حب عبر الحدود ( باللهجة المغربية و الجزائرية) | مكتملة.

الفصل الاول

بقلمي انا يسرى.
حب عبر الحدود ❤ 💚
ظلام دامس ، سماء ممطرة..
اشرف : ياسمين قلت ليك نسايه
لينا ( شاداها من كتافها و كاديها و تجيبها) : ياسمين شوفي فيا ا صحبتي .. شوووفي ..سيري ل دار و دوشي و رتاحي
كانت نزلات يدها من على وجهها من بعد بكاء حااااارق  و هزات راسها  و شافت فيهم بعينين حمرين بحال الجمر ..وتكلمت بصوت مبحوح و الكلمات كيخرجو من شفايفها متقطعين
ياسمين :  و .. وا واش اتحمقوني !!!  واش غانسى عام والصرف فليلة وحدة  ؟؟؟؟
كان صدرها كيطلع و ينزل و هي كتنخصص ...  هز اشرف يديه بتردد باغي يحطها على كتفها..
اشرف : انا حاس بيك والله ولكن ..
سكت اشرف ل وهلة .... كيحاول يستجمع كلماته .... اما هي كانت سكتات كأنما سَكينة نزلات على صدرها ... و نطقات من بعد ثوانٍ معدودة  و هي كانشوف ف اللا مكان و الكلمات كيخرجو من جوفها متقطعين .. و بريق من دموع كيبان ف عينيها
ياسمين : كلشي .... سالا .... كلشي ....
بدات كاترفع صوتها تدريجياًّ و تخلطات لها ضحكة مع بكية كأنها دخلات ف نوبة هستييرية ...
ياسمين :ههههههه ك..كلشي. سالا هههه اهء .. ههه  كلشي 
اشرف  ( شاف ف لينا و هو كيحرك راسو من اليمين لليسار) : تت لينا يالاه فحالنا خليها دابا تهدا
لينا ( دورات وجهها ل ناحيته و خرجات فيه عينيها )  : نتا مالك مريض !!!! واش نخلي بنت عمي و نمشي ؟
بقات كاتخنزر فيه ل مدة ... عاد دورات وجهها ببطء و شافت ف ياسمين و هزات يديها و نزلاتها بحذر على كتف ياسمين و غييرات نبرة صوتها ل نبرة هادئة و حنينة ...
لينا : ياسمين  حبيبتي ...  شوفي الله يسهل عليك منقدش نشوفك هاكا ..
غمضات ياسمين عينيها و التزمت الصمت مرة اخرى .... ونزلو زوج دمعات اخرين من عينيها ...  ابتلعت ريقها و حلات عينيها و هزات يد كاتمسح بيها وجهها
ياسمين ( بحشرجة ف صوتها ) : لينا صافي ا ختي والله ... انا بيخير غير  سيري و نتا ا اشرف شكرا ..انا .... انا غانمشي فحالي
ماعطاتهمش الفرصة فين يجاوبو و حنات راسها و سارعت خطوتها و اتجهت للمنزل ديالها ....  دخلات نيشان للحمام و بدات كاتشوف راسها فالمرايا ل مدة طوييييييلة .... تمعنات ف وجهها  و ملامحها مزيان ... ف الهالات السوداء لي تحت  عينيها .... و تورمهم لي ف هاد الايام الاخيرة ولاو ديما على هاد الحال .... الفرق بينها و بين squelette ان هيكلها ولا مكسو بجلدة فقط ... كلشي بسبابه هو ... هزات تيليفونها و مسحات ديك المحادثة لي بالنسبة لها  كتحمل ذكريات خايبة و زوينة .. مسحاتها ب هدف انها عمرها مترجع تقراها ....  مشات حلات حساب ديالها ف الفايسبوك لي كانت محيداه هادي ازيد من 6 اشهر  على ودو حيت هو آمرها باش تحيده ..
أكيد غادي تظنو ان هاد البنت شي وحدة كبيرة !!
شي مرأة هرب عليها الرجل هههه تتت هذه فقط مراهقة .. نعم مراهقة لم تتجاوز الساسة عشر من عمرها ، مراهقة لي دمر احلامها واحد ا الإنسان .. مراهق بحالها ...
(فلاش باك)
ياسمين ( هزات عينيها فيه و حطات يدها على وجهو ) : امين امين شوف فيا هههه
امين(مركز فعينيها ) : اشنو ا مصيبتي .. ؟
ياسمين ( صغرات فيه عينيها بمرح )  : را غادي نضربك  را سميتي ''يا ا ا اسمين ''
امين :  هههههه
ياسمين (ابتسمت ليه ) : كانبغيييك والله
عنقاته بقوة..
امين : حتا انا والله ( زاد زير عليها )
ياسمين ( مزالا معنقاه) : واعدني عمرك تخليني
امين(بعد و شد ليها وجهها بين يديه ) : نتي عارفا انك الوحيدة لي بغيتها هاكا و الدليل هو عمري مقربت ليك و انا باغيك مستقبلا هه والله والله عمرك تسمعي مني هاد الكلمة د نتفارقو و كانوعدك عمري نخليك ..
ياسمين تفكرات هاد الذكرى من بعد ما يالاه تهدنات .... يالاه هزات تيليفونها .. وهو يهضر معاها امين...