أخي الغيور

لمحة من الاحداث

:صارلي اربع تيام بتكريت ، خلصت شغلي ، ورجعت للفندق ، لميت ملالبسي وحاجياتي وحضرت جنطتي ، حتى من الصبح ، بإذن الله اطلع للانبار ،

: وصلت للبيت تقريبا قبل الوحدة الظهر ، ركنت سيارتي بالباب ونزلت ، فتحت الباب الخارجي

{: دخل بطوله الفارع ونظارته الشمسية ، جنطه الحاسبه بيده ، }

فتت ع البيت ، جمدت بمكاني ، يربي شنو خربطت بالبيت لو هذا بيتنه؟!!!
، شنو خربطت هذا بيتنه ، عجل هاي منين ؟!!!!!
مشيت وبديت أتقرب اكثر ، لاهي من بنات عمامي ولا خوالي ، بس مبينه ماخده راحتها ، لابسه برموده  والزنود طالعه ، والشعر نازل على  ظهرها ، تغسل بالطرم ، وشعرها نزل بالمي على گد ما طويل ، انتبهت عليه وشالت راسها ، وياريت ماشايلته ، !!!

ماحچيتها ، مريت  منها ، دخلت للمطبخ فارغ

دخلت للصاله الحجية فارشه سجادة الصلاة وبيدها سبحتها
ليث امدد ع القنفه ويدحگ ع التلفزيون
سيف طالع من الغرفه يلبس بالتشيرت
وليد الخاولي على رأسه ينشف بي

السلام عليكم
الحجيه : هلا بهطول هلا بشمعت بيتي
:دنك باس راس أمه ، يطولي بعمرج يمه
ليث : هلا يخوي الله يساعدك
وليد : هلا بسورها ونورها
سيف : الحمدالله ع السلامة همزين ما أتأخر هسه ردت اتصل عليك
:خير سيوفي خو ماكو شي
:صارت مشكلة زغيره بالشغل خل نتغده وبعدين اسولفلك
:خير ان شاء الله خل اصعد اسبح وانزل يوم تره چثير جوعان
: بعد أمك تنزل تلگه الغده حاضر

:صعد بعده على بدايت الدرج ورجع لتفت
:أگول صدگ هاي منين البت التغسل بالطرم

بهل أثناء دخلت {هزار } توجه عليها ليث حطها جوه دزاعه
:حس بنغزه بگلبه من حضنها اخو
:يخوي هاي الحسناء الجميلة غير هزوره اختنه !!!!!

عقج حواجبه وجه نظراته آلامه ودار حديث صامت بينهم