حب عبر الحدود ( باللهجة المغربية و الجزائرية) | مكتملة.

الفصل الخامس عشر

نزيم : ماااساج لا لا هداك الماساج تاعك عارفو انا je suis fatigué مانيش قادر
انا : يااا على شكون داها فيك تانا خصني عقل دايرا راسي فك باغا نكمد لك عضامك و نتا عقلك فيه الأوساخ و الازبال
نزيم : هههه خلاص كنت نضحك
انا هيهيهي
نزيم : اوكي
انا : واااا ماتبقااااش تقولي اوكي كتعصبني كتفقصني
نزيم : هههههه اوكي
انا: : وا عقل فيها
نزيم : هههههه je rigole mon ange والله والله والله غير راني نحبك
انا : كنعوج فيه
نزيم : كي جوزتي طا جوغني
انا : باغفيط
نزيم : ولله الحمد
انا : حمد الله هههه
دزنا على يسرى و ياسر جبناهم من المدرسة وصلنا للدار دخلو حيدو حويجهم مشيت انا كنوجد الغوتي و نزيم جااالس يبلل ما كايسكتش من الهضرة هبطو كلينا قلت ل نزيم يمشي يقابلهم باش يخرجو لي دوفواغ بين ما جمعت الكوزينا داكشي لي كان جيت لقيتهم سالاو قلت ليهم
انا :يلاه دابا نوضو توضاو دابا خصنا نحفظو القرآن
ايلا مدرتش هاكا غادي يخرجو من يدي و ماغايشدوش ليا القرآن و ماغاديش تربا فيهم داك الجانب الديني مشاو الكتاكيت توضاو يسرى لبسات بحال الشكل د العباية د الصلاة فالبيض على قدها تانا لبست بحالها نزيم تا هو مشا توضا و جلسنا نحفظو ليهم كلا سيمانا سورة و مني سالينا نزيم صلا بينا .. دايرا ليهم واحد الساعة كيلعبوفيها كنوجد العشا و يتعشاو التسعود راهم مكمشين الكتاكيت .. مشيت دخلت دوشت دخل مورايا نزيم أنا وجدت ليه الزيوت ههه ماتخافوش ماساج عادي هي هاديك خرج تكا على ظهرو وانا كانماصي ليه و كنهضرو
انا: نزيم بغيت نسولك
نزيم : امم ..
انا : واحد أميرة منهار خرجات هادي 8 سنين ما رجعات
نزيم : واه
انا : و مسمعتو عليها تا شي خبار
نزيم : لا .. معلاباليش انا .. بصح يما و لا رانيا يمكن على بالهم عفسة
انا : اممممم. . هايداك
نزيم : واش فكرك فيها
انا : والو غير حيت ماعارفين عليها والو دابا طاحت ف بالي و صافي
نزيم : تضبر روحها حبيبتي
بقيت ندير لو المساج حتا نعس و تا انا طحت كاو عييت نهار كامل واقفة فالمحال
ليوم ما قدييتش نفيق كنسمع المنبه تقول انا كالسة فشي بير
انا (بصوت ناعس ) :نزييييم
نزيم : امم ..
انا : عافاك ا حياتي والله ماقادا نوض سير فيق الدراري الله يسهل عليك
نزيم : هفف خليني نرقد
انا : نزييييم عافاك ..
