حين تهوى القلوب

بارت10

صباح النرجس🍁🍁

حين تهوى القلوب❤

##بقلمي.لحن الحياة..حنين ...
حبايبي لتنسون تضغطون ع النجمه وتنطوني رايكم بكل بارت 😉 ..رايكم يهمني😍

--دكات كلبي علت وهواي افكار بقت تدور براسي..كلت بكلبي.ياربي سترك.ودخلت للغرفه...
كعدت خالتي ع السرير..واني كعدت كبالها ع التخم...

-والله يابنتي مااعرف شلون و من وين ابدي

-احجي خاله خوفتيني..تنهدت وكالت

-اديان انتي مثل بنتي الله شاهد..

-واني معتبرتكم  اهلي .

-ياحبيبتي..واهلج من توفوا ...

-الله يرحمهم😢😢

-الله يرحمهم..تركوا وراهم املاك وخيرات  .وانتي بنتهم الوحيده واكيد كلشي يملكوه صار الج ..

-اي خاله..بس مدا افتهم عليج  ..

-اديان انتي بعدج صغيره ومو كد الحمل..والاملاك اذا تبقى على بإسمج احتمال ينهبوها الحراميه ويسرقون كلشي..وشي ثاني اكيد احنه مراح نخليج ترجعين البيت اهلج وتعيشين وحدج

..ولاسمح الله يصير مايصير بهالدنيا..وصار بيج شي وين ننطي وجوهنا..

- بقيت ساكته...ومركزه بحجي خالتي الي اثر بيا...اكلج خاله لعد شلون هسه شسوي..

-ماادري..اني اكول..سجليها بإسم خالج..لو بإسم ابو نهاد.حتى محد  يدنالهن وهمه يعرفون شلون يتصرفون

..ابو رضا حاليا ماموجود ..جان سجلناهن بإسمه  ومنا لحد مايجون الله اعلم شيصير..لان قبل شوي سمعت من خالج كال..وهو رايح للولايه لاكي واحد من جيرانكم وحاجيله عن البيت وانو  حراميه رايدين يدخلون البيت ويسرقوه..واحمد الله اخذت مستمسكات البيت ومستمسكاتج انتي واهلج وياي..

وهسه انتي لازم تنطين وكاله عامه لواحد من خوالج حتى يتولى امور الاملاك
..
-زين ليشش خاله يعني لازم انطي وكاله..وهي الوكاله اصلاا شنو

-معناها تنطين الحريه الكامله الهذا الشخص انو يتصرف بالاملاك..وهو يسجلهن بإسمه..ولحين ما تكبرين وتعتمدين على نفسج كل املاك اهلج ترجعلج..لان انتي هسه صغيرة ونخاف عليج

-هاهي خاله.بس افكر بالموضوع

-فكري حبيبتي منا الباجر..بس وغلات عيونج كل الكلته لأجل سلامتج وحفاظا ع املاكج

-رحم الله والديج خاله...كامت واني كمت وراها  اجت عليه باستني براسي. وكالت

-هذا البيت بيتج .وليظل بالج يمه .انتي بإدين امينه واملاكج اذا سجلتيها بإسم خوالج.مو معناها يروحن بعد ميرجعن ..هذا حكج ومحد يكدر ياكله عليج .لان اكو رب يشوف وورانه حساب وكتاب .واحنه نخاف الله لان اللي يأذي اليتيم الله يأذي..