حين تهوى القلوب

بارت9

👋👋سلاام

حين تهوى القلوب
##لحن الحياة...حنين العراقيه 💔

مددت بفراشي وسرحانه. . .  ..

اووف مؤمل لو تدري  شكد حبيتك جنت اكول انت االي راح يخلصني من يأس الحياة. بس الظاهر مكتوب عليه الحزن ...  اعز ناسي تركوني ..وهسه اجه دورك ..ربي شضامتلي الدنيا  بعد مكتوب عليه القهر واني بهالعمر....تنهدت وكلت الحمد لله على كل حال.

مريم- اكلج اديان عود ليش زهور جذبتج..

-ههه وشعرفني..اصلا ميهمني .هي الدنيا كلها ضدي بقت على زهرة  ..احجي وصافنه عالسكف

-احنه كلنه سمعنا مرت رضا كالتلج يتيمه..

-انسي.مريوم متسوى الدنيا ..اكلج وججج عزززة شلون بيااا

-شبيجججج😐

-وج امتحانات اخير السنه الاحد الجاي.وخالتي منى كالت الخالتي لتخلين اديان تروح هناك خوفا عليه من مرت رضا ..وامتحاناتي شلوون

-يااااا..هسه احاجي امي...

-يي فدووة الله يخليج.....راحت مريم تحاجي خالتي..ورا ربع ساعه اجت...اول ما طبت كلتلها ..هاا بشري

-اكللجج.والله ماادري..ابوي ونهاد عدهم شغل.واخوتي البقيه.عدهم دراسه ..وامي تكول ما أمن اذا اخلي الها خط..بهالحاله..لازم تروحين البيت خالتي بين ما تخلص الامتحانات.وبعدها ترجعين..

-لا فدووة شتحجين...واني احجي دخلت خالتي...خاله وين ارجع..والله اخاف منها..

-لا يمه حجيت ويا رضا.كال اني اخذها للامتحان وارجعها..

-صدك خاله

-طبعا صدك..

-....لزمت كلبي واخذت نفس..تسلمين خاله

-الله يسلمج حبيبتي...بهالاثناء تذكرت كلام امي  ...باوعت الخالتي.وهي تمشي تريد تطلع..رجعت انداريت ..معقوله خالتي مو زينه..بس لاا والله خالتي ماكو اطيب من كلبها واني راقبتها مدة اسبوعين وكل تصرفاتها جانت تدل على انو هي طيبه وتحب الخير مو مثل ماسمعت عنها بس ليش امي حجت عليها وكانت تحذرني منها
وهاي صار شهرين عايشه ويا خالاتي. ماشفت منهن غير الحنيه ..بعدت الافكار من راسي.وكعدت اقرأ

...شوي و دخلن بنات خالتي ..علكن التلفزيون..والصوت عالي ..كمت اقرأ بدون استيعاب..وارجع اعيد من الاول  ..تالي نعست ونمت

ثاني يوم كعدتنه خالتي الفجر ..لان خطيبة نهاد واهلها راح يجون ..
مريم اخذت الاستقبال وريام وهاله يساعدن خالتي بالطبخ لانو كبار ويعرفن بهاي السوالف التعبانه..
واني وشرشبيل.😂اقصد سلسبيل  نظفنه الطارمه ومسحنه الشبابيك...وخالتي انطتنه بردات جديدة ..نزلنه المعلكات وخلينه الجديدات ...وراها غيرنه الزوالي ونكتناها من التراب شوي وصاحت ريام تعالن للمطبخ  رحنه كلنه  غسلنه المواعين وكعدنه .وكل شوي يصخرنه على شغله .......الى ان تكسرنه ..وشردنه للغرفه...بس دخلنه سمعنه هوسه ...