Dancing On Your Heartbeat • Kookmin || Completed ||

- 20 -

Dancing On Your Heartbeat ( 20 )

Unicode

" ပတ်ဂျီမင်း ဆိုတာလား မသိဘူး ခင်ဗျ ။ ဒီဖုန်းပိုင်
ရှင်ကကား Accident ဖြစ်ထားလို့ ။ ခုဆေးရုံပို့ထား
ပါတယ် ။ အမြန်လာပေးနိုင်လား ခင်ဗျ ? ဆေးရုံက ... "

တစ်ဖက်က တရစပ် ပြန်ပြောသော အသံကြောင့်
လက်ထဲက ဖုန်းက မြေကြီးပေါ်ကို ပြုတ်ကျသွားသည် ။

ပထမဆုံး စခေါ်တဲ့ ဖုန်းဟာ ကား Accident ဖြစ်လို့
တဲ့လေ ။ ဂျီမင်းက မယုံနိုင်သေးဘဲ ကြောင်နေမိသည် ။

" နောက်နေတာမလား ? "

" မြန်မြန်လာပေးပါ ... "

ချသွားတဲ့ဖုန်းနောက်ကွယ်မှာ ဂျောင်ကု ဘာတွေဖြစ်
နေလဲဆိုတာ ဘာမှ မသိရ ။ အနည်းဆုံးတော့ သူက
ကောင်းကောင်းရှိနေရမှာကို ဝေးကွာနေတော့မှ ဒီလို
အဖြစ်ကို ဖြစ်သည် ။

ဂျီမင်းက မိုးရေထဲမှာ အတွေးပေါင်းများစွာနဲ့ ထီးလဲ
မပါဘဲ ဂျောင်ကု ရှိတဲ့ ဆေးရုံဆီ ဦးတည်ရင်း ပြေး
နေမိသည် ။

" မဟုတ်ဘူး ... ပြေးနေလို့မဖြစ်ဘူး ။ တက္ကစီ ...
တက္ကစီ "

လူက ရူးသွားမလိုတော့ ဖြစ်ချင်သည်မို့ အသိစိတ်
လည်း လွတ်နေမိသည် ။

တက္ကစီကို အမြန်တားလိုက်ကာ ဆေးရုံဆီသို့ ရောက်
လာခဲ့သည် ။ ဂျီမင်းက ကားပေါ်က ဆင်းဆင်းချင်း
ဆေးရုံထဲကို ရွှဲစိုနေတဲ့ အဝတ်အစားတွေနဲ့ ဝင်လာ
တာကြောင့် အားလုံးက အထူးတဆန်း ကြည့်နေကြ
သည် ။

" ဂျွန်ဂျောင်ကု ဆိုတဲ့ လူနာက ဘယ်မှာလဲ မသိဘူး
ခင်ဗျာ ... "

" ဒီလှေကားက တက်သွားရင် ညာဘက် အစွန်ဆုံး
အခန်းမှာပါနော် "

ဂျီမင်းက အမောဖောက်မတတ် ဖြစ်နေသော်လည်း
ပြေးတာကိုမရပ်နိုင်သေးဘဲ အခန်းရှေ့ ရောက်သည်
အထိ ပြေးနေမိသည် ။

အခန်းရှေ့ကိုရောက်တော့ တံခါးကို အမြန်ဆွဲဖွင့်
လိုက်သည် ။

" ဂျွန်ဂျောင်ကု ... ကု ... "

ကုတင်ပေါ်မှာ အကောင်းပကတိအတိုင်း ထိုင်နေတဲ့
ဂျောင်ကု ကို မြင်လိုက်ရသည် ။