حين تهوى القلوب

بارت3

حين تهوى القلوب

##بقلمي لحن الحياة⏳

راحوا ما خذوني...
       هلي ويمكن نسوني
بعدهم يتموني.....
     وانه صغيره إعله همي
يدنيا وين اهلنه 👪
           وين اهل المحنه
تفاركنه بحزنه .....
    ويبس دمعي ويا دمي 😭

اتذكرت كلام امي عن خالتي  بس.مادرت بال بكد مامقهورة وكلبي ديموت بكل لحظه على فراك اهلي...مشيت وياهم وقبل لا اخطي اخر خطوة خارج البيت نظرت الكل زوايا البيت ولكلشي بي اتذكرت ايامي واتذكرت اهلي  ..وين كعدنا وين ضحكنا وين انجمعنا وسولفنه وشلون اروح للدوام واجي الكه ماما تحظرلي الاكل  وين مااصد اشوفهم كبالي اثرهم موجود بكل كتر بالبيت.😣 ياااريت لو دموعي ترجعهم جان بجيت حتى عيوني ..واني اعاين واسترجع ذاكرتي صاحتني خالتي منى..

منى-اديان يلا يمه امشي..

-كلت بداخلي ما ارووح .ما اكدر اعوف البيت الي بي ذكرياتي ويا اهلي...احس يردون ياخذون روحي مني .....باوعت الخالتي وحجيت بتوسل ودموعي تجري بغزاره..
خاله فددوووة عوفوني هنا مااريد اروح  مااكدر😭..حسيتها انقهرت ..لزمتني من ايدي وصعدتني بالسيارة مال خالي.  بقيت اني ابجي واصرخ
عوفووووني مااريد اروووح وياكم يماااا وينججج😭 بااابا تعاال راح ياخذوني منكم تعال اريد اجي وياكم  بقيت ادك على رجلي وابجي وروحي اختنكت من البجي .
خالتي منى مقهورة مني وخالتي سراب كالتلها

-  ليش هيج قسيتي ويا البنيه حكها اهلها شلون ترديها تنساهم وتروح ويانه بسهوله

- النوب انتي ..سراب اسكتي رحمه  الوالديج  ..شفتيها شلون عاندت وتريد ترجع بعد كل الحجي الحجيناه وياها ..

-  ياعيني بس مو هيج . .

منى-اديااان ..ماما اديااان .... عدلت عباتي وانداريت عليها لان كاعده بالصدر وهي ورانه... مو احجي وياج ليش متجاوبيني ايونه حبيبة كافي بواجي الخاطري..والله شكيتي كلبي مو حتى بلعومج راح يلتهب
- 😭😭بقيت مستمرة بالبجي ...اخذتني خالتي سراب الحظنها وبقت تقرأ المعوذات وتهدي بيا وتحجي وياي بهدوء وتسمعني كلمات حلوة تذكرني بماما الله يرحمها.....وصلنه  خالي البيت خالتي منى ونزلنه اني وخالاتي

منى-هاا ام نهاد راح تباتين يمي موو  لو ترجعين ويا ابو علي

-لو ارجع مجان نزلت من الاساس ..

-هلا بيج ..باوعت ال اديان تبجي وسراب حاضنتها كسرت كلبي ،بجيت عليها وعلى اخيتي الراحت وما لحكت اشوفها.. .مسحت دموعي ودعت ابو علي وطبينا جوه .

اول ما دخلت الاستقبال تلكني البناات
-هلا يمه شلونج

-الحمد.لله  .. تعالي فردوس  اخذي ملابس وغراض بنت خالتج ورتبيهن بالكنتور مالتجن

-صار يمه تدللين ..

اديان-خاله ملابسي نزلتيهن من السيارة لو ضلن بيها

سراب- نزلتهن خالتج منى ..

-هااا....اباوع الحوش جبير وكله بلاجكتورات . خالتي دخلت واني دخلت وراها لكيت رجل خالتي رجال جبير وقور اجه  سلم علي وواساني والبنات هم سلمن عليه وعلى خالتي...
رجل خالتي كال للبناات

-ديربالجن على بنت خالتجن واللي تغثها بحرف معناها تغثني الي مااشي

البنات-ماعاش اللي يغثك بابا..تؤمر امر نخليها بعيونه

-عفيه بويه ...يلا خالي طبي ارتاحي ولا تستحين اعتبري  البيت بيتج ..

-تشكرت منه ودخلتني خالتي للغرفه مالت البنات ...خالتي منى طلعتلي ملابس وكالتلي

- كومي سبحي شوي حتى جسمج يرتاح واذا احتاجيتي شي البنات يمج

-تسلمين خاله..اخذت الملابس منها ودخلت..علكت ملابسي وبقيت صافنه .صورة البيت ماراحت من بالي ..ربي شسويت بحياتي واخذت اهلي مني .ربي ليش خليتني وحيده لا اب لا ام لا اخوو يسندني بالحياة لا اخت تواسيني وتشاركني حزني....سبحت بدموعي ..واني احجي بأهلي واتحسر عليهم امنيتي يرجعون .....
خلصت سبح  ولبست ثوب اسود وطلعت للغرفه ...مالكيت احد..نشفت شعري ومشطت ..وصليت لان ماالحكت اصلي قبل لا اجي.....واني واكفه  ع الصلاة دخلت خالتي بيدها صينية ..وكالت

-ماما نونه من تخلصين صلاة اتعشي

-حجت وطلعت .. واني كملت صلاتي .ورحت فتحت جنطة الملابس طلعت منها قميص بابا وثوب امي..
ابجي واعاتب  بيهم ...طبت بنت خالتي شهكت وتخوصرت

- وجج اديااااان  ....يتبع