حين تهوى القلوب

بارت 20

صباح الفستق😂😉

حين تهوى القلوب❤
#لحن الحياة.

-وشنو هو ...دايره وجهي عنه واحجي

-الوكاله باطللللة

-صديت علي وكلت...شنوووو شلون يعني باطله.

-لان عمرج ميتجاوز ال18..ف تعتبرين قاصرر..ومتكدرين توقعين ع وكاله .

.لازم ولي امرج وانتي ماعندج لا اب ولا جد ولا اخ

...وبهالحاله عمج هو الوصي على الاملاك... وايضا هو  ميكدر يتصرف بكيفه الا ياخذ اذن من الوزارة وميوافقون الا اذا كان الشي الي يريد .يسووي. بي منفعه لصاحب الاملاك..

.....واني راح طالع برا وانتظرج...الج عشر دقايق.اذا طلعتي اهلا وسهلاا.واذا تأخرتي .براحتج..

-مااكدر ارجع ...رجعولي املاكي ومشكور مقدماا

-اهاا هيجج صاررت...ماشي...راح انتظرج اني ع كد المهله واذا تأخرتي ثانيه متلكيني..

-اي عود ميخالف...طلعت من يمهم..وسمعته ترخص من المديرة وشكرها واخذ عمته وطلع..

رجعت للغرفه ولحكتني خاله الهام..وتكلي

-اجت الفرصه الج برجليهاا لا تضيعيها وروحي وياه..

-خاله اخاف منهم.والله اخاااف..اشوفهم بعيني وحوش مو بشر..

دااحجي ويا خالتي واجت رواء

-هاا ادياااان بشرري..

-الوكاله باطله

-ياوكاله.؟😯

-مالت الاملاك..

-صدكككك.الف الحمد لله  ...بس شلون عرفتي وليش ضايجه..

- نفسه ابن خالتي .. هو الي كلي..ويريدني ارجع وياه..

-ولجج ارجعي وطززز بخالتجج ..حقوقج ورجعتلج بعد من منوو تخافين من سراب .ام الجراثيم..

-رواء عليج الله سدي الموضوع لانو صار ماضي وكلشي انتهى ومستحيل ارجع بعد..

-ولج بس مره من المرات امشي بحجايتي وصدكي متندمين .مدري الي براسج عقل لو راس فجل 😒😒

شويه.شغلي هذا 👈👩.لتبقين ثوله لازم.تاخذين حقج

ترى الساكت عن الحق شيطان اخرس !!!

-واملاكج

-اخذها منهم.واتصل على عمي واكله يجي للعراق..

-ايي عيني وشلون راح تاخذين رقم عمج وانتي كاعدة هنا

الهام-ولجج ماما 3 دقايق راحتت منجج.لا يسويها و يعوفج ويروحح..

-خاله شلون اروح وياه..مااكدر

-وجج مياخذج البيت اهله ياخذج البيت عمته..واني اروح وياكم حتى اتأكد من صحة كلامه..

-اووف...ربي ساعدني....ضليت افكر وخاله الهام ورواء كل وحده ترزل بيا من جهه  واني ساكته ..مااعرف شسوي..اذا اروح خاف يلعبون غير لعبه ويموتوني ع الاخير لأجل طمعهم ..
واذا ابقى ويطلع كلامه صح راح اخسر كلشي...