
.
ام وسام . يمه ابوك نايم . تعرفه ينام من وكت .  .
.
وسام . ماشي . باجر قبل ليطلع خل ينتظرني اكو موضوع اريد احجي وياكم بي . ...
.
ام وسام . خير يمه قلقتني . .
.
وسام . ماكو شي يمه ليضل بالج . صاعد انام .تعبان . .تصبحين على خير . .
بوست اامي من راسهه وصعدت شفت ساره واكفه باب غرفتنه .