نزيم (ناض كينفخ ): هفف أيااا داكوغ داكوغ اوووف
انا (سيفت ليه بوسة هوائية ) : شكرا حبيبي. . آاه شوف الفطور غير جبد الحليب من التلاجة و جبد كورنفليكس راه كيبغيو الحليب بارد
يلااااه غمدت عيني و هي تجي البرهوشة الصغيرة كتغوت اويييلي اهئ اهئ على زهري هزيتها تكيتها فالفرشة نعستها حدايا و تانا نعست وخليتها ترضع حيت عارفاها اتبقا تنوض كل ساعة اللهم وقتما تبغي ترضع ترضع. . نعست تا رجع نزيم و هز ريم تاهو رجع ينعس تمخششت فيه ونعسنااا فقت على خاطري مع 11 مشيت فطرت و لبست حوايجي ديت معايا ريم وصلت قاديت الحسابات حيت هادا راس الشهر خلصت الخدمات انا جالسة و هو يبان لي عبد المالك داخل مشا جلس مشيت نرحب بيه انا يالاه وقفت حدااااه دربتها بواحد زلقة
كون ماشدنيش كون تهرست من عضيم الطيو هههه جرني لعندو تا وليت كانحس بالانفاس ديالو وعينيه فعينيية شي ثواني لكن تداركت الموقف و كحزت عليه
انا : امييييييينة عللللاش خليتي للما هنا كنت انطيح
امينة : لالا انا اصلا ا لالة مصيقتش ليوم باش نخلي الما
انا : و مني ماصيقتيش منين جا هاد الما
أمينة : والله معرفت ا لالة
انا : أوف صافي صافي و ماتبقايش تقولي لالة
امينة : واخا هه
انا : موسيو عبد المالك استسمح
عبد المالك : ههه سي با كراف
خديت الطلبية ديالو ديتها ليهوم و هو طلب مني نجلس معاه داكشي لي كان دخلنا ف حديث على الشغل ديالو
عبد المالك : واه عندي شركة تاع تصميم الازياء والموضة و الخياطة
انا : امم. . Intéressant
عبد المالك : نشا الله si tu veux نعلملك تصاميم مرا هايلة كيفك لازمها تصاميم خاصة لها
أنا : هههههه ميرسي c'est hyper gentil de votre part
عبد المالك : اوه. . S'il te plaît بلاش منها رسميات
انا : هههه داكوغ. . أمم صراحة كنت كنقلب على واحد الشكل ديال لي كابيشو يكونو فيهم he's mine و she's mine لكن ملقيتهاش
عبد المالك : ساهلة. . عندك ma carte visite ؟
إنا : وي ..
عبد المالك : كاش يوم جوزي لعندي و نبروبوزي التصميم على مصميمين ..
انت : اااااوه ميرسي
عبد المالك (قبط يدي شحال و هزها باسها ):ça me fait tellement plaisir تبعها بواحد الابتسامة جذابة
كملنا حديت عادي بقيت كنتسنا نزيم يجي وااالو مجاش مشيت شديت طاكسي و وصلت كان الضو طاااافي فالدار دخلت كنعيط : نزيم. . نزيم شعلت الضو دخلت لوسط دار غير ضرت وانا نتخلع
تخلعت. . لقيت نزيم كيشوف جيهت شرجم لي حدا الباب و عاطيني بالظهر و جامع يديه ورا ظهرو
نزيم : أهلا وسهلا. . (شاف ساعتو ) وين كنتي؟
إنا : خلغتينييي حرام عليك ..
نزيم : خلعتك؟ هاها اني غول و ماعلى باليش ؟
أنا : تا مالك ؟
نزيم : و ي ن ك ن ت ي ؟ (كيقولها متقطعة )
أنا : فالخدمة يا علا عييت نتسناك ما جيتيش .. أمم شت السهات فين يسرى و ياسر؟
نزيم : عند يما ايرقدو عندها الليلة
انا : و علااااش
نزيم : حبيت
انا : واخا تميت غادا فحالي ..قاطعني صوتو بواحد الصرامة
نزيم : هيييه .. وين رايحة
ضرت شت فييييه واااااحد الشوفات يا خرااااابي كون كانو قرطاس يموت طلع لي دم وانا نهضر معاه بالدارجة القحة
أنا : تااااا هاااا ويلي دااااخلة ل كابييينا دخل معايا يا على شتك شاااااعل ا خااااااي مااااالنا من صباح و نتا تقلز عليا ياكما بانو لك عندي لكرون ما كانفهمش ولا شنو فين كتي فين غادا فين جايا مااااالنا
تم جاي كتبان ليا عينيه حومر و عروقو خارجين جمعها معايا بواحد تصرفيقة تا حنكي عواج أمكن بقيت شادا
على حنكي شي عشرين تانية كنستوعب هبطت يدي و هزيتها تا هزيتها وانا نعطي ليه بواحد تصرفيقة واخا انا عارفاه ماغاتقصحوش لكن يدي مع صغيورة و رقيقة هههه اتشحطو بقا كايشوف فيا و هو يبدا يشندل فيا بخباطاتو تقول مدابز مع شي راجل حيد صمطتو و بدا يعطيني انا كنبكيييي و كنغوت ربي لي خلقني تا ماعقلتش على راسي حليت عيني لقيت راسي مازال فبلاستي نزيم كالس ف الفوطوي وشاد راسو بيديه نضت كنعكز على لحيط و بلا حس ما حملاش تجي عيني ف عينو خايفا يطلب مني سماحة ونسمح ليه غادا بشوية قبطت فواحد الكوان كان فوق منو فاز طاح دار شاف فيا
نزيم : ياسمين
انا : اهئ اهئ عافاك ماتقيسنيش بعد مني
تم جاي لجيهتي انا كنتخبا و كانكالي بيدي بحالا اضربني ساعا هزني و انا ساكتا دخلني للدوش دوش لي فصمت تا انا مهضرتش لبسني خرجني و دارني قلب الفراش و غطاني مزيان و خرج سمعت لباب د الكاراج تحل بقيت هكاك فقت نضت نشوف راسي ف المرايا تخلعت بزاااااف كولي زرقا لبلاصة لي قصتها كتعكرني انا مزال من هول الصدمة مصدقاتش كيفاش و هو مرة وحدة فحياااتو غير صرفقني دابا عطاني قتلة هبطت نقلب على ريم ماكاينااااش البنت اويلي بغيت نحماق و هي باقا صغيرة رضيعة خصها ترضع خايب ليها الحليب غبرة فهاد المرحلة هزيت التيليفون نعيط ليه
مكايجاوبش المرة الأولى و الثانية .. تا الثالثة عاد جاوب
نزيم : واش ؟
انا (بالغوات ) :ناااااااازيم فين هي بنتيييي بغيت بنتي داااابا
نزيم : راها عند يما
انا : ماااشي شغلي بغيت بنتي تكون عند مك ولا جداك انا بغيتها و دابااا واش مك اترضعها؟ راها مزالا صغييييرة
نزيم : دوك نجيبها لك . طيط طيط قطع عليا الله يقطع لباباه جدر الحمار لاخور تفو
بقيت كنتقلا فبلاصتي تا سمعت باب كيتحل هبطت كنجري نترت بنتي و عنقتها بحالا عام ماشتهاش و هو غير كيخنزر انا طالعة فالدروج و كنبركم كنعاير فيه
نزيم : أني نسمعك
انا : مزياااااااان دخلت سديت عليا دغيا تحسبا لأي هجوم مفاجئ ، رضعت ريم و نعستها هبطت لقيتو كالس داير رجل على رجل
انا : جيب ليا شي دوا باش نخبي شوها لي درتي ف وجهي
نزيم (بكل برودة ) : أ لا
أنا : كيفاش لا؟
نزيم : كي تسمعي
انا : نزيم الله يرحم باك حبيبك ما فيا لي ياتعصب عييت شري لي دوا ولا خليني نمشي نشريه
نزيم : ياسمين روحي بلعي الباب عليك نتي و بنتك، ولا أقسم بالله نعملك ما عملت لبارح
انا (بديت كنغوت ) : هاااانا يلاه ضرني .. يلاه نوض .. انا مدرت لك وااالو جاي تبرد فيا جنونك هاااا !! باااابا ا نزيم بابا لي ولدني عمرو حط عليا يدو تجي نتا تشبعني عصى علاش ؟ .. على والو
تم نايض وصل تال وجهي و انا مزال مطرطقة عيني فيه و هز يديه وتم منزلها
نزيم : لازم تولفي هادا هو سيستام من دوكا انتي ماراكيش تديري لي حساب
انا : ايوا لا كنا انبقاو على هاد الحال أسيدي طلقني انا ماشي مونيكا تبرد فيها جنونك
نزيم : نطلقك ؟ ههههه نطلقك على جال تروحي تركضي لعند un autre ؟ هههه أبدا ف أحلامك ا ياسمين و على جثتي ما نطلقك
انا : وا لا كان الحب ينعل بوه .. انا لا كنت ناكل لعصى كل نهار باسم الحب مابغيتش طلاق حسن ليا
خرج زدح الباب و انا طلقت عنان لدموعي كون فعلا درت شي حاجة انا نعطيه يضربني لكن انا مدرت والو لا كانت على التصرفيقة هو لي بدا اللول مرضني هاد اليوماين عمرنا وصلنا لهاد الحالة اصلا ماكاندابزوش فخطرة السيد تقلب 180° درجة أو بزااااف هادي ماتكون غير شي وحدة لعبت ليه لعقلو و بغا يدير السبة و دابا كيتبتني على انو انا لي باغا نطلق و هو رافض