حين تهوى القلوب

بارت 27

صباح العسل 💞💞

شلونكم ياغوالي 😙😙اعذروني ياعيوني انتو لان صار يومين اتأخر بالتنزيل بس وغلاتكم مشغوله بين شغل البيت وخطار وكهرباء طافيه ونت ضعيف.. وعدكم الحساب.. ...

وفراغي ديصير بس بالليل 😕..😔

حين تهوى القلوب

##لحن الحياة¿¿.....حنين¿

مؤمل- وييننن رايحه ادياااان ..شو راجعه ويا اياد

رد علي اياد-ايي احسسن حتى اخذها وانهزم بيها ...

-رجف  كلبي وباوعتله مصدومه..طكها بضحكه قوية وكال

-شكد فطيررة هو الي يريد ينهزم يكول راح انهزم ..لو يخليها سكته  ويشرد  😄

-😔ايي والله هم صدك ..اووف يايمه وكع كلبي حسبالي صدك حتى اياد مثلهم..

بلحظه فقدت الامل وعقلي وكف...

خالتي لزمت اياد من كتفه.وكالت

- يي عيني تفضل...موو جاي تشوفنه.

-اي والله اجيت اشوفكم..واخذ اديان

-شنووو ..لااياد.. اديان ماالهه طلعه منا .ولتكلي امانه وهاي السوالف...

-لا خاللله والله امانة بركبتي...ما خايف عليها منكم .بالعكس مطمئن من ناحيتكم بس عمي ابو نادر ..اكيد راح يسويلكم سالفه خاطر يرجع بنته ورضا كلبه طيب وبسهوله يقنعوه ..وامي اعرفها زين ..مترتاح اذا ما تأذي اديان ...هفففف ..

-من جاب سيرة امه  تنرفز وزفر بقوة...واندار يهمس ويا روحه. .خالتي حجت

-ايادد انسه الماضي الراح راح  .والفكره اللي إبالك شيلها خلصص انساهاااا...لانو انتهت بوكتها وهسه انتو كبرتو وعين الله عليكم ..مااكول غير الله يهديج يا سرااب ...

-ايي والله ..يلا ياخاله نترخص ..

اديان -ردت اطلع ومؤمل كلي اوكفي وين طالعه واندار على اياد

مؤمل-لا ايااد شسالفه .تحجي صددك وين ماخذها..

-يي والله احجي صددك...

منى -خاله هذا بيتها....شنو كعدتها عند ناس متعرفهم ..ومثل ما انت تكول امانه عندك ..فهي بنت اختي ومثل بنتي وأمانة عندي لحد ما يجي عمها

-اعتذر منج خاله بس للضرورة احكام..ولازم تروح وياي ..اخاف يغدرون بيها اهلي وبيت عمي..ويصير شي ماحاسبين حسابه...

-بقيت ساكته واباوعلهم..اريد اشوف وين راح يوصلون...بس اياد قافل انو اروح وياه..

باس خالتي من راسها .واني هم بوستها وحظنتها .مؤمل كال

-لتكطعون بينا..

-رديت علي...ان شاء الله خويه 😒...

تعمدت اكله هيج  .واطلع القهرة الجنت ضامتها بكلبي