حين تهوى القلوب

البارت الثاني

حين تهوى القلوب
بارت2
##بقلمي.
لحن الحياة

-وكعت ع الارض وشالني نسوان مااعرفهن..وصلت باب الاستقبال واتخبلت من شفت النسوان لابسات الاسود ويتصارخن .بقيت ادور بالوجوه على امي .وجسمي كله يرجف ..يماا وينج يووم .ماحسيت غير بنت خالي لزمتني بكتفي بجت وكالت

-البقيه بحياتج .😭

-عطت بيها وكلت.شنووووو ولج شدتحجين شنو هالخرابيط اريد واحد يفهمني شصاير اجت عليه مرت خالي ونسوان وياها يهدأن بيا .واني اصرخ بهستريا.*

خاله الله يخليج كولي امي وينها وابوي وين .وشعدهن النسوان يمنا وليشش هالبجي .حاجيهن خل يسكتن .فدوووة راح انجن

-يما دينا الموت قضاء وقدر وكلنه ع هالطريق وهذا الي كاتبه الله علينه

-شنو قصدج .اباوعلها تبجي وكوه تحجي .

-ياربي والله حيره شكللها ..بنتي اهلج انتقلوا الرحمة الله ..

:-شنوووووو لااااا ادري تجذبين عليه .. باابا وينك وين رحتتتت..ماما اطلعييي فدووة لتضحكون عليه ..كعدت بالكاع واصرخ وابجي بحركه .وكل شوي تدخل مجموعه نسوان وينقهرن على حالي .ويسألن مرت خالي انو اني هي بنتهم وتجاوبهن بنعم .

واني مصدومه من اللي صار بيا وكيف بلحظه خسرت كل ما املك ..ربي والله الصبح شفت بابا من طلع للدوام ومابي شي وحتى ماما اليوم شفتها شلون راحوا مني الاثنين سوه .

-كومي بنتي كومي الناس جايه تعزيج وتاخذ بخاطرج .مارضت تكوم وبس تبجي .كومتها واخذتها للاستقبال ..بقت تصرخ وتلطم

- بعد.اللي صار بيا وبأهلي وبعد ما تبهذلت وصفيت وحيده بهالعالم كعدت وسط النسوان بالفاتحه واصرخ بصوت عالي واصيح باااابا.ليش عفتني وحدي شلون راح اعيش بدونك..اااااخ يمه 😭😭ليش مااخذتيني وياج 😭😭يماا والله بس انتي وابوي الي بهالدنيا. ماعندي غيركم ومن دون البشر حتى اخوان ماعندي 😭😭اااااخ يمه وينج بحظن منو انااام و بعد المن.اشكي همي.ويا منو احجي وبقيت وسط.الحياطين ماالي سند بالحياة .

واني ابجي واصرخ حسيت وحده من النسوان اخذتني الحظنها ماشفت وجهها لان من.كثر ما بجيت عيوني مغوشه.ومااشوف شي غير دموعي ..جان تكلي

-يمه ديونه لا تبجين.من هاي اللحظه.اني امج وابو نهاد هو ابوج وولدنه اخوتج وتعيشين ويانه معززة مكرمه

-باوعتلها واني بحظنها .استغربت وكلت.خالةة انتي هناا .دفنت راسي بحظنها وبقيت اشهك وابجي..
خاله شوفي شصار بيااا .ماما راحت وبابا هم شلون اعيش بدونهم شلوووون 😭
:-يمه دينا هذا قضاء الله وهذا المكتوب قابل هينه عليه اشوف اخيتي ورجلها .متمددين كبال عيني بس جسد بلا روح

-هي كالت هيج واني طكيت بجي .وفقدت من كثر اللطم والونين والصياح وكل جسمي صرت مااحس بي .
بحيث.انكطع عندي الامل بالحياة بعد اهلي .تمنيت بوقتها اموت و همه يرجعون للحياة واشوفهم اخر مره بحياتي لكن هيهات وين يرجعون بعد مااخذهم الموت وضمهم جوه التراب وبقى الدار وحشه واظلم بلياهم .رغم خوالي واقاربنه ماتركوني لكن كلهم مو بعيني اريد الربوني وتعبوا حتى يكبروني واكون بهالعمر بس اااه ليش تركوني وسط الدنيا المظلمه .من هنااا راح تبدأ مأساتي بعد فقدان اعز مااملك .