حين تهوى القلوب

بارت24

مساءكم ورد جوري😍

حين تهوى القلوب..

##لحن الحياة¿¿حنين.

وكف السيارة..وصاح بغضب

-اديااااااااان اسكتي ..لا بعلي هسه اخلي وارجع وانعل ابو الي يسووي زيييين ..بس لا هو مو صوجج صوجي شايل همج وخايف ع خالتي كلت اخليج تشوفيها...

-لااا عليك الله شبيكك ..والله ماقصدي اضوجك..اخذني خل اشوف خالتي

سوه نفسه ميسمعني وحرك السيارة والتف ورجع للبيت .....كلي

-ابقييي هنااا وممنوع تتحركيننننن 😡شويه وراجع ...

-جمدت بمكاني وسكتت..دخل للبيت ورا شويه طلع وياه عمته وصعد بالسيارة وكلي كومي ارجعي ليورا ..نزلت وكعدت سم عمته ...بس ضجت منه لان قبل لحظات شلون جان كلبه طيب وبسرعه رجع لخبالاته  😔..

عمته همست بأذني

-اديان شبي ايااد ..

-خاله..خاف يسمعني والله ماعنده مشكله يوكف السيارة ويجي يطلع حركة كلبه بيا
.بس اريد افتهم شغله...من هو ميحب الباطل ليش يضرب الناس قبل لا يفهمهم ويفتهم منهم  ترى والله ميصير ..

داحجي وانفعلت حسيت ب صوتي صارشوي عالي وينسمع..خليت ايدي على حلكي وباوعتله  همزين مو يمي يسوق ومنتبه للطريق ..

رن موبايل عمته ..طلعته من جنطتها وفتحته ..مكتوب ام عبد الله..انداريت عنها..واجت عيني ع مراية السيارة اللي كبال اياد ...شفته يباوعلي

خفت من نظراته وراسا صديت اباوع للشارع

كلش حلو و الدنيا ليل والبلاجكتورات مليانه الشارع...اعاين ع الناس وع المحلات والكهاوي والناس البيها ..تونست كلش.

اخذني الفضول اشوف اياد خو ما يباوعلي ..رفعت عيني للجام وفعلا لكيته يباوع وما شال عينه باوعتله صفح..بمعنى ضايجه منه لان صاح بيا..ورجعت اعاين الشارع لحد ما وصلنه بيت خالتي.. وكف السيارة كبال الباب ونزلنه ..

اياد ..دك الباب  طلع رضاا...رحب بينا وكال تفضلو..بس ما شافني لانو ظلمه .....مشو هو واياد كبالنه واني وعمة اياد وراهم
واسمع رضا يكول الاياد-ما وصلتك اخبار عن اديااان