حين تهوى القلوب

بارت13

مساء القرنفل 😍

حين تهوى القلوب

##بقلمي لحن الحياة.....(حنين )

طلعت خالتي.وتتمشى برهاوه...وتحجي ويا بناتها وتكللهن

-ممنوع اشوف وحده منجن تساعد هالحيوانه

ردت عليها مريم.- يمه ترى اديان ما الها شغل ليش تعذبيها بشي هي ما مسويته ,

سراب-اكلي تبن لا افرك حلكججج .شغله متخصج ليش تحشرين روحج بيها طلبت رأيج اني .

الكلته يتنفذ واللي تخالف اوامري وتروح تساعدها حسابها عسيررر

اديان-التفتت علي .باوعتلي.بحقد .ومشت . ومريم وسلسبيل مقهورات يباوعن علي وعلى خالتي.وميعرفن شيسون .بس الجبيره.طابكة ويا امها.

لو اعرف شمسوين اهلي وكل هالحقد عليهم .😭.اتذكرت امي من احد  يظلمها  تسلم امرها لله وتكول  حسبي الله ونعم الوكيل.

وكفت بإستعداد وكلت واني رافعه ايدي للدعاء.--ربي سلمتك امري..وانت نعم الوكيل. . توجهت للمطبخ .غسلت وجهي .وتحزمت وكفيت ارداني..بديت بغسل المواعين ومسحت الطباخ صاير زباله

خالتي تراقب الوضع.كل مشوار تجي تاخذلها نظره وتروح..

باوعت للكاع تخزي.جبت الزاهي ورشيته بالكاع ودرت فوكاه مي .طلعت من برا لكيت المكناسه ام العود 😂 قصدي اليدويه .

اجلف بالكاع وارجع.ولا كأنو مسويه شي والمشرف بنت خالتي تصيح لأمها وتكللها

- دارت الزاهي كله بالكاع

ردت عليها خالتي ببرود ;- عادي ولا يهمج اللي اخذناه منها يسوى ابو الزاهي خليها تشتغل.

-كلت بكلبي بسيطه اني اعلمكم ..لا حسبالكم عمري13,وتستهانون بيا تجي الايام واشوفكم شتسوي.اديان 😡

باوعتلهن بطرف عيني وصديت ع الكاونتر مسحته ورتبته من الداخل .وغسلت الشبابيك المليانه دهن .ساعه واني اجلف لحد ما تشلعت ايدي .....

انتهيت من التنظيف..التفت وراي لكيت كرسي واني منا ميته تعب.كبل سحبته وكعدت ..نزيت على صوت خالتي  .

-ولججج بنت الخره شكعدج كومي سوي الغدا .ساعه واريده جاهز

-جريت حسره وكلت.بصوت..استغفر الله واتوب اليه..

-الله ياخذج .ليش انتي تعرفين الله

اديان-والله ياخاله ياريت تفهمين نفسج هالحجي ...لو تعرفين الله ما تظلمين يتيم بلا ذنب.

خلتني اكمل حجي وهجمت عليه دفرات وراشديات وتكفش بشعري .واني اصرخ واكللها كااافييي الله يخلييج والله رررااااح اموووووت

سراب -ويننن الله وتموتين صدك وافتك منج ...

-شمرتني بالكاع وطلعت تحجي بصوت عالي.