ELEMENTS BOOK 4 Taming Wind (Completed)

Taming Wind Chapter 4

Morning person si Camille. Maaga pa lang ay bumangon na siya para sa kayang regular na baso ng freshly squeezed orange juice at black coffee. Inisip niyang hintayin na lang na magising si Adam bago mag-breakfast ng totohanan. Siguradong tanghali iyong magigising dahil tiyak siyang gabing-gabi na ito natulog. Pero bumababa pa lang siya ng hagdanan ay naamoy na niya ang amoy ng freshly brewed coffee. Nakabukas din ang bintana kaya malamig ang loob ng vacation cabin.

"Adam," tawag niya sa pangalan nito pero walang sumagot sa kanya.

Nakiramdaman siya. Tahimik din ang buong bahay. Nasa paanan na siya ng hagdanan ng bumukas ang pintuan at pumasok ang pawis na pawis na si Adam, mukhang galing sa jogging at may hawak na isang supot ng tinapay mula sa bakery.

"Good morning!" bati nito sa kanya.

"Natutulog ka pa ba?" tanong niya.

"Yeah," tugon nito. Dumiretso ito sa kusina at kumuha ng tubig sa ref na para bang sanay na sanay na ito sa bahay na iyon. Uminom ito. Sinundan niya ng tingin ang maskuladong braso na itinaas nito sa paghawak ng baso sa bibig nito. "As a matter of fact, I slept very well. Ikaw?"

Lumapit siya sa kinaroroonan nito. "Okay lang. Pan de sal ba 'yan?"

Ibinaba nito ang baso at hinawakan ang supot para singhutin ang laman noon. "Yup. It smells so good. I miss this. Kain na tayo?"

"Sige. I'll just make orange juice. Gusto mo rin?"

"No. Okay na ako sa tubig at kape."

Nagsimula siyang mag-squeeze ng orange para sa sarili at ito naman ay naghugas ng kamay bago ihanda ang mesa. Nakatalikod siya rito pero nararamdaman niya ang pagkilos nito sa kanyang likuran. Bigla na lang niyang naisip kung gaano kasimple ang umagang ito at kung paanong puwedeng masanay sa ganito. Nang humarap siyang muli kay Adam ay nakahinto ito sa inayos na almusal at nakatingin sa kanya.

"Why?" Tanong niya.

"Good morning, Camille" ulit nito sa pagbati sa kanya at sa pagkakataong iyon ay binanggit iyon na parang na-realize nito na maganda nga ang umaga.

"Good morning, Adam" nginitian niya ito.

Ang kulang na lang sa eksena ay lalapit siya rito at ibabalot ang braso niya sa leeg nito para halikan ito ng pagbati.

Image out, sita niya sa sarili. Maaring may kasunduan sila sa normal na persona pero si Adam pa rin ang kaharap niya. Nagkatawang tao lang. Lumapit siya mesa at ibinaba roon ang juice saka umupo sa tapat ng inuupuan ni Adam. Pan de sal, orange juice, kape, butter, marmalade at ngiti ni Adam. Wala ng mas gaganda pa sa umaga.

"Anong gusto mong gawin ngayon?" tanong nito sa kanya.

"Tumunganga."

"Ha?" Natatawang tanong nito.

"Alam mo underrated ang tunganga. It is actually good for the soul," paliwanag niya. "Isang araw na wala kang iisiping gawin o galawin o planuhin. Ikaw? Kailan ka huling tumunganga?

Natagalan itong mag-isip.

"See? I'm right. Isa iyon sa hindi mo ginagawa na malimit gawin ng normal na tao. Therefore, iyon ang gagawin natin ngayon."

"Okay? Ano bang rules sa pagtunganga?"

"That's the beauty of it, Adam. Walang rules. Puwede kang tumitig sa kawalan, umupo sa damuhan, manood ng tv ng hindi iniintindi ang palabas o magbasa ng libro kahit wala kang intensiyong tapusin iyon, tikman lahat ng inilalakong pagkain sa labas ng bahay, hayaan ang sarili mong makatulog... anything goes."