حين تهوى القلوب

تكملة 35

حين تهوى القلوب ❤❤

##لحن الحياة.¿حنين .¿ وهذا بارت تعويض عن التأخير لانكم تستاهلون😊 🌹🌷

<~~~~~~~~~♡♡♡~~~~~~~~~>

موجــود اليحـبـك واليكــرهـك حيل
وأكو المكتول منك والسبب مجهول
أكو بحجة "ظروف"يهملك وينساك
وأكو يدگ باب بيتك حتى لو مشغول
لا تِهتم أبد ..... لو ردت راحـة بــال
وي النـاس خِلگـك خَـلَـة حيل إيطول
ولا تحرگ اعصابك من ورة شكم ناس
ترة بـــارد گـلبهم .. گلبـك الـمشعول !
ورة گلبــك لاتِمشي إيوگعـك بحـفرات
صح گلبك يحِس بس عـقلك المسؤول
ولا تـِمشي وية واحـِد مـايدوم ويــاك
إتخيل موقِفـك من تِنســأل شتگَـول

¤¤¤¤¤¤

-خطط احمررر مو 😏 ماااشي بعيني

-اسسس ☝لا حسبالج مااكدر اسويلج شي لان عمي هناا.😏

وعلي اخلي عمي هو بنفسه يتصرف وياجج ويعرف بنته شدتسوي من وره ظهره..

ام ناهد- شبييييك انهديت ع بنتي ..وانتي ام السان اثكلي شويه ..ولتعلين صوتجج

-والله الي يدك الباب يسمع الجوااب ..من رخصتكم..

حجيت ومشيت ..دخلت للاستقبال ترخصت من ابوي وعمي .وطلعت..

رجعت للبيت تعبان وماالي واهس بكل شي...دخلت من باب المطبخ ماكو صوت ..باوعت للساعه 10:30

يجوز نامو هسه ...فتحت التلفون لكيت اشعارات فيسبوك دخلت ع الفيس وراسلت اصدقائي.

لكيت رساله من حمزه (صاحبي)عازمني ع عرسه ..باركتله واني امشي شفت عمتي واديان والبنات الصغار بالصاله ..وكاعدات يباوعن ع التلفزيون .

كلت..السلام علييكم ..

دارن عليه وكالن

-وعليكم السلام..

عمة اياد-هاا اياد شلونهم اهلك😌

-الحمد لله يسلمون عليكم ..

-الله يسلمهم ..خو ما واحد منهم حجه حجايه وغثك بيها.. لان وجهك ميبشر بخير..

-ههه😏 ميرادلهه سؤال موبديهم .لازم يغثون..

-لا اله الا اللللله شوكت يحسون ع ضميرهم لا ذمه ولا ضمير .....من تدري بيهم يغثوك جان لا رحت

-رحت بعد ...يلا عمه رايح انام لان ميت تعب..

-اسم الله عليك من التعب..بس اريد اكلك ع شغله

-آمري.

-ما يأمر عليك ظالم ..تعرف انت باجر عرفه والحجاج يطوفون بيت الله..ونتمنى نحصل ولو شويه من اجرهم وحجتهم...

اذا تكدر وماكو زحمه عليك تاخذنه باجر لكربلاء نزور الحسين والعباس عليهم السلام ..وزيارتهم بعرفه تنحسب الف حجه